Një ngjarje e rëndë tronditi të shtunën qytetin e qetë të Markdorfit në Gjermani.
Një shqiptar 47-vjeçar mbërriti me taksi në vendin e punës së gruas së tij dhe menjëherë hapi zjarr duke e lënë të vdekur. Ngjarja ndodhi në një dyqan ku punonte viktima 44-vjeçare.
Më pas autori i krimit, që mendohet se ishte i dehur, u largua sërish me taksi. Megjithatë policia gjermane arriti ta arrestojë më vonë autorin e krimit tronditës.
Mësohet se ai dhe e shoqja nuk jetonin në një banesë, ndërsa gruaja la pas një fëmijë të vogël.
Ende nuk dihet se cili është motivi i këtij krimi shokues. Gruaja humbi jetën në vendin e ngjarjes, pavarësisht përpjekjeve për ta mbajtur në jetë.
Policia po kërkon dëshmitarë për ngjarjen e rëndë. Sipas forcave të rendit, nuk pati të plagosur, edhe pse krimi ndodhi në një dyqan me klientë.
Bëhuni pjesë e Zoom.al 👇👇
Related Posts
None found
