Në moshën 88-vjeçare, Allen ka 50 filma të publikuar nën firmën e tij, përveç gjashtë dekadave që ka punuar prapa kamerave në sete filmash të Hollivudit.

Në vitin 2023 ai nxorri në kinema filmin e tij të fundit, ‘Stroke of Luck’, ndërsa kanë filluar të qarkullojnë thashethemet se ky mund të ishte filmi i tij i fundit artistik.

Të paktën këtë duket se ka treguar vetë regjisori kur ishte në mes të xhirimeve, duke lënë të ditur se ky film mund të jetë fundi i karrierës së tij në industri, diçka që përfaqësuesi i tij është përpjekur ta mohojë duke thënë se në realitet, Allen “nuk ka ndërmend të tërhiqet”.

Megjithatë, e vërteta është se që nga premiera e tij, regjisori nuk është përfshirë më në asnjë produksion, prandaj zërat për një dalje të mundshme në pension janë rishfaqur, duke vënë në pah dëshminë që vetë Allen ka dhënë në një intervistë për mediumin AirMail ku ka deklaruar se. ai ishte “i pavendosur për këtë”.

Ndonëse regjisori nuk foli hapur për lamtumirën e tij, ai e bëri të qartë se nuk dëshiron të punojë duke i kushtuar vëmendje fitimeve, duke thënë se nuk dëshiron të dalë e të mbledhë para, duke shtuar “më jep një dhimbje koke.”