Ai ra në pranga sepse akuzohet se gjatë kohës që drejtonte Kadastrën, ka shfrytëzuar detyrën për të regjistruar një pronë me dokumente false.

Ardian Kona rezulton të jetë djali i tezes së Monika Kryemadhit.

Për abuzim dhe shpërdorim detyre në Kadastrën e Durrësit janë shpallur në kërkim edhe juristi Bledar Zerba, hartografi Leandro Dervishi dhe Arta Demiraj, përfituese.

Nga hetimi ka rezutuar se 44-vjeçarja, banuese në Tiranë, në bashkëpunim me tre punonjësit e ASHK-së Durrës kanë regjistruar pasurinë e llojit arë me sipërfaqë 12.900 m2 pa asnjë dokument ligjor, pasuri kjo e ndodhur në Lalëz Durrës.