Një e moshuar ndërroi jetë mesditën e kësaj të hëne, pasi u përplas nga një makinë.

Aksidenti i rëndë u shënua në Laç, teksa 72-vjeçarja me inicialet M. Gj. po kalonte rrugën.

Në këtë moment, ajo u përplas për vdekje nga një makinë, që drejtohej nga një 24-vjeçar i identifikuar si Samuel Kasmi.

I riu u arrestua nga policia menjëherë pas ngjarjes, ndërsa po vazhdojnë hetimet për të zbardhur më shumë detaje për shkaqet e aksidentit.