Fillimisht, me urdhër të ministrit të Brendshëm, Taulant Balla, në këtë post u emëruar Ferdinant Tarazhi, i cili dikur drejtonte inceneratorin e Tiranës. Pas sekuestrimit të djegësit, Tarazhi mbeti papunë, por posti i ri që i premtoi ministri Balla do ta dërgonte atë përsëri pranë inceneratorit.

Agjencia e Administrimit të Pasurive të Sekuestruara, për fat të Tarazhit dhe qeverisë, qëllon që administron edhe inceneratorin e Tiranës, si subjekt i sekuestruar tashmë. Vendimi solli një reagim edhe nga Partia Demokratike e Rithemelimit, duke denoncuar rastin.

Pas katër orëve punë, i njëjti ministër shkarkoi Tarazhin dhe emëroi një tjetër drejtor në krye të kësaj Agjencie, Idriz Haxhiajn.

Tarazhi ishte një ndër personat e besuar të Mirel Mërtirit, momentalisht në arrati, që e emëroi atë drejtor tek djegësi i Tiranës. Por në momentin që objekti kaloi në duart e shtetit, njerëzit e të arratisurit u shkarkuan nga postet e tyre.

Tentativa e qeverisë për të rikthyer në njëfarë mënyrë inceneratorin tek pronarët e vet duket se dështoi, vetëm nëse në katër orëshin e tij si i punësuar, Tarazhi ka “punuar”me të vërtetë. /Zoom.al