Ministri i Punëve të Brendshme të Serbisë, Ivica Dačić, ndodhet në gjendje të rëndë shëndetësore dhe është shtruar me urgjencë në Qendra Klinike e Beogradit.

Mediat në Beograd raportojnë se ai po trajtohet në repartin e terapisë intensive, i lidhur me aparatura për frymëmarrje, pasi është diagnostikuar me pneumoni të dyfishtë.

Sipas burimeve mjekësore, gjendja e tij paraqitet e rëndë, ndërsa stafi shëndetësor po ndjek nga afër evoluimin e situatës.

Mjekët kanë bërë me dije se 72 orët e ardhshme do të jenë vendimtare për të parë reagimin ndaj trajtimit, duke theksuar se është ende herët për të dhënë një parashikim mbi ecurinë.