Debatet dhe sherret mes tyre vijonin prej javësh me fyerje të rënda dhe sulme deri fizike. Egla kishte pasur përplasje të forta edhe me banorë të tjerë, mes tyre Riken, e cila i derdhi qumështin në kokë.

Aktorja ishte parlajmëruar disa herë për sjelljen e saj. Por pas daljes së saj nga shtëpia, u ngritën pikëpyetje mbi vendodhjen e aktores, ndërsa në faqen e BBV është publikuar një video e saj, e mbyllur brenda një dhome me mure të bardha.

Egla Ceno mesa duket është e izoluar në një ambient tjetër të shtëpisë së famshme dhe ky mund të jetë një rreng për banorët e tjerë, teksa ajo mendohet se mund të rikthehet në shtëpi.

Në pamje ajo shfaqet e vetme në dhomë, teksa shkruan edhe një mesazh për nënën e saj në dysheme. “Mami jam ok”, shkruan aktorja, teksa ka “vizatur” edhe një diell dhe fytyrë në tokë.

Egla Ceno u skualifikua nga loja, një ditë pasi ajo i hodhi gotën me verë në kokë Meriton Mjekiqit pas një debati të ashpër me të dhe me Ilnisa Agollin. Vendimi i vëllait të madh erdhi në një zarf të zi, që u lexua nga aktori Julian Deda.

Po ashtu të ndëshkuar do jenë edhe Meritoni me Ilnisën, por vendimi për ta do të merret të martën në shoun e radhës.

/ZOOM.AL/