Shtyhet nga GJKKO për në datën 12 qershor seanca për dosjen e bujshme “Gërdecin”, ku po hetohet dhe gjykohet ish-ministri i Mbrojtjes, Fatmir Mediu, me akuzën “shpërdorim i detyrës”, të cilën e mohon dhe e cilëson si proces politik.

Shkak i shtyrjes së seancës gjyqësore është bërë mungesa e prokurorëve të çështjes në SPAK. Mësohet se këta të fundit janë jashtë vendit për çështje pune.

Fatmir Mediu po hetohet për shpërdorim detyre në lidhje me vdekjen e 26 personave dhe plagosjen e qindra të tjerëve pas shpërthimit që ndodhi në Gërdec më 15 mars të vitit 2008.

Seancën e kaluar deputeti republikan kërkoi që të rrëzohej ekspertiza e parë, pasi ishte bërë me ekspertë të palicencuar. Ai theksoi se po përndiqej prej 16 vitesh, duke i krijuar edhe shqetësime atij dhe familjes, teksa kërkoi që të thirren edhe ekspertë amerikanë. /ZOOM.AL/

Postime të lidhura

• 
  "Gërdeci"/ Dëshmojnë 5 ekspertët, shtyhet seanca. Debatet në sallë, Mediu: Absurde, duhet akt i ri!
• 
  Gjyqi i Gërdecit, Mediu: Po tentojnë të mbyllin procesin, të faktojnë shkeljet e mia, të pyetet...
• 
  Gjyqi i dosjes "Gërdeci", avokatët e ish-ministrit Mediu: 5 amerikanët të pyeten me videokonferencë
• 
  Kërkoi riekspertimin ekonomik, GJKKO rrëzon Mediun: Po përndiqem prej 16 vitesh, persekutim...!