Pas fitores në Ligën e Kampionëve dhe dominimit në listën e ngushtë të “Topit të Artë” me nëntë lojtarë, në kampin e Paris Saint-Germain nuk ka vetëm festë.

Rivaliteti për trofeun individual më prestigjioz në botën e futbollit po ndez tensionet mes yjeve të Luis Enriques.

Fillimisht, shumica e skuadrës dukej e bashkuar për të mbështetur kandidaturën e Ousmane Dembélé-s. Por gjithçka ndryshoi kur Achraf Hakimi deklaroi për Canal+:

“Kam shënuar në çerekfinale, gjysmëfinale dhe finale, diçka që Dembélé nuk e ka bërë, dhe për një mbrojtës kjo është edhe më e vështirë. Mendoj se e meritoj më shumë se një sulmues.”

L’Équipe raporton se zyra e shtypit e klubit tentoi të ndalonte publikimin e deklaratës së tij, por marokeni nuk pranoi të tërhiqej.

Në listë, përveç Hakimit dhe Dembélé-s, janë edhe Gianluigi Donnarumma, Désiré Doué, Khvicha Kvaratskhelia, Vitinha, Neves, Fabián Ruiz dhe Nuno Mendes.

Donnarumma nuk mbeti pas: portieri italian postoi në rrjete sociale se është i vetmi portier në garë, ndërsa agjenti i tij, Vincenzo Raiola, i kujtoi publikut:

“Pa pritjet e Gigios ndaj Liverpool, Aston Villa dhe Arsenal, PSG nuk do ta kishte fituar kurrë Ligën e Kampionëve.”/ Zoom.al

Postime të lidhura

• 
  Kush do ta fitojë Topin e Artë 2025? Ja emrat në garë