Për këtë arsye, media britanike “Daily Mail” i ka kushtuar një artikull 28-vjeçarit.

“Duke qëndruar në fushën e golfit të një hoteli luksoz në Cornish, i veshur me një këmishë me printe kafshësh, pantallona të shkurtra dhe sandale, Dorian Puka ka një figurë të papërshtatshme.
Por nuk është vetëm zgjedhja e dyshimtë e veshjes mes pushuesve që nuk shkon. Hajduti serial shqiptar është deportuar dy herë për një sërë krimesh në periferi të Londrës dhe nuk duhet të jetë fare në Britani. Megjithatë, në njëfarë mënyre Puka, 28 vjeç, ka arritur t’u shmanget autoriteteve për të jetuar një jetë luksoze në këtë vend për më shumë se dy vjet që kur Home Office u informua për herë të parë se ai ishte kthyer”, shkruan “Daily Mail”.

Artikulli vijon më tej duke vënë në pah se Dorian Puka poston vazhdimisht në rrjetet sociale, çka, sipas “Daily Mail”, duhet të kishte vënë në alarm autoritetet dhe të vepronin për dëbimin e tij.

“Puka poston pandërprerë, duke u mburrur për jetën e tij magjepsëse britanike duke shpërndarë fotot e tij në restorante të shtrenjta në perëndim të Londrës dhe duke bërë pushime në bregdet. Megjithatë, pavarësisht se ka bërë pak përpjekje për të fshehur vendndodhjen e tij, Ministria e Brendshme me sa duket nuk ka qenë në gjendje të gjejë hajdutin serial që ka terrorizuar Londrën për gati një dekadë.”

Në fund, shkrimi mbyllet me vendodhjen e Dorian Pukës, të gjetur nga “Daily Mail”, duke vëzhguar lëvizjet e tij të fundit.

“Kësaj gazete iu deshën vetëm dy javë për ta gjetur atë. Ne grumbulluam informacione nga mediat sociale, prerje gazetash dhe inteligjencë nga komuniteti shqiptar për të gjetur Pukën në një apartament në Hounsloë, në perëndim të Londrës. Prona është në pronësi të një kontabilisti. Kur e vizituam, ai u pa duke u larguar me një Mercedes që kushton 60,000 £ për të pirë një kafe. Shkelja flagrante e kontrolleve të imigracionit nga Puka është ilustrimi më i fundit i dështimeve të kufirit në Mbretërinë e Bashkuar”, përfundon artikulli.

Pas grabitjes së parë, Dorian Puka është burgosur për 9 muaj në vitin 2016, ndërsa një vit më vonë u dëbua. Por brenda 12 muajsh ai u rikthye në Mbretërinë e Bashkuar, ku kreu një sërë vjedhjesh në periferi të Londrës. Sërish ai u dërgua në qeli për 3 vite e gjysmë, ndërsa në 2020 u deportua për të dytën herë. Por u rikthye në janarin e 2021. Postimet në mediat sociale treguan se ai kishte udhëtuar përmes Gjermanisë, Belgjikës dhe Holandës.