Aplikacion
Një tjetër incenerator është në 100-shen e parë të kompanive me fitimet më të mëdha.
“Integrated Technology Services” e inceneratorit të Fierit renditet në vendin e 87. Kompania ka fituar 1 miliardë leke, duke i shtuar të ardhurat e saj me 25.2 përqind ende pa e vënë inceneratorin në punë.
Opozita shqiptare dhe disa media kanë denoncuar vazhdimisht faktin se inceneratorët janë paguar nga buxheti i shtetit me shuma të majme, në një kohë kur investitorët nga ana e tyre nuk kanë kryer as 20 përqind të investimit të parashikuar në kontratë.
Sipas opozitës, koncesionet e inceneratorëve janë një aferë e pastër korruptive. Me iniciativën e saj është ngritur edhe një komision hetimor parlamentar, i cili deri tani ka kërkuar të dhëna për udhëtime e llogari bankare për ministra, ish –ministra, kryetarë bashkie dhe tre biznesmenë që sipas saj menaxhojnë të tre koncesionet, Klodian Zoto, Mirel Mërtiri dhe Stela Gugallja. /Zoom.al
Anila Hoxha jep detaje nga hetimet për tragjedinë e Shkodrës: Dyshohet se kunata s’është e sinqertë