Martin Kapllanaj, 20 vjeç akuzohet për një grabitjw të ndodhur në Vlorë, ku me anë të një arme vodhi në një argjendari një çantë me florinj dhe më pas u largua.

Ai u arrestua pas një grabitjeje tjetër, këtë herë së bashku me Geraldo Veizajn, 19 vjeç. Policia finalizoi operacionin për prangosjen e tyre ti të akuzuar se kishin vjedhur tre biznese, ndërsa vjedhja e një banese u kishte mbetur në tentativë.

Në bashkëpunim me ta për t’u arratisur ishte edhe Feti Kovaçi, gjithashtu në “Arrest në burg” për veprën penale “Vjedhje”.

Të organizuar nga i burgosuri përjetë Dan Hutra, ata po tentonin të linin qelinë e burgut duke prerë hekurat e dritares dhe duke përdorur një çarçaf si litar. Pas kontrollit, gardianët e burgut vunë re mjetet që po përdornin dhe i ndaluan të finalizonin planin e arratisjes.

Dan Hutra konsiderohet si një person me rrezikshmëri të lartë sepse më 1 mars ai bëri masakër duke vrarë trigra dhe plagosur dy të tjera.

Ai vrau me armë zjarri Mevlute Hysën 30 vjeçe, (motra e ish-bashkëjetueses së tij) dhe Hasime Dafku 30 vjeçe, (e fejuara e vëllait të ish-bashkëjetueses). Pas kësaj ngjarjeje të ndodhur në Kodër Kamëz, autori lëvizi në rrugën “Besëlidhja”, Bathore ku ndaloi te banesa e familjes Kurti, duke vrarë me armë zjarri shtetasen Etleva Kurti, 31 vjeçe. Në vitin 2007, Dan Hutra ishte dënuar pasi ka vrarë me armë ish-gruan Dafina Havalja, të cilën e goditi dy herë me thikë në zemër e mëlçi.