Koleksioni i bizhuterive të princeshë Dianës është ndër më ikonikët në botë. Disa prej tyre janë rikthyer në arkivat mbretërore, ndërsa sende të tjera me vlerë janë trashëguar tek dy djemtë e saj. Ato bizhuteri tani i shohim tek gratë e tyre, Kate Middleton dhe Meghan Markle.
Në intervistën e fundit të Meghan me Oprah, përveç unazës safir dhe diamant të fejesës, që qëndron gjithnjë në gishtin e Markle, ajo mban dhe një byrzylyk nga koleksioni i princeshës. Byrzylyku është modifikuar në zinxhirë të ndarë nga njëri tjetri dhe burime për People, thonë se ajo bëri pikërisht këtë zgjedhje që në një mënyrë “Diana të ishte me ta” gjatë intervistës.
Ata donin që princesha e ndjerë të ishte pjesë e intervistës së tyre të parë zyrtare, në një farë mënyre, pas daljes mbretërore, gjë që princeshë Diana e bëri edhe vetë në vitin 1996.
“Kjo lidhje – përmes bizhuterive, prejardhjes dhe trashëgimisë – është vërtet e fuqishme për t’u dëshmuar”, shprehet burimi për People.
Të lidhura
