I riu pas aksidentit, doli nga makina së bashku me pasagjerin dhe mësohet se është larguar nga vendngjarja duke qëndruar i fshehur. Policia nuk e ka publikuar identitetin e tij për shkak edhe të moshës, teksa dyshohet se ka qenë i papajisur me leje drejtimi.

Por adoleshenti është kthyer në banesë ditën e sotme pas negociatave me familjen. Pasi u kthye në shtëpi, uniformat blu prangosën 17-vjeçarin, ndërsa ende nuk ka një njoftim nga policia në lidhje me ngjarjen. Hetimet po i ndjek Prokuroria e Rrethit. /ZOOM.AL/