Aplikacion
Por në raportimin e saj, RFI vuri theksin te roli i mafias shqiptare në trafikun e narkotikëve, në bashkëpunim me kartelet meksikane. Në thuajse të gjitha shkrimet e mediave të huaja mbi situatën atje, mafia shqiptare thuhet se kontrollon portin kryesor të trafikut, atë të Guajakilit.
RAPORTIMI I RFI
Ekuador: Gjendja e jashtëzakonshme zgjatet edhe për 30 ditë të tjera
Kjo e premte, më 8 mars, do t’i jepte fund 60 ditëve të gjendjes së jashtëzakonshme që shënoi jetën e ekuadorianëve. Dislokimi i forcave ushtarake do të vazhdojë përfundimisht deri më 8 prill. Vendi është tronditur nga ajo që Quito e përshkruan si një “konflikt të armatosur të brendshëm”, një luftë e vërtetë midis ushtrisë dhe trafikantëve të drogës, pikërisht në zemër të rrugëve.
Ushtarët kanë arrestuar tashmë më shumë se 7,500 njerëz dhe kanë sekuestruar rreth 65 ton drogë në dy muaj operacion. Në total, rreth njëzet banda besohet të jenë të përfshira në përleshjet që tronditin Ekuadorin. Këto banda janë të lidhura me kartelet meksikane dhe mafian shqiptare, të cilat kontrollojnë trafikun e kokainës në vend. Ekuadori ndodhet midis dy prodhuesve kryesorë, Kolumbisë dhe Perusë.
Rreziku i krizës humanitare
Pika fillestare e kësaj dhune ishte arratisja e 7 janarit e Adolfo “Fito” Macias nga një burg në Gayaquil. Ende në arrati, ai është udhëheqësi i grupit më të madh kriminal të Ekuadorit, “Los Choneros”.
Në këtë proces, 200 oficerë policie dhe roje burgu u rrëmbyen. Përballë pasigurisë, Komiteti Ndërkombëtar i Shpëtimit përfshiu Ekuadorin për herë të parë, këtë të enjte, më 7 mars, në listën e tij të vëzhgimit të vendeve në rrezik të krizës humanitare.
Ledjona ngacmon Beniadën, e pyet kur ka bërë seks për herë të fundit. Si u përgjigj modelja