Kupa e Botës 2026 do të ketë një rekord prej 48 ekipesh në turne, i cili do të organizohet bashkërisht nga Shtetet e Bashkuara, Meksika dhe Kanadaja.

Kampioni pesë herë Brazili u kualifikua të martën me një fitore 1-0 ndaj Paraguait.

Ekipi i Carlo Ancelottit mbetet i vetmi ekip që ka luajtur në të gjitha edicionet e turneut.

Ekuadori u kualifikua gjithashtu nga Amerika e Jugut pas barazimit 0-0 me Perunë.

Australia e siguroi kualifikimin më herët me një fitore 2-1 ndaj Arabisë Saudite në kualifikueset aziatike.

Dyzet e tre ekipe do t’i sigurojnë vendet e tyre përmes turneve kualifikuese kontinentale. Dy të tjera do të sigurojnë vendet e tyre në playoff-et ndërkontinentale me gjashtë ekipe dhe të planifikuara për marsin e vitit 2026. Tre vendet pritëse kualifikohen automatikisht.

Kush është kualifikuar deri tani?

Shtetet e Bashkuara, Meksika, Kanadaja (kualifikohen automatikisht si pritës)

Japonia (e kualifikuar më 20 mars)

Irani (i kualifikuar më 25 mars)

Jordan (i kualifikuar më 5 qershor)

Koreja e Jugut (e kualifikuar më 5 qershor)

Uzbekistani (i kualifikuar më 5 qershor)

Australia (e kualifikuar më 10 qershor)

Zelanda e Re (e kualifikuar më 24 mars)

Argjentina (e kualifikuar më 25 mars)

Brazili (i kualifikuar më 10 qershor)

Ekuadori (i kualifikuar më 10 qershor)

Postime të lidhura

• 
  Infantino mbron çmimet për Kupën e Botës: Çmenduri! 10 milionë kërkesa për bileta çdo ditë