Leximi i ndeshjes – “Ne e dimë se është pjesa e dytë e një ndeshjeje shumë të rëndësishme në të cilën ne fillojmë me një avantazh. Ne e dimë vlerën e tyre, duhet të jemi të mirë për t’i kapërcyer ata të vetëdijshëm se mund të jemi në mesin e katër ekipeve më të mira në Evropë. Do të ishte një gjë e mrekullueshme. Ky është qëllimi ynë”.

Përqendrimi për ndeshjen – “Ne e dimë përparimin tonë në kupë dhe e dimë që në ligë nuk jemi në pozicionin që donim në fillim. Tani fokusi ynë është te ndeshja e nesërme. Kemi një avantazh, por nuk do të menaxhohet. Ne do të duhet të luajmë një ndeshje në mënyrën më të mirë të mundshme kundër një kundërshtari me vlerë të madhe, i cili si Interi është në rënie në rezultate, por jo në lojë. Benfica kishte humbur dy ndeshje në një vit, tani ka humbur tre në një javë, por kanë luajtur tre ndeshje në përputhje me vlerën e tyre”.

Futbollistët në skadencë kontrate – “Ne duhet të jemi më të mirë në atë që po ndodh rreth nesh, duhet të izolohemi. Lojtarëve që u përfundon kontrata i shoh duke punuar mirë çdo ditë. Është pjesë e futbollit të jemi në ekuilibër, është pjesë e punës sonë. Duhet të jemi të fortë dhe me mendime të kthjellta për të menduar për ndeshjen e radhës”.

Atmosfera në ekip – “Sa i përket ndeshjes së nesërme, ne vijmë nga një humbje në shtëpi që na ngadalësoi, por kjo është e kaluara për ne. Jemi të fokusuar te skuadra që do të takojmë, nesër do të jetë një ndeshje e rëndësishme dhe e vështirë. Duhet të kemi intesitet, ata vrapojnë shumë dhe e mbulojnë mirë fushën. Ne duhet të jemi të mirë në mbulimin e çdo pjese të fushës për t’i bërë ata më pak të rrezikshëm”. /zoom.al/