Në imazhet e publikuara nga moderatorja vihen re me qindra komente pozitive, por ka edhe nga ata që gjejnë rast dhe e kritikojnë.

Nuk ndodh shpesh që Luana të replikojë me ndjekësit, por kur e bën merr vëmendjen maksimale.

Ajo ka publikuar këto ditë të pushimeve disa foto me një palë shapka “Philipp Plein”.

Ndërkohë një nga ndjekëset ka shkruar në foton ku Luana ka pozuar para dyqanit të

markës luksoze “Louis Vuitton”:
“Mundet edhe të futesh tek dyqani L.V. të blesh një palë shapka të reja, se ngele me ato PHP.”

Duket se ky koment nuk i ka shpëtuar moderatores, e cila ka zgjedhur që t’i përgjigjet dhe madje t’i japë dhe një mesazh mjaft me vlerë.

“Pse të harxhoj lekë kot kur këto e kryejnë ende funksionin e tyre?”, i është përgjigjur Luana.

Përsa i përket jetës së saj profesionale, ndryshe nga vitet e shkuara kur ajo i rikthehej menjëherë punës në fund të gushtit, këtë herë ajo nuk ka publikuar asnjë foto nga ambientet e zyrës së saj. Luana nuk ka konfirmuar asgjë për sezonin e ri të “Shiko kush luan” dhe nuk dihet nëse ky program do të rikthehet sërish në ekran.

Burime për “Gazeta Express” kanë bërë me dije më herët se ajo po largohet nga “Top Channel” dhe tashmë emisionet e saj do të mbajnë logon e një televizioni tjetër, por ky lajm nuk është konfirmuar ende.