Kryeministri Edi Rama ka reaguar pas gjetjes së katër trupave të ushtarëve amerikanë në kufirin mes Lituanisë dhe Bjellorusisë.
Rama shpreh ngushëllimet për familjet e tyre dhe solidaritetin ndaj Shtëeteve të Bashkuara ndërsa thotë se ngjarja ështtë kujtesë për rrezikun që përballen ushtarakët që shërbejnë.
Postimi i plotë i kryeministrit:
Lajme tragjike nga Lituania. Humbja e ushtarëve amerikanë gjatë stërvitjeve të fundit ushtarake është një kujtesë e dhimbshme e rreziqeve që përballen ata që shërbejnë. Mendimet dhe lutjet tona janë me familjet e tyre. Si gjithmonë, Shqipëria qëndron pranë Shteteve të Bashkuara dhe Komandantit të saj të Përgjithshëm
Katër ushtarët amerikanë u shpallën të humbur disa ditë më parë ndërsa lajmin e konfirmoi shefi i NATO-s Mark Rutte.
Brigada e Parë e Blinduar pjesë e të cilëshin dhe ushtarët, ishte një nga njësitë më të hershme të dislokuara në krahun lindor të NATO-s në vazhdën e pushtimit rus të Ukrainës në shkurt 2022.
Njësia u kthye në Evropë në janar për të filluar një rotacion tjetër nëntëmujor.
Njësitë brenda brigadës stërviten në kushte të vështira, shpesh me moçal në Lituani, Poloni dhe pjesë të tjera të vendeve baltike.
Katër ushtarët po udhëtonin me një mjet të blinduar rikuperues M88A2 kur u zhdukën rreth orës 19:00 sipas kohës lokale të së martës, sipas raporteve të mediave lituaneze.
