Presidenti i SHBA-së, Donald Trump, ka thënë se do të vendosë një tarifë prej 35% për mallrat kanadeze duke filluar nga 1 gushti, edhe pse të dy vendet ishin vetëm disa ditë larg një afati të vetëimponuar për të arritur një marrëveshje të re tregtare.

Njoftimi erdhi në formën e një letre të botuar në platformën sociale të Trump, Truth Social, së bashku me kërcënime shtesë për tarifa të përgjithshme prej 15% ose 20% për shumicën e partnerëve tregtarë.

Kryeministri kanadez Mark Carney tha se qeveria e tij do të vazhdojë të mbrojë punëtorët dhe bizneset kanadezë ndërsa ata punojnë drejt afatit të ri.

Letra e Trump është ndër më shumë se 20 letrat që presidenti amerikan ua ka dërguar këtë javë partnerëve tregtarë të SHBA-së, përfshirë Japoninë, Korenë e Jugut dhe Sri Lankën.