I ka ndodhur një 32-vjeçare nga Alabama, Kelsey Hatcher, tashmë nënë e tre fëmijëve, e cila po dokumenton “aventurën” e saj të re në Instagram.

Gruaja mësoi se kishte një mitër të dyfishtë në moshën 17-vjeçare. Mitra e dyfishtë është një anomali që prek afërsisht një në 2000-3000 gra.

Pavarësisht pranisë së dy trupave të mitrës, ka ende dy tuba fallopiane. Mitra e dyfishtë, ose didelphus, është e pranishme që në lindje dhe nëse nuk shkakton probleme, nuk kërkon ndërhyrje.

Një lindje e dyfishtë si ajo me të cilën përballet 32-vjeçarja amerikane është ndryshe. Shtatzënitë në të dy mitra janë jashtëzakonisht të rralla, tha për ABC Shweta Patel, mjekja obstetër-gjinekologe që kujdeset për gruan në Universitetin e Alabama në Qendrën e Grave dhe Foshnjave në Birmingham. Shanset ishin një në 50 milionë.

Rasti i fundit i njohur ndodhi në Bangladesh në vitin 2019, kur Arifa Sultana, atëherë 20 vjeç, lindi binjakë të shëndetshëm me 26 ditë diferencë.

Kelsey Hatcher zbuloi se ajo ishte në pritje të binjakëve në ekografinë e saj të javës së tetë, dhe atëherë mësoi se binjakët ishin secili në një mitër. “Me shumë gjasa ajo ka ovuluar veçmas dhe një vezë ka zbritur nga çdo tub fallopian, domethënë nga çdo anë e mitrës, pastaj spermatozoidi ka udhëtuar në secilën mitër dhe fekondimi ka ndodhur veçmas,” tha gjinekologia.

Edhe pse gratë me mitër të dyfishtë shpesh përballen me komplikime gjatë shtatzënisë, të tre fëmijët e mëparshëm të Hatcher lindën të shëndetshëm, por ata nuk ishin binjakë. Hatcher shpreson se nuk do t’i duhet të përdorë një prerje cezariane për foshnjat e saj, të cilët do të lindin rreth periudhës së Krishtlindjeve. Megjithatë Kelsey dhe burri i saj Caleb e di se mund të jenë të nevojshme një ose dy prerje cezariane, të cilat në fakt janë shumë të zakonshme në situatat me mitër të dyfishtë, pasi secili mund të linde në kohë të ndryshme.

32-vjeçarja mbetet optimiste rreth kësaj situate të pazakonte madje bën edhe shaka: “Në çdo vizitë te mjeku më pëlqen të më thonë ‘Nuk kemi pasur një situatë të tillë më parë, ky është një rast krejtësisht i ri për ne’. Unë kam një shtatzëni me rrezik të ulët tani, por një lindje me rrezik të lartë. Ne i besojmë plotësisht spitalit: ai do të na ofrojë kujdesin më të mirë, edhe pse pa përvojë të mëparshme”.