Sasuolo u ndesh me Salernitanën e vendit të fundit jashtë fushe mbrëmë, në javën e 31-të të Seria A.

Trajneri i Sasuolos zgjodhi që t’i besonte Nedim Bajramit që nga minuta e parë në këtë ndeshje dhe mesfushori i Kombëtares shqiptare ia ka shpërblyer në mënyrën më të mirë.

Bajrami si një protagonist i shkëlqyer në fushë, në fillim dhuroi asist për Laurienten, që shënoi golin e parë për miqtë. Më pas do të shënonte vetë golin e dytë.

Falë një gabimi të mbrojtjes vendase, topin e merr Pinamonti që pason drejtë Bajramit, dhe ky i fundit nuk e kishte të vështirë ta dërgonte në rrjetë me portën e boshatisur.

Sassuolo po lufton për mbijetesë këtë sezon, pas një forme të dobët të shfaqur, teksa nuk e mbajti dot këtë fitore që do u jepte më shumë zemër bardhejeshilëve. Salernitana, pothuajse e rënë me 15 pikë,  në pjesën e dytë shkurtoi shifrat në minutën e 52-të dhe në minutën e dytë shtesë arriti të vendoste 2-2 barazpeshën, duke ndarë nga një pikë.

Sassuolo gjendet në vendin e 18 me 25 pikë, dy më pak nga zona e shpëtimit dhe vetëm 7 javë nga fundi. /ZOOM.AL/