Një zjarr i madh përfshiu një bar në Bangkok mbrëmjen e së dielës, duke humbur jetën të paktën 27 persona, ndërsa 8 të tjere kanë mbetur të plagosur rëndë.

Flaka filloi pranë skenës së barit në lagjen e njohur Chatuchak, pastaj u përhap me shpejtësi, duke ndërprerë energjinë elektrike.

Pamjet e postuara në internet tregojnë klientë të panikuar që bërtasin ndërsa iknin, disa me rrobat e tyre në flakë, përmes derës së përparme të Rong Beer Na Lat Phrao të mbuluar nga flakët.

Zjarrfikësit, të cilët mbërritën në vendngjarje menjëherë pas mesnatës, e shuan shpejt zjarrin. Ata gjetën trupat e shumicës së viktimave në një banjo, ku me sa duket kishin kërkuar strehim.

Hetimet paraprake sugjerojnë se zjarri mund të jetë shkaktuar nga një qark i shkurtër elektrik në një kondicioner, megjithëse nuk është dhënë asnjë shkak zyrtar.

Kryeministri Anutin Charnvirakul, i cili vizitoi vendin e ngjarjes mëngjesin e së hënës, tha se një muzikant që po performonte kur shpërtheu zjarri i tha atij se “kishte shpërthime dhe të gjithë u përpoqën të iknin nga tymi dhe flakët”.

Shumë njerëz nuk dolën nga bari sepse “shkuan në pjesën e prapme të ndërtesës dhe u përpoqën të fshiheshin… në tualet”, tha muzikanti, sipas Anutin.