Muajin e kaluar, drejtuesit e Wolves hodhën në votim kërkesën për heqjen e VAR-it, pasi besojnë se disa skuadra i “dëmtoi” shumë më tepër.
Klubet mbajtën një votim sot dhe vendosën të mbajnë VAR-in edhe në sezonet në vijim. Votimi ishte pothuajse unanim, pasi të 19 klubet ishin në favor të mbajtjes së VAR-it dhe vetëm Wolverhampton ishte kundër tij.
Megjithatë, nuk mbaroi me kaq, pasi klubet kërkuan përmirësime në përdorimin e sistemit VAR dhe gjithçka u përdor si një bisedë e “shëndetshme” dhe shkëmbim idesh për sezonin e ardhshëm.
“Klubet e Ligës Premier sot votuan në favor të vazhdimit të funksionimit të VAR-it në Ligën Premier. Ndërsa VAR prodhon vendimmarrje më të sakta, u ra dakord që duhet të bëhen përmirësime për të mirën e lojës dhe tifozëve. Si pjesë e diskutimeve të plota në Mbledhjen e Përgjithshme Vjetore, u ra dakord që PGMOL (Shoqata e Gjyqtarëve), Liga Premier dhe klubet të gjithë kanë role të rëndësishme për të luajtur në përmirësimin e sistemit dhe reputacionit të tij”, shkruhet në deklaratën zyrtare. /ZOOM.AL/
