Moderatori Ed Manushi ka ndezur kureshtjen e publikut me një deklaratë të papritur gjatë një lidhjeje telefonike në emisionin “Live From Tirana”.
Teksa po diskutohej për emrat që mund të bëhen pjesë e sezonit të ri të “Big Brother VIP Albania”, Manushi nuk hezitoi të përmendte një personazh të njohur nga “E Diell”.
I pyetur nga Ronaldo Sharka nëse ndonjë prej kolegëve të tij nga programi mund të hyjë në shtëpinë më të famshme në vend, ai u përgjigj:
“Po, kemi një kandidate këtë vit nga ‘E Diell’. Është Hilda Kërtalli, dhe është një emër shumë serioz për BBVIP 5.”
Edhe pse pjesëmarrja e saj nuk është zyrtarizuar ende, Manushi la të kuptohet se Hilda do të ishte një zgjedhje mjaft interesante për formatin, duke shtuar:
“Është e përshtatshme për këtë lloj spektakli.”/ Zoom.al
