Sipas Ora News, ai ka pajtuar studiot më të forta ligjore përmes parave të fituara në “vjedhjen” ende të dyshuar të parave të qytetarëve të Tiranës.

Arbër Veliaj raportohet se i ka paguar 300 mijë dollarë një studioje ligjore amerikane që të mbrojë vëllain e tij të akuzuar për korrupsion e pastrim parash, në seancën që do të mbahet në Apelin e GJKKO-së të martën e ardhshme, por edhe pas saj nëse do të lihet në fuqi vendimi i Shkallës së Parë.

Erion Veliaj ndodhet në qeli prej 10 shkurtit dhe seanca e ardhshme ndaj tij do të zhvillohet në 11 mars në orën 10:00.

Vëllai i kryebashkiakut ka qenë gjithashtu nën hetim nga SPAK, por sipas dosjes paraprake ndaj tij nuk është caktuar asnjë masë sigurie.

Sipas dosjes së siguruar nga Zoom.al, kryetari i Bashkisë Erion Veliaj ka në emër të tij 15 llogari bankare, gruaja e tij Ajola 16, ndërsa vëllai Arbër Veliaj, 31.

Kryebashkiaku ka vetëm 2 llogari të disponueshme pasi 14 të tjerat i kishte të bllokuara, sipas dosjes. Edhe Xoxa ka vetëm 2 llogari të hapura e të tjerat të bllokuara.

Nga hetimet SPAK gjeti se Ajola Xoxa kreu rreth 900 mijë euro shpenzime të pajustifikueshme, duke blerë bizhuteri dhe veshje luksi. Bashkë me kreun e bashkisë, Xoxa akuzohet për skemë korrupsioni dhe pastrim parash.