Në këtë kuptim, Gates beson se asistentët personalë të Inteligjencës Artificiale do të zëvendësojnë sistemet tradicionale operative, brenda një periudhe prej pesë vjetësh.

Sistemet

Asistentët e Inteligjencës Artificiale do të jenë në gjendje të ekzekutojnë detyra rutinë përmes udhëzimeve verbale, ose komandave me tekst. Suksesi i këtij formati qëndron në personalizimin, pasi këto sisteme të AI do të dinë të njohin preferencat dhe rutinat tona, duke iu përgjigjur me efikasitet kërkesave tona.

Audio

Biznesmeni mendon gjithashtu se revolucioni i radhës përmes Inteligjencës Artificiale do të jenë pajisjet audio. Kufjet dhe mjetet e tjera të ngjashme do të lejojnë komunikimin me asistentët tanë dixhitalë, duke qenë çelësi i ndërveprimit me AI. Përveç kësaj, përmes tyre ne mund të marrim informacione, njoftime dhe rikujtesa në kohë reale.

Marrëdhëniet

Një nga ndryshimet që do të vëmë re më shumë në jetën tonë të përditshme falë Inteligjencës Artificiale është mënyra se si komunikojmë. Asistentët virtualë do të lehtësojnë organizimin dhe menaxhimin e jetës sonë të përditshme, duke vendosur përkujtues për ditëlindjen ose kalendarin, si dhe duke ofruar plane të ndryshme.

Terapia

Inteligjenca Artificiale mund të jetë një asistent shumë i rëndësishëm në ofrimin e terapisë individuale. Modelet bisedore të chatbot-eve kanë demonstruar një efektivitet të caktuar në ofrimin e zgjidhjeve për probleme të ndryshme. Mungesa e profesionistëve në këtë fushë, e shtuar në koston e terapisë, mund të jetë një ndihmë e madhe për shumë pacientë. /A.Q./