Ndërkohë sa i përket listës, janë zbuluar 13 kandidatët e parë nga fundit, nisur nga votat e gazetarëve që kanë marrë pjesë në votim. Luka Modriç është renditur vetëm i fundit këtë vit, duke marrë si sukses vetëm pjesëmarrjen në top 30-she.

Një pozicion qesharak për Nejmar që ka zënë vetëm vendin e 16-të, shumë larg pritshmërive për një nga pretendentët më të fortë ndër vite.

Ndërsa dy lojtarët e Interit janë ‘’djegur’’, Nikolo Barela (26) dhe Lautaro Martinez (21) bashkuar dhe Simon Kjaer që është renditur në vendin e 18-të. Ndërkohë jo keq ka bërë Romelu Lukaku që ka zënë vendin e 12-të në një listë mes shumë yjesh botëror.

Fill pas belgut, vjen sulmuesi i momentit Erling Haland që shikohet si një potencial i madh për ”Topin e Artë” në të ardhmen.

Ndërkohë këta janë 10 emrat e mbetur nga lista, ku njëri prej tyre do të triumfojë për çmimin e madh: Zhorzhinjo (Çelsi), Donaruma (PSG), Levandovski (Bajern Mynih), De Bryjne (Mançester Siti), Kante (Çelsi), Mesi (Barcelona/ PSG), Kristiano Ronaldo (Juventus/ Mançester Junajtid), Benzema (Real Madrid), Mbappé (Francë, PSG) dhe Muhamed Salah (Liverpul)