Day ArchivePiktura e Pikasos zhduket rrugës për në ekspozitë

Policia spanjolle po heton zhdukjen e një pikture të Pablo Picasso-s, e cila me sa duket është zhdukur gjatë rrugës për në një ekspozitë.

Vepra në gouache e vitit 1919 “Natyrë e qetë me kitarë”, me përmasa 12.7 centimetra me 9.8 centimetra (5 inç x 3.9 inç), duhej të ekspozohej nga 9 tetori, si pjesë e një ekspozite të përkohshme në Qendrën Kulturore CajaGranada në qytetin jugor spanjoll të Granadës.

Pikaso

Vepra është në pronësi të një koleksionisti privat dhe ishte e siguruar për një shumë të vlerësuar prej 600,000 eurosh (700,000 dollarë), konfirmoi për Reuters të premten Fondacioni CajaGranada, i cili zotëron qendrën kulturore.

Të premten para hapjes së ekspozitës, një furgon që i përkiste një kompanie transporti mbërriti në qendrën kulturore sipas planit për të sjellë vepra nga Madridi, tha Fondacioni CajaGranada në një deklaratë për shtyp të enjten.

Të gjitha punimet u zhvendosën në një lëvizje të vetme dhe të vazhdueshme nga furgoni në një ashensor mallrash, që i çoi të gjithë punonjësit e kompanisë së transportit menjëherë nga kati 1 në katin 1, tha qendra.

Sipas deklaratës, sendet u transferuan më pas nga ashensori në sallën e ekspozitës nën mbikëqyrje me video.

Pasi verifikoi origjinën e pakove të ndryshme, menaxheri i ekspozitës ra dakord me kompaninë e transportit që dorëzimi të nënshkruhej, përpara se të hapej paketimi i veprave të hënën pasardhëse.

Pakot mbetën nën mbikëqyrje me video gjatë gjithë fundjavës dhe shpaketimi filloi në orën 8:30 të mëngjesit të hënën, sipas qendrës.

Regjistrimet janë kontrolluar dhe nuk ka pasur incidente gjatë fundjavës, tha ajo.

Deri në mes të mëngjesit, stafi i Fondacionit CajaGranada kishte mbaruar së shpaketuari punimet dhe i kishte vendosur ato në dhomë.

Në këtë kohë, kuratori i ekspozitës dhe kreu i ekspozitave kuptuan se vepra “Naturaleza muerta con guitarra” e Picasso-s, e njohur me titullin në spanjisht si “Naturaleza muerta con guitarra”, mungonte.

Fondacioni më pas e raportoi punën e humbur në polici, sipas deklaratës.

Regjistrimet video nga fundjava u kontrolluan dhe nuk kishte ndodhur asnjë incident, tha ajo.

“Një hetim është duke u zhvilluar aktualisht dhe po bëhet përpjekje për të përcaktuar se kur dhe ku u zhduk piktura”, tha policia e Granadës në një deklaratë për CNN të premten.

Policia tha se vepra e zhdukur është shtuar në bazën e të dhënave ndërkombëtare të veprave të artit të vjedhura, por vuri në dukje se aktualisht nuk ka asnjë bashkëpunim policor ndërkombëtar që po kryhet nga Granada.

Hajdutët shpesh kanë synuar pikturat e Picasso-s, të cilat janë shitur deri në 179 milionë dollarë në ankand.

Në vitin 2019, një detektiv holandez arti rimori kryeveprën e Picasso-s të vitit 1938 , “Portreti i Dora Maar”, me vlerë 28 milionë dollarë, 20 vjet pasi u vodh nga jahti i një sheiku saudit në brigjet jugore të Francës.

Në vitin 2021, policia greke rimori veprat “Koka e një gruaje” të Picasso-s dhe “Peizazh me një mulli” të Piet Mondrian-it, pothuajse një dekadë pasi ato u grabitën në një grabitje të guximshme në Galerinë Kombëtare të Artit në Athinë.

Dhe vitin e kaluar, policia belge gjeti pikturën e vjedhur të Picasso-s “Tête”, në një bodrum në qytetin e Antverpit./ CNN.

Sulmi ndaj gazetarit të RAI3/ Dyshime edhe për mafian shqiptare

Atentati me 1 kg tritol që hodhi në erë makinat e gazetarit të RAI3 Sigfrido Ranucci dhe vajzës së tij përpara banesës së tyre në Romë ka tronditur opinionin publik në vendin fqinj. Kjo ngjarje ka rikthyer në vëmendje atentatet mafioze të viteve ‘90 në Itali. Zbardhja e ngjarjes është marrë në dorë nga antimafia.

Ranucci jeton nën mbrojtjen e policisë që prej vitit 2020 pas një atentati të dështuar ndaj tij. Në atë rast autori, një i ri shqiptar bëri aksident me motor para banesës së tij. Gazetari doli dhe i shpëtoi jetën, por më vonë shqiptari i identifikuar vetëm me emrin Ardian rrëfeu se ishte paguar për të vrarë gazetarin.

Mediat italiane shkruajnë se hetuesit besojnë se pas sulmit ndaj Ranucci qëndrojnë disa persona. Ata e ndoqën atë, ndoshta për ditë të tëra. Më pas, ata mund të jenë fshehur midis pemëve përpara shtëpisë së tij në lagjen Pomezia të Romës, duke pritur që eskorta e policisë të largohej përpara se të ndiznin manualisht fitilin e tritolit që shpërtheu midis dy vazove të luleve jashtë shtëpisë.

Hetimet i ka në dorë antimafia

“Il Giornale” shkruan se hetuesit janë në kërkim të një personi me kapuç, të identifikuar nga një dëshmitar, i cili u largua pak para shpërthimit. Dëshmitari ka identifikuar edhe një makinë me të cilën ai hipi. Në filtër po kalojnë pamjet e kamerave të sigurisë, edhe pse më e afërta është më shumë se 50 metra larg shtëpisë.

Dyshohet se autorët e krimit e dinin vendndodhjen e prezantuesit të emisionit “Report”, i cili ishte kthyer të enjten në Itali pas disa ditësh larg. Bomba ishte e ndërtuar në mënyrë artizanale, por mjaft e fuqishme, pa kohëmatës apo telekomandë. Shpërthimi i 1 kg eksploziv shkatërroi dy makinat e Ranucci në orën 22:17, vetëm 20 minuta pasi vajza e tij u kthye në shtëpi. “Mund ta kishin vrarë atë”, – tha gazetari i përlotur.

Një akt potencialisht vdekjeprurës frikësimi, i planifikuar ndoshta prej kohësh. Drejtoria Antimafia e Romës që po heton rastin ka në shqyrtim 4-5 pista. Në krye të hetimeve janë temat “e nxehta” që ai ka ndjekur me emisionin e tij mbi krimin e organizuar, skajet ekstreme të ultrasve të futbollit dhe klanet mafioze.

“Në episodet e ardhshme, do të kthehemi te tema e masakrave mafioze dhe infiltrimit të këtyre klaneve në marrjen e tenderave publikë”, – tha ai pasi doli nga zyra e prokurorisë të premten. “Bomba mund të jetë një paralajmërim për disa investigime gazetareske që po kryejmë” – tha gazetari.

“Il Fatto Quotidiano” shkruan se edhe mundësia e një sulmi të porositur nuk është përjashtuar. Njësia Hetimore ka sekuestruar dy makinat e dëmtuara dhe po punon për gjetjen e gjurmëve nga pjesët e bombës, të cilat mund të përmbajnë shenja të autorëve.

Sipas të njëjtave burime pajisja është e ngjashme ato të përdorura në disa incidente të fundit të kryera nga komuniteti kriminal në Romë. Për këtë arsye, hetuesit po përqendrohen në lidhjen midis qarqeve të ekstremit të djathtë, grupeve ekstremiste ultrase dhe kriminelëve vendas. Ndërtimet në bregdet kanë qenë gjithashtu objekt hetimesh nga emisioni “Report” i RAI3.

Hetuesit po analizojnë edhe kërcënimet që gazetari ka marrë në të kaluarën, duke përfshirë plumbat që gjeti një vit më parë para shtëpisë. Në analizë po kalojnë edhe letrat kërcënuese që i kanë dërguar. Sipas Il Fatto Quotidiano, i penduari i “Ndrangheta”, Luigi Bonaventura rrëfeu se kishte dëgjuar në burg se “Ranucci është një njeri i shënjuar”.

Nën hetim edhe mafia shqiptare

“Il Fatto Quotidiano” shkruan se nën hetim janë edhe qarqet kriminale shqiptare. Në vitin 2024, programi “Report” denoncoi marrëveshjet për trajtimin e emigrantëve në Shqipëri, të cilat shpesh lidhen me ultrasit. 

Ndërsa “Corriere della Sera” shkruan se hetuesit i janë rikthyer edhe ekzekutimit të shqiptarit Selavdi Shehaj me nofkën “Passerotto”, i vrarë në plazhin e Torvajanicës më 20 shtator 2020. Ai kishte një nga bazat e tij operative jo shumë larg shtëpisë së Sigfrido Ranucci. Dy anëtarë të mafias së Romës u dënuan me burgim të përjetshëm për këtë vrasje. Njëri prej tyre është i njohur edhe për lidhjet me Camorra.

Motiv i vrasjes ishte kontrolli i trafikut të drogës dhe larja e hesapeve mbi konfliktet e vjetra në një territor të kontestuar prej kohësh nga shumë interesa dhe të ndarë midis klaneve vendase, degëve të organizatave të mëdha kriminale, familjeve historike dhe grupeve kriminale shqiptare.

Pse kam kaq ftohtë?

Është normale që një person të jetë më i ndjeshëm ndaj të ftohtit se sa disa të tjerë. Por nëse i ftohti zgjat për një kohë të gjatë, apo kjo gjendje ndodh kur është ngrohtë, arsyeja mund të fshihet në një çrregullim shëndetësor që kërkon vëmendje.

Anemia

Anemia është gjendja kur trupi nuk prodhon dot mjaftueshëm qeliza të kuqe gjaku për të qarkulluar oksigjenin. Ka disa lloje anemie dhe tendenca për të pasur ftohtë është simptomë e zakonzhme për të gjitha.

Hipotiroidizmi

Tiroidja është një gjëndër në formë e fluturës në fund të qafës. Ndihmon në menaxhimin e metabolizmit – reaksioni kimik që ndodh në trup për tu furnizuar me energji. Nëse kjo gjëndër nuk prodhon mjaftueshëm hormone tiroidike, ose nëse trupi nuk e proceson tërësisht hormonin, mund të zhvillohet hipotiroidzimi. Kjo shoqërohet me simptoma të tjera si hollim flokësh, lëkurë e thatë, debulesa, shtim në peshë.

Problemet me rrugët e gjakut

Nëse ndjeni të ftohtin në këmbë dhe duar, mund të keni një çrregullim të enëve të gjakut ku gjaku që shkon tek duart e këmbët është i reduktuar. Kjo mund të shkaktojë edhe hematoma, sindromën Raynaud.

Diabeti

Diabeti nefropatik, që prek veshkat, ka simptomë kryesore ndjeshmërinë ndaj të ftohtit. Simptoma të tjera janë edhe marrja e mendjes, fryrje në fytyrë, këmbë dhe duar, humbje oreksi.

Anoreksia

Anoreksia është një lloj çrregullimi i të ngrënit ku njerëzit dobësohen shumë me shqetësimin se mos shtojnë peshë. I ftohi është një nga shenjat e anoreksisë.

Masë yndyrore e ulët e trupit

Kur një trup ka masë dhjamore të ulët e ndjen më shumë të ftohtin. Dhjami apo yndyra izolojnë trupin dhe muskujt gjenerojnë nxehtësi për ta mbajtur ngrohtë. Masa dhjamore e ulët shkakton dhe probleme të tjera shëndetësore si perioda të çrregullta, probleme me fertilitetin, kocka të brishta, depresion.

Mungesa e vitaminës B12

Vitamina B12 ndihmon trupin të prodhojë qelizat e kuqe të gjakut, nervat dhe AND-në. I ftohti mund të jetë tregues i mungesës së B12-s.

Shumica e njerëzve kanë nevojë për 2.4 mikrogramë vitaminë B12 në ditë. Sasia rritet nëse je shtatzënë apo me gjidhënie. Kjo vitaminë merret vetëm nga burimet shtazore si mishi,veza, bulmeti.

Gjinia

Gratë janë më të ndjeshme ndaj të ftohtit se sa burrat, sepse metabolizmi i tyre është më i ngadaltë, duke prodhuar më pak nxehtësi për trupin.

Estrogjeni po ashtu të bën më të ndjeshëm ndaj të ftohtit pasi ul temperaturën e trupit. Burrat kanë dhe masë muskulore më të madhe se gratë dhe prandaj nuk e ndjejnë shumë të ftohtin.

Edi Rama vizitë të papritur në Vlorë

Kryeministri Edi Rama ka zhvilluar një vizitë të panjoftuar këtë të dielë në qytetin e Vlorës.

Sipas raportimeve kreu i qeverisë është ndalur për disa orë në vilat qeveritare pranë zonës së Ujit të Ftohtë.

Ende nuk dihet qëllimi zyrtar i vizitës së tij, ndërsa burime jozyrtare nuk përjashtojnë mundësinë që ajo të lidhet me zhvillimet politike të fundit dhe përgatitjet për zgjedhjet vendore në Bashkinë e Vlorës.

Aeroporti i Vlorës i bllokuar, dy biznesmenë nga Kosova mbajnë peng një vepër strategjike

Në jugu të vendit, aeroporti i Vlorës, që u premtua të çelej këtë sezon, me fluturimet e para që do të nisin në qershor, nuk u hap. 

Më 8 maj 2025, u realizua fluturimi i parë certifikues në këtë aeroport. Pak ditë më vonë, Brenda muajit maj, në faqen zyrtare të kompanisë “Vlora International Airport” u njoftua se vepra është drejt përfundimit dhe se fluturimet civile do të nisnin në verë. 

Vera kaloi dhe mbi pistën e këtij aeroporti fluturuan vetëm zogjtë shtegtarë, të cilëve ky aeroport mund t’u kushtojë shtrenjtë. 

Pritej të hapej në nëntor, po as kjo nuk do të ndodhë. Zoom.al ka mësuar se vepra mund të jetë operuese vetëm në pranverën e vitit 2026, në muajin mars, rreth 1 vit me vonesë. 

Vënia në punë e këtij aeroporti, që pritet t’i japë një zhvillim të madh turizmit në zonat e jugut, nuk është bllokuar nga procese teknike, porn ga një konflikt mes dy biznesmenëve nga Kosova, Behgjet Pacolli dhe Valon Ademi, të cilët janë aksionerë të kompanisë që fitoi koncesionin për ndërtimin dhe operimin e veprës. 

Konsorciumi koncesionar i aeroportit, sipas dokumenteve, ka patur në nisje tre aksionerë, “Mabco Construction SA”, pronë e Pacollit, kompaninë turke “YDA Group” dhe kompaninë “2A Group Sh.p.k” të shqiptarit nga Kosova, Valon Ademi. Më pas “YDA Grup” u tërhoq dhe aksionet e tij u ndanë ndër dy palët e tjera. Me blerjen e aksioneve të turqve për vetëm 4,400 euro, Pacolli i coi aksionet e tij në 98%, ndërsa Ademi mbeti në kuotat e 2%. 

Por Valon Admi pretendon se ekziston një kontratë noteriale e vitit 2022, sipas të cilës, ai zotëron 47% të aksioneve dhe Pacolli 53%. Por kjo kontratë nuk është regjistuar në QKB dhe në dokumentet zyrtare figuron se Mabco zotëron 98% dhe 2A vetëm 2% të aksioneve.   

Ademi e akuzoi Pacollin për lojë të rrezikshme dhe mashtrim.  Valon Lluka, administrator i parë i projektit dhe bashkëpunëtor i Pacollit, u shkarkua befas.  Më pas edhe një administrator i ri, Mentor Hajdaraj, dha dorëheqjen pas vetëm një muaji në detyrë.  

Zoom.al mëson se Pacolli i ka ofruar Ademit që aksionet që i takojnë në “Vlora International Airport” t’ia japë në një kompani që ai ka në një nga vendet e Afrikës. Por Ademi ka refuzuar kategorikisht. 

Për këtë arsye çështja përfundoi në gjykatë dhe më 10 tetor 2024, gjykata e Tiranës vendosi pezullimin e të drejtës së votës për Mabco dhe çdo lëvizje tjetër Brenda kompanisë “Vlora International Airport” deri sa të regjistrohej kontrata e transfertës së 47% aksionve tek 2A Group. 

Në prokurorinë e Tiranës është regjistruar një kallëzim penal kundër Behgjet Pacollit, Emin Pacollit dhe Nelson Çelës për akuzat “mashtrim me pasoja të rënda”, “falsifikim dokumentesh” e “mashtrim kompjuterik”.

Tani që çështja i ka kaluar drejtësisë, konflikti po rrezikon që investimi strategjik prej 104 milionë eurosh të mbetet i bllokuar. 

Por ajo që e vë seriozisht në rrezik këtë vepër është diçka tjetër që ka dalë në dritë ditët e fundit. 
Në media të ndryshme është raportuar se Aeroporti i Vlorës është lënë si kolateral nga Pacolli për një fond investimesh fantazmë, më bazë në Luksemburg, por mbi të cilin ka shumë pak informacione. 

Sipas disa të dhënave, Aeroporti është hipotekuar si garanci financiare mes kompanisë së Pacollit “Mabco Constructions S.A” dhe kompanisë “Delphos Securities SARL”, për një kredi prej 100 milionë eurosh të marrë nga Pacolli më 26 mars të këtij viti. 

Huaja, sipas kontratës, do të shërbejë për kryerjen e punimeve të Aeroportit, ndërsa parashikon që pas hapjes, Aeroporti i Vlorës të bëhet bashkëhuamarrës i kësaj kredie. Nëse Pacolli nuk arrin të shlyejë kredinë me interes fillestar 7.6 %, vepra do t’i kalojë si pronë këtij fondi offshore. 

Por kush fshihet pas këtij fondi, që merret në titrullarizim, që do të thotë se ky entitet nuk është një bankë tradicionale që pranon depozita dhe jep kredi në mënyrë rutinë, por një strukturë që përdoret për të krijuar instrumenta financiare dhe menaxhuar riskun për investitorët.

Dokumentat tregojnë se kompania ka një ndarje në strukturë, të quajtur “Bernina”. Ndarjet brenda shoqërive të tilla zakonisht krijojnë vështirësi për sa i përket transparencës dhe përgjegjësisë, pasi secila strukturë ka asete dhe detyrime të ndara ligjërisht.

Bernina përfaqësohet nga Bart Turtelboom, banues në Zvicër, aty ku Pacolli ka selinë kryesore të Mabco. Ai rezulton se ka qenë i përfshirë në “Klubin e Parisit” me Rusinë, në lidhje me një borxh që ky klub i kishte Rusisë. Ka dyshime se pas Bernina qëndrojnë biznesmenë nga Rusia dhe Kazakistani, çka do ta komplikonte edhe gjeopolitikisht çështjen e Aeroportit të Vlorës. 

Sipas dokumentave të publikuara në disa media shqiptare, kontrata nuk është një hua bankare, pasi “Delphos” nuk është bankë dhe përmbajtja e saj nuk ka synim thjesht financimin e projektit, por marrjen e kontrollit ekonomik dhe operacional të Aeroportit nëpërmjet instrumentave të borxhit. 

Pas kësaj marrëveshjeje, roli i autoriteteve shqiptare në këtë vepër, mbetet i paqartë. Kompania offshore ka vendosur si kusht për dhënien e huasë 100 milionë euroesh, dorëzimin e dokumentave ligjore, licensave, marrëveshjeve të koncesionit, garancive, dorëzimin e pasqyrave financiare dhe miratimin nga autoritetet shqiptare. 

Deri tani nga Ministria e Infrastrukturës dhe Energjisë, si autoriteti përgjegjës për këtë koncesion, nuk ka asnjë reagim.

Në mesin e këtyre zhvillimeve, Ministria e drejtuar nga zëvendëskryeministrja Belinda Balluku do të duhet të sqarojë se;

– Cili është statusi zyrtar përfundimtar i kontratës së koncesionit të këtij Aeroporti? 

– A ka ndryshime të aksionev të regjistruara në QKB që reflektojnë marrëveshjen 53% dhe 47% mes palëve?

 – A ka marrë hua shoqëria koncesionare duke përdorur si kolateral vetë aeroportin ? Nëse po, cila është shuma dhe kush janë huadhënësit?

– Përse është shtyrë hapja e Aeroportit dhe a ka një afat përfundimtar për hapjen e tij? 

Zhvillimet në Aeroportin e Vlorës po dëshmojnë edhe njëherë se mënyra e dhënies së koncesioneve të veprave strategjike vetëm sipas “dëshirës dhe vendimit” të kryeministrit, krijon problematika me kosto të mëdha për vendin. 

Edhe koncesione të tjera, që sipas opozitës dhe disa mediave investigative Rama ua ka shpërndarë “klientëve të qeverisë dhe miqve të tij” kanë shfaqur problematika të ndryshme, pasi kontratat, sipas ekspertëve favorizojnë kompanitë dhe jo shtetin. /Zoom.al

“56 mijë apartamente bosh”/ Berisha: Ekonomia mbahet në këmbë nga pastrimi i parave në ndërtim

Kreu i Partisë Demokratike, Sali Berisha ka akuzuar qeverinë se po mban në këmbë ekonominë e vendit përmes pastrimit të parave në sektorin e ndërtimit.

Në një postim në rrjetin social Facebook, Berisha shprehet se 56 mijë apartamente qëndrojnë bosh.

Berisha shton se me çmimet e vendosura për këto ndërtime, qytetarët e ndershëm nuk përballojnë dot as një metër katror në kullat e ngritura me para droge.

Postimi:

Ekonomia e narko-shtetit mbahet në këmbë nga pastrimi i parave në sektorin e ndërtimit.
Ndërkohë që 56 mijë apartamente qëndrojnë bosh, qytetarët e ndershëm nuk përballojnë dot as një metër katror në kullat e ngritura me para droge.

Pritje deri në tre orë: Sistemi i ri Shengen shkakton kaos në kufi

Sistemi i ri i hyrje-daljeve në zonën Shengen, i cili ka filluar zbatimin vetëm një javë më parë, tashmë po shkakton probleme serioze për udhëtarët.

Edhe pse ndodhet ende në fazën fillestare, vetëm në aeroportin e Brukselit gjatë javës së fundit janë raportuar pritje në radhë që kanë zgjatur deri në tri orë.

Ky sistem synon të zëvendësojë vulosjen e pasaportave me regjistrimin elektronik të të dhënave, dhe aplikohet vetëm për udhëtarët që nuk kanë shtetësi të Bashkimit Evropian. Identifikimi i tyre bëhet përmes gjurmëve të gishtërinjve dhe fotografisë së fytyrës.

Në hyrjet e mëvonshme, udhëtarëve do t’u kërkohet vetëm një verifikim i shpejtë, pasi të dhënat e tyre do të jenë të ruajtura në sistem.

Aktualisht, sipas transmetuesit publik të Kosovës, sistemi po zbatohet në mënyrë të kufizuar dhe për disa orë në pika të caktuara kufitare, në kuadër të një periudhe tranzicioni gjashtëmujore. Pas përfundimit të kësaj periudhe, ai pritet të vihet plotësisht në funksion në të gjitha pikat kufitare të zonës Shengen.

Zbatimi i plotë i sistemit është planifikuar të nisë në prill të vitit të ardhshëm.

Tragjedia në Maliq, niset drejt Tiranës 6- vjeçarja, gjendja e saj kritike

Vajza e mitur, e cila u asfiksua nga zjarri i rënë në banesën e familjes Azisllari në Maliq është nisur drejt Tiranës.

Burime bëjnë me dije se gjendja e saj është e rëndë. Ndërkohë për fat të keq nëna dhe vëllai i saj humbën jetën.

Zjarri ka shpërthyer rreth orës 13:30 në banesën ku ndodheshin nëna 40-vjeçare së bashku me dy fëmijët e saj. Si pasojë e flakëve dhe tymit të dendur, nëna Merjeme Azisllari, dhe djali i saj, Luka Azisllari, 14 vjeç, humbën jetën nga asfiksia.

Fillimisht fëmijët u transportuan drejt Spitalit Rajonal të Korçës, por fatkeqësisht, 14-vjeçari nuk mundi t’i mbijetonte plagëve të marra.

Zjarri ku ndërruan jetë nënë e bir, komshinjtë: Jetonin në kushte të vështira, vajza u hodh nga dritarja

Zjarri që u përfshiu banesën, u mori jetën nënë e bir në familjen Azisllari në qytetin e Maliqit. Nëna 40-vjeçare ndërroi jetë si pasojë e asfiksisë, ku më vonë ndërroi jetë edhe djali 14-vjeçar.

Vajza e mitur, 6 vjeçe ndodhet në spitalin e Korçës në gjendje të rëndë. Sipas informacioneve paraprake shkak i zjarrit fatal, dyshohet të jetë bërë soba me dru.

Ndërkohë një nga komshinjtë i familjes Azisllari, Sefer Shkëmbi tha se dy familja jetonte në gjendje të vështirë ekonomike.

“Unë jam komshi këtu, fëmijët ishin me autizëm, ndërsa mamaja ishte mirë. Nuk punonte, ishte shtëpiake. Vetëm burri punonte. Ishin në kushte të vështira ekonomike. Janë dy vëllezër që jetojnë ngjitur, këta sikur ishin më ndryshe nga ekonomia. Nuk e di si ndodhi ngjarja, unë madje sa e dëgjova, nuk e dija që ishte në lagjen time sa e mora vesh dola”, tha Sefer Shkëmbi.

Ndërsa komshia tjetër Benereta Pashollari u shpreh se ” ishin me ekonomi të dobët. Babai i fëmijëve punonte, ajo mbante dy fëmijët, i ushqente me aq sa kishte mundësi. Vajza ishte më e vogël se djali, djali në këmbë, vajza nuk lëvizte dhe aq. Nëna nuk kujdesej shumë për fëmijët. E ndihmonim, çdo gjë i çonim. Si binte në qafë askujt. Të dy fëmijët ishin autikë”.

“Vajza është hedhur nga dritarja, kurse ata të dy nuk mundën të dilnin. Vajzën e shpëtoi një zonjë kurse djali mbaroi me të ëmën. Doli kjo zonja rastësisht se e mora në tel për të marrë diccka. Në atë kohë dëgjoi të thirrurat dhe vajza i binte derës. I binte me shkelma. Dëgjoi komshia, doli dhe komshia tjetër dhe pastaj arritën atje ku kanë arritur.”

TRAGJEDIA në Maliq/ Zbulohet shkaku i zjarrit që u mori jetën nënës dhe djalit 14 vjeç!

Detaje të reja bëhen me dije nga ngjarja e rëndë në Maliq, ku nënë e bir humbën jetën si pasojë e një zjarri që përfshiu banesën e tyre, ndërkohë që vajza 6-vjeçare u dërgua në gjendje të rëndë në spitalin e Korçës.

Burime për Zoom.al zbulojnë se zjarri u erdhi si pasojë e sobës me dru që familja e përdorte për ngrohje.

Zjarri shpërtheu rreth orës 13:30 në banesën e familjes Azisllari, ku ndodhej nëna 40-vjeçare së bashku me dy fëmijët e saj.

Si pasojë e flakëve dhe tymit të dendur, Merjeme Azisllari dhe djali i saj, Luka Azisllari, 14 vjeç humbën jetën nga asfiksia.

Menjëherë pas njoftimit, në vendngjarje mbërritën forcat zjarrfikëse dhe ambulancat, të cilat kanë transportuar me urgjencë nënën dhe dy fëmijët drejt Spitalit Rajonal të Korçës.

Fatkeqësisht, gruaja dhe 14-vjeçari nuk mundën t’i mbijetonin plagëve të marra, ndërsa fëmija tjetër, 6-vjeç ndodhet në gjendje kritike për jetën./ Zoom.al