Siç shihet në fotot e siguruar nga Zoom.al, shqiptarët këtë të shtunë e paguajnë një litër naftë 230 lekë.

Konkretisht:

– “Kastrati” 1 litër benzin e shet 238 lekë, ndërsa 1 litër naftë 230 lekë
– “Gega Oil”, 1 litër benzin e shet 230 lekë, ndërsa 1 litër naftë 230 lekë
– “Eida”, 1 litër benzin e shet 230 lekë, ndërsa 1 litër naftë 225 lekë
-“Alpet” 1 litër benzin e shet 230 lekë, ndërsa 1 litër naftë 230lekë

Këto çmime pasohen nga të tjerë kompani që tregtojnë karburant.

Ajo që vihet re është se çmimi është pothuajse I njëjtë për të gjitha kompanitë dhe rritja është reflektuar në mënyrë të njëtrajtshme, shkruan Zoom.al. Kjo ngre hije dyshimi mbi një marrëveshje të fshehtë mes bizneseve, e për pasojë Autoriteti i konkurrencës ka nisur hetimet ndaj grosistëve shqiptarë. Megjithatë të të paktën 10 vitet e fundit, Autoriteti i konkurrencës nuk ka qenë i aftë të gjejë shkelje dhe të gjobisë tregëtarët e naftës, ndonëse ka bërë disa inspektime.

Orët e para të mëngjesit të sotëm shënuan rritjen e tretë të naftës Brenda dy ditësh në vend. Vetëm të mërkurën nafta tregtohej me 192 lekë, pra është rritur me 38 lekë. Rritja e parë u reflektua kur nafta arriti 110 dollarë për fuçi në bursat ndërkombëtare dhe e dyta kur arriti 118 dollarë për fuçi. Ndonëse nafta në bursa u ul lehtë një ditë më parë, në 113 dollarë dhe më pas u ngjit sërish në 118 dollarë për fuçi, në Shqipëri ajo vijoi të rritej dhe gjatë ditës së sotme.

Qytetarët janë shprehur se çmimi I karburantit është I papërballueshëm për ta. Ndërsa ekpertët e ekonomisë shprehen se çmimi në bursë është ndikuar nga lufta në Ukrainë. Megjithatë nafta në Shqipëri vuan edhe pasojat e disa taksave që qeveria I ka përfshirë në çmim.  Taksat mbi naftën arrijnë në 120-130 lekë për litër, pas shtrenjtimit të fundit ( nga akciza, rilicencimi, skanimi, markimi ), ose mbi 40 lekë më shumë se 10 vite më parë.

The Economistë paralajmëroi sot se nëse eksportet ruse të energjisë ndërpriten plotësisht, çmimi i naftës mund të arrijë në 150 dollarë, duke rritur me shpejtësi çmimet globale të konsumit me 2%. /Zoom.al/