Aplikacion
Gati 117 mijë persona janë evakuuar për shkak të përmbytjeve në Kazakistan, njoftoi sot Ministria e Emergjencave. Vetëm 16000 njerëz janë kthyer tashmë në shtëpitë e tyre, tha ministria në një deklaratë, pasi ujërat u tërhoqën në disa zona.
Megjithatë, operacioni i evakuimit vazhdoi në rajonet e Kazakistanit të Veriut, Aktobe dhe Kazakistanit Perëndimor, sipas të njëjtit burim.
Më shumë se 2000 shtëpi u përmbytën dje në rajonin më verior të vendit, thanë autoritetet, ndërsa në kufirin me Rusinë, autoritetet në rajonet Kurgan dhe Tyumen po evakuojnë banorët për shkak të situatës.
Nivelet e ujit në lumenjtë e vendosur në pjesë të Uraleve në Rusi dhe në rajonet e Siberisë jugperëndimore, si dhe në rajonet fqinje të Kazakistanit, po rriten me shpejtësi, thonë zyrtarët. Të martën, presidenti i Kazakistanit Kassym-Jomart Tokayev udhëtoi për në Petropavlovsk, ku guvernatori lokal Gavez Nurmukabetov e informoi atë se 10,345 njerëz në rajon janë evakuuar pasi pjesë të qytetit mbeten nën ujë, tha presidenca.
Floods continue in regions of Russia and Kazakhstan pic.twitter.com/ztPFcMgU1T
— The Epoch Times (@EpochTimes) April 12, 2024
“Ne po kalojmë kohë të vështira. Kjo është një fatkeqësi në shkallë kombëtare. Mendoj se dhjetë ditët e ardhshme do të jenë kritike, por ne tashmë po ndërmarrim hapa për të rindërtuar vendin dhe për t’u marrë me pasojat e fatkeqësisë,” tha Tokayev në një takim me të prekurit. /ZOOM.AL/
Katastrofa natyrore godet edhe Kenian, 169 të vdekur dhe qindra të zhdukur nga stuhitë e përmbytjet