Në mesnatë, vajza e politologut rus Aleksandër Dugin, Darya u vra në periferi të Moskës, pas një shpërthimi që ndodhi në makinën e saj.
30-vjeçarja ishte duke lëvizur në autostradë, kur një bombë shpërtheu në makinën që ajo drejtonte duke bërë që të humbiste jetën menjëherë.
Darya kishte hyrë në politikë kohët e fundit, por më shumë njihet si vajza e politogologut të famshëm të Putinit që ka frymëzuar dhe mbështetur të gjitha lëvizjet politike të Presidentit të Rusisë.
Mediat perëndimore raportojnë se dyshohet që objekt i atentatit ishte vetë Dugin, pasi atë makinë e përdorte ai dhe jo vajza, megjithatë këto janë pretendime të paverifikuara. Fill pas atentatit, në vendin e ngjarjes mbërriti vetë Dugin duke vënë duart në kokë nisur nga ajo që pa.
Nuk dihet se kush fshihet pas këtij atentati. Rusët akuzojnë ukrainasit, kurse mediat perëndimore dhe vetë ukrainasit akuzojnë Putinin dhe shërbimin sekret rus se tentoi të vriste vetë Duginin, por e pësoi vajza e tij.
