Katër pistoleta janë sekuestruar nga Policia e Sarandës gjatë një operacioni të zhvilluar pasditen e së mërkurës në tunelin e Skërficës, në aksin rrugor Kardhiq–Delvinë.
Mësohet se armët u gjetën në një automjet që po udhëtonte drejt Sarandës. Bëhet fjalë për katër pistoleta të tipit “Glock”, të cilat dyshohet se kishin si destinacion qytetin bregdetar.
Ende nuk dihet numri i saktë i personave të arrestuar në kuadër të operacionit, ndërsa mësohet se një prej tyre është nga Mallakastra.
Policia pritet të japë detaje zyrtare mbi operacionin dhe rrethanat e sekuestrimit të armëve.
