Katër persona kanë humbur jetën dhe 14 të tjerë janë plagosur, disa prej tyre rëndë, pas një sulmi të përgjakshëm me armë zjarri të ndodhur mbrëmjen e së mërkurës në lagjen River North të Çikagos, ka bërë të ditur Policia e Çikagos.

Ngjarja ndodhi në bllokun 300 të West Chicago Avenue, kur një automjet iu afrua një turme njerëzish që qëndronin jashtë. Sipas deklaratave paraprake të policisë, të paktën një person i armatosur brenda automjetit hapi zjarr ndaj turmës, duke shkaktuar panik dhe viktima në vendngjarje.

Autori i sulmit është larguar menjëherë nga vendngjarja dhe ende nuk është identifikuar ende, bëri të ditur policia.

Hetimet janë në vazhdim, ndërsa autoritetet po shqyrtojnë kamerat e sigurisë dhe po marrin në pyetje dëshmitarët në përpjekje për të identifikuar autorin e ngjarjes./ Zoom.al