Moti në vend pritet të pësojë ndryshim gjatë fundjavës, me reshje shiu dhe episode breshëri në disa zona të Shqipërisë.
Sinoptikania e Shërbimit Meteorologjik, Eneida Doçi, bëri të ditur se dita e shtunë do të karakterizohet nga vranësira dhe mot i paqëndrueshëm pothuajse në të gjithë territorin. Reshjet e shiut pritet të nisin që në orët e para të mëngjesit dhe do të vazhdojnë herë pas here gjatë ditës me intensitet të ulët.
Sipas parashikimeve, në zonat kodrinore dhe malore nuk përjashtohet edhe rënia e breshërit. Në orët e mbrëmjes reshjet pritet të dobësohen gradualisht.
Edhe dita e diel do të sjellë alternime kthjellimesh dhe reshjesh të izoluara, ndërsa temperaturat do të mbeten relativisht të freskëta për këtë periudhë, me vlera që luhaten nga 7 deri në 23 gradë Celsius.
Sinoptikanët paralajmërojnë se moti i paqëndrueshëm do të vijojë edhe në fillim të javës së ardhshme. Ndërkohë, era pritet të fryjë me shpejtësi mesatare deri në 8 metra për sekondë, ndërsa në detin Adriatik dhe Jon dallgëzimi do të arrijë deri në 3-4 ballë./ Zoom.al
“ChatGPT më çoi në prag të vdekjes”, 55-vjeçari padit OpenAI për këshillat mjekësore
