Një vrasës i trefishtë shqiptar, të cilit iu dha azil dhe shtetësi në Mbretërinë e Bashkuar ndërsa ishte në arrati, është arrestuar në SHBA.
Sokol Hoxha, 50 vjeç, iku nga Evropa kontinentale për në Britani pasi vrau gruan e tij 19-vjeçare në vitin 1997 në Belgjikë dhe vrau dy vëllezër në Shqipëri në të njëjtin vit.
Ai shkoi në Britani duke përdorur një identitet të rremë, duke pretenduar se ishte refugjat nga Kosova, gjë që i lejoi atij të kërkonte azil dhe në fund shtetësi britanike.
Një ndjekje gjashtëvjeçare nga policia që shtrihet në dy kontinente ka rezultuar në arrestimin e Sokol Hoxhës, i cili ka qenë subjekt i dy njoftimeve të Interpolit për tre vrasjet. Ai u arrestua në Kettering, Ohio.
“Gjatë hetimit, autoritetet përcaktuan se Hoxha mori një identitet të rremë pasi u arratis nga Belgjika dhe më pas mori shtetësinë në një vend tjetër evropian me pseudonimin. Hoxha më vonë dyshohet se hyri në SHBA dhe mori statusin e qëndrimit të përhershëm të ligjshëm, ndërsa vazhdoi të fshihte identitetin e tij të vërtetë.”, informuan autoritetet amerikane.
Mbretëria e Bashkuar i dha aziil Sokol Hoxhës duke përdorur identitetin e tij të rremë. Ai kishte udhëtuar në SHBA në vitin 2012, duke përdorur mbajtur sekret identitetin e tij të vërtetë për 14 vjet të tjera.
Hoxha u dënua në mungesë me 25 vjet burg për vrasjen e dyfishtë të vëllezërve në Patos të Shqipërisë. Ai dyshohet se ka vrarë gruan e tij 19-vjeçare pasi ajo refuzoi kërkesat e tij që të bëhej prostitutë.
“ChatGPT më çoi në prag të vdekjes”, 55-vjeçari padit OpenAI për këshillat mjekësore
