Shikimet e UFO-ve në vitet 1960 ka të ngjarë të jetë shkaktuar nga testet e avionëve të avancuar të spiunazhit amerikan dhe teknologjisë hapësinore, ka treguar një raport i Pentagonit.
Zyrtarët thanë gjithashtu se nuk kishte “asnjë provë” se qeveria amerikane kishte hasur jetë aliene.
Shumica e UFO-ve ishin objekte të zakonshme nga Toka, sipas raportit të dorëzuar në Kongres të premten.
Por zyrtarët e Pentagonit pranuan se hulumtimi i tyre nuk do të ndikojë në ata që besojnë se jashtëtokësorët kanë zbritur në Tokë.
“Përhapja e programeve televizive, librave, filmave dhe sasia e madhe e përmbajtjes së internetit dhe mediave sociale e përqendruar në tema të lidhura me UFO ka shumë të ngjarë të ketë ndikuar në bisedën publike mbi këtë temë dhe ka përforcuar këto besime brenda disa pjesëve të popullsisë,” thuhet ne raport.
Raporti është pjesë e një përpjekjeje të gjerë publike nga qeveria amerikane për të ekzaminuar UFO-t – ose siç i quajnë zyrtarët, “fenomene anormale të paidentifikuara” (UAP).
Sipas një sondazhi të Gallup të vitit 2021, pak më shumë se 40% e amerikanëve mendojnë se anije kozmike aliene kanë vizituar Tokën, një numër që u rrit nga 33% në vetëm dy vjet.
AARO ekzaminoi arkivat dhe dosjet e klasifikuara dhe shqyrtoi të gjitha hetimet zyrtare të qeverisë që datojnë që nga viti 1945.
