Autoritetet gjyqësore iraniane ekzekutuan sot në publik një burrë të dënuar për përdhunimin dhe vrasjen e një vajze të re në Iranin veriperëndimor.

Sipas prokurorit, Naser Atambati, ekzekutimi u krye në agim me varje dhe në prani të qytetarëve.

“Me kërkesë të familjes së viktimës dhe banorëve të zonës, për shkak të ndikimit të fortë emocional që ngjarja pati në shoqërinë lokale, vendimi u ekzekutua publikisht”, deklaroi prokurori.

Detaje të mëtejshme rreth viktimës, moshës së saj apo identitetit të autorit të krimit nuk janë bërë ende publike. Po ashtu, mbeten të paqarta rrethanat dhe data e saktë e kryerjes së krimit.