Tensionet mes Iranit dhe Shteteve të Bashkuara janë përshkallëzuar pas deklaratave të presidentit amerikan Donald Trump për mundësinë e marrjes nën kontroll të Ngushticës së Hormuzit, një nga korridoret më strategjike detare në botë për transportin e naftës dhe energjisë.
Teherani ka reaguar duke paralajmëruar Uashingtonin se çdo përpjekje për të ndërhyrë në administrimin ose kontrollin e kësaj zone do të përballet me kundërmasa. Autoritetet iraniane kanë paralajmëruar gjithashtu edhe çdo shtet tjetër që mund të mbështesë një angazhim amerikan në këtë rajon.
Zëdhënësi i Komandës Qendrore të Forcave të Armatosura iraniane “Qatam al-Anbiya”, Ebrahim Zolfaghari, deklaroi se Irani nuk do të pranojë veprime të huaja që cenojnë, sipas tij, sigurinë dhe sovranitetin e vendit.
Sipas tij, çdo ndërhyrje në Ngushticën e Hormuzit do të konsiderohet kërcënim dhe do të marrë një përgjigje të përshtatshme nga forcat iraniane./ Zoom.al
Mërkuri retrogradë! Shenjat që do të kenë ndryshime të mëdha në jetë
