Një i ri shqiptar ka humbur jetën në një aksident tragjik që ndodhi në zonën e Atikës, në Greqi.
Sipas mediave lokale, aksidenti ka ndodhur gjatë orëve të para të së premtes, kur 23-vjeçari ka humbur kontrollin mbi automjetin e tij. Më pas makina ka dalë nga rruga dhe është përplasur me barrierat, duke u përmbys.
Pesë zjarrfikës kanë ndërhyrë menjëherë për të nxjerrë të riun nga automjeti, i cili më pas është transportuar në spital.
Fatkeqësisht, pavarësisht përpjekjeve të mjekëve, ai nuk ka mundur të mbijetojë.
Autoritetet greke po vijojnë hetimet për të sqaruar shkaqet e aksidentit dhe rrethanat që çuan në këtë ngjarje tragjike./ Zoom.al
