Sekretari amerikan i Shtetit, Antony Blinken ka thënë se tani është “ndoshta mundësia më e mirë, ndoshta e fundit” për të siguruar një armëpushim dhe marrëveshje për lirimin e pengjeve në Gaza.

Blinken i bëri komentet e tij gjatë një takimi me presidentin izraelit Isaac Herzog të hënën gjatë udhëtimit të tij të nëntë në rajon që nga fillimi i luftës në tetor.

Shtetet e Bashkuara kanë shprehur optimizëm për një marrëveshje që kur bisedimet rifilluan në Doha javën e kaluar, por Hamasi thotë se sugjerimet për përparim janë një “iluzion”.

Blinken pritet të vazhdojë presionin ndaj kryeministrit izraelit Benjamin Netanyahu kur ata të takohen më vonë të hënën.