Samsung Electronics ka njoftuar planet ambicioze për këtë vit, duke synuar të dyfishojë numrin e pajisjeve mobile të pajisura me Inteligjencë Artificiale “Galaxy AI”.
Këto pajisje, të mbështetura kryesisht nga modeli Gemini i Google, pritet të arrijnë shifrën e 800 milionë njësi gjatë vitit 2026.
Bashkëdrejtori ekzekutiv i kompanisë, T.M. Roh, theksoi se qëllimi është integrimi i inteligjencës artificiale në të gjitha produktet, funksionet dhe shërbimet e Samsung, duke u dhënë përdoruesve përvoja më të personalizuara dhe efikase.
“Strategjia jonë do të na vendosë në një avantazh konkurrues kundrejt rivalëve kryesorë, përfshirë Apple dhe prodhuesit kinezë, në tregun global të AI-së”, tha Roh.
Galaxy AI ofron mjete të avancuara për kërkim, redaktim gjenerativ, përkthim dhe përmbledhje të përmbajtjes, të mundësuara nga Gemini dhe Bixby.
Megjithatë, Roh paralajmëroi se mungesa globale e çipave të memories mund të ndikojë në rritjen e çmimeve të telefonëve inteligjentë, ndërkohë që tregu global i smartfonëve pritet të tkurret vitin e ardhshëm./ Zoom.al
Festa e çmendur për titullin botëror të Spanjës përfundon në tragjedi, humb jetën 13-vjeçari
