Më shumë se 1,000 tifozë hungarezë fishkëllyen lojtarët e Anglisë, të cilët u gjunjëzuan para ndeshjes dhe një u arrestua për abuzim racial ndaj një stjuardi (roje), gjë që shkaktoi grindje në turmë midis tifozëve vizitorë dhe policisë, shkruan Daily Mail.

Federata angleze ka shitur 4400 bileta për tifozët shqiptarë për ndeshjen e së premtes dhe ka punuar me policinë për të rritur masat e sigurisë.

Policia u detyrua të tërhiqej përballë një turme tifozësh hungarezë gjatë përleshjes në Wembley, e cila përfundoi në barazim 1-1.

Së fundmi Anglia u urdhërua të luante një ndeshje me dyer të mbyllura si ndëshkim për trazirat në stadiumin Wembley gjatë finales së Euro 2020.

Ndalimi i hyrjes në stadium do të jetë për ndeshjen e ardhshme të kompeticionit të UEFA-s. UEFA vendosi gjithashtu një ndalim për një ndeshje të dytë, e cila është pezulluar për dy vjet.

Federata e Futbollit u gjobit me 100,000 euro (84,560 £) për mungesë të rendit dhe disiplinës brenda dhe rreth stadiumit për ndeshjen.