Day ArchiveRëndohet bilanci nga përplasja e tramvajit/ Të paktën 15 të vdekur, dhjetëra të plagosur

Të paktën 15 njerëz humbën jetën dhe rreth 18 u lënduan të mërkurën, kur tramvajit elektrik në Lisbonë, i njohur për turistët, doli nga shinat dhe u përplas, tha për gazetarët një zëdhënës i shërbimit të emergjencës.

Autoritetet nuk i identifikuan viktimat dhe nuk zbuluan kombësitë e tyre, por thanë se mes të vdekurve ka edhe shtetas të huaj.

“Është një ditë tragjike për qytetin tonë… Lisbona është në zi, është një ngjarje tragjike, tragjike”, u shpreh kryebashkiaku i kryeqytetit portugez, Carlos Moedas.

Pamjet nga vendngjarja vagonin e verdhë të tramvajit, që transporton njerëzit lart e poshtë një kodre të pjerrët në Lisbonë, të shkatërruar, ndërsa ekipet e emergjencës po nxirrnin njerëz nga rrënojat.

Presidenti i Portugalisë, Marcelo Rebelo de Sousa, shprehu keqardhje për aksidentin tragjik në një deklaratë, duke shpresuar që autoritetet së shpejti do ta zbulojnë shkakun e përplasjes.

Linja, e hapur në vitin 1885, lidh qendrën e Lisbonës pranë sheshit Restauradores me Bairro Alton.

Ajo është një nga tre linjat që operohet nga kompania publike e transportit urban, Carris, dhe përdoret si nga turistët, ashtu edhe nga banorët vendas.

Portugalia, dhe në veçanti Lisbona, kanë përjetuar një bum turistik gjatë dekadës së fundit, me vizitorë që mbushin qendrën e popullarizuar të qytetit gjatë muajve të verës./Rel

Pas ‘Big Brother Vip’, Egli Tako “shpërblehet” nga Top Chanel

Ish banorja e ‘Big Brother VIP Albania’, Egli Tako do të vijë këtë sezon televiziv me një risi të rëndësishme në karrierën e saj, duke u bërë pjesë e ekranit të Top Channel si moderatore.

Lajmi është konfirmuar përmes burimeve për Vip Magazine, duke shënuar një hap të madh për karrierën e saj mediatike.

Sipas informacioneve, Egli do të bashkohet me programin “E diell”, i cili transmetohet çdo të dielë në ekranin e Top Channel. Ky do të jetë debutimi i saj i parë si moderatore, pas disa eksperiencave të tjera artistike, kryesisht si këngëtare. Ky rol shënon një etapë të re dhe të rëndësishme për të, duke i hapur dyert drejt botës së moderimit dhe televizionit në një prej programeve më të ndjekura të fundjavës.

Publiku e njohu Egli Takon gjatë pjesëmarrjes së saj në Big Brother Vip, ku arriti të bëhej një nga emrat më të komentuar të edicionit. Marrëdhënia e saj me Gjestin ngjalli mjaft reagime dhe u kthye në një nga temat më të diskutuara të reality-show-t. Që prej asaj kohe, Egli ka qenë në vëmendje të mediave dhe publikut, duke fituar një bazë të fortë ndjekësish.

Me këtë hap, Egli zgjeron karrierën e saj përtej muzikës dhe spektakleve televizive.

Kombëtarja mbyll përgatitjet për miqësoren ndaj Gjibraltarit, situata te kuqezinjtë

Kombëtarja ka zhvilluar seancën e fundit zyrtare stërvitore në qendrën stërvitore në Malaga në prag të miqësores me Gjibraltarin, që do të luhet më 4 shtator, ora 18:00 në stadiumin “Europa Point” të Gjibraltarit.

Trajneri Silvinjo ka punuar për më shumë se një orë me të gjithë grupin, duke u fokusuar më shumë në aspektin taktik. Me ekipin sot në stërvitje është bashkuar edhe portieri Simon Simoni.

Deri tani i gjithë grupi gëzon formë të mirë dhe nuk ka probleme me dëmtimet.

Pas miqësores me Gjibraltarin, më datë 9 shtator kombëtarja do të presë Letoninë në sfidën e kualifikueseve që do të zhvillohet në stadiumin “Air Albania” dhe nis në ora 20:45.

Aksident i rëndë me teleferikun e njohur/ Ka viktima dhe të plagosur

Një aksident i rëndë ka ndodhur mbrëmjen e së mërkurës në Lisbonë, ku teleferiku historik, Gloria Funicular, një nga atraksionet më të famshme turistike të qytetit, ka dalë nga shinat funikulare duke shkaktuar një tragjedi.

Autoritetet portugeze të emergjencës konfirmuan se të paktën tre persona humbën jetën dhe mbi 20 të tjerë u plagosën, ndërsa disa mbetën të bllokuar në vendngjarje.

Shefi i Autoritetit të Mbrojtjes Civile të Portugalisë tha se dy nga të plagosurit janë në gjendje kritike. Sipas gazetës Observador, një kabllo e liruar gjatë rrugës bëri që treni të humbiste kontrollin dhe të përplasej me një ndërtesë pranë Avenida da Liberdade, rreth orës 18:05.

Pamjet e shpërndara në rrjetet sociale tregojnë vagonin e verdhë të përmbysur dhe pothuajse të shkatërruar, ndërsa dhjetëra njerëz shiheshin duke vrapuar mes tymit që mbuloi zonën.

Gloria Funicular është ndërtuar në vitin 1885 dhe është elektrifikuar tri dekada më vonë. Prej më shumë se një shekulli është një nga simbolet më të njohur të Lisbonës dhe destinacion i përhershëm për turistët.

Një hekurudhë funikulare është një lloj transporti hekurudhor që përdor kabllo për të tërhequr vagonët lart e poshtë një pjerrësie të madhe. Është projektuar posaçërisht për terrene ku trenat e zakonshëm nuk mund të ngjiten lehtësisht për shkak të këndit të madh të shpatit. Zoom.al/

Shqiptari “terror” pallatit në Itali, kërcënon për shpërthim me bombol gazi

Një shqiptar mbajti peng banorët e një ndërtese në Itali për disa dhjetëra minuta, duke kërcënuar se do të shpërthente bombolat e gazit.

U desh ndërhyrja e karabinierëve pas dështimit të negociatave për ta arrestuar.

Incidenti ndodhi mbrëmjen e sotme në Acate të italisë. Shqiptari, dyshohet me probleme të shëndetit mendor, nisi të kërcënojë të banorët se do ta hidhte në erë ndërtesën.

U deshën gjashtë anëtarë të karabinierëve për ta neutralizuar dhe për ta trajtuar nga ndihmësit mjekësorë. Fatmirësisht, përveç panikut të banorëve, asnjë nuk u lëndua. Zoom.al/

Gjendet pas 2 vitesh vajza e zhdukur në Kosovë: Dua të jetoj e pavarur

Një rast i raportuar si person i zhdukur është zbardhur nga hetuesit e Policisë së Kosovës në Prizren, të cilët kanë arritur të lokalizojnë vajzën e raportuar të humbur.

Sipas mediave në Kosovë, bëhet fjalë për A. Gigollajn, 27-vjeçare e cila ishte raportuar si e zhdukur që nga viti 2023, ndërsa më 31 korrik 2025 familjarët e saj kishin ripërtërirë raportimin në polici.

Pas veprimeve hetimore, hetuesit e Sektorit Rajonal kanë arritur ta gjejnë vajzën duke punuar në një prej restoranteve në fshatin Prevallë, Prizren.

Ajo është shoqëruar në stacion dhe është marrë në pyetje, ku ka deklaruar se është madhore dhe ka vendosur të jetojë e pavarur, pa dashur të kthehet në familje.

Të gjitha veprimet janë kryer në koordinim me Prokurorin, ndërsa rasti është cilësuar si i përfunduar. Zoom.al/

Tragjike/ Gruaja lind fëmijën në shtëpi, bashkëshorti i gjen të dy pa jetë

Një ngjarje tragjike ka ndodhur në lagjen Patisia të Athinës, ku një grua shtatzënë dhe i porsalinduri i saj u gjetën të vdekur brenda banesës.

Policia dhe ambulanca morën një alarm për ngjarjen e ndodhur.

Ishte vetë bashkëshorti i të ndjerës që sinjalizoi autoritetet pasi shkoi në banesë.

Ai gjeti të vdekur gruan e tij 34-vjeçare, që siç dyshohet, u përpoq të lindte e vetme në shtëpi, duke arritur të priste edhe kordonin e kërthizës.

I sapolinduri u gjet gjithashtu i pajetë. Në shtëpi në momentin e ngjarjes ishin edhe dy fëmijë të mitur të çiftit.

Megjithatë, ekspertiza mjeko-ligjore pritet të përcaktojë shkaqet e plota dhe të sakta të ngjarjes.

Bashkëshortja e Konstantinos Argyrous ndan lajmin e trishtë: Pësova abort

Alexandra Nika bëri një rrëfim personal përmes rrjeteve sociale, duke zbuluar se kohët e fundit kishte abortuar.

Korrikun e kaluar, u njoftua se gruaja e Konstantinos Argyrou ishte shtatzënë me fëmijën e tyre të dytë. Nëpërmjet llogarisë së saj personale në Instagram, Alexandra Nika foli për abortin e saj që e bëri të kuptonte se sa bekim i madh është shëndeti.

Në postimin e saj, ajo shkroi: “Dje në këtë faltore piktoreske pagëzuam Babagjyshin tonë. Kohët e fundit pata një abort që më kujtoi se sa bekim i madh është të kesh fëmijën tënd të shëndetshëm dhe familjen tënde pranë. Asgjë nuk dhurohet.. shëndeti, dashuria dhe momentet me njerëzit tanë janë dhuratat më të çmuara”.

Çifti u martua më 7 korrik, duke e mbajtur misterin dhe pritjen që pasoi larg “dritave” të ekranit. Këngëtari dhe bashkëshortja e tij e mbajtën dasmën e tyre në Agios Dimitrios në Grand Resort dhe më pas një pritje u mbajt në shtëpinë e familjes Nika, në Mavro Lithari në Anavyssos. Të enjten, më 21 gusht, Alexandra Nika ndau imazhe nga përgatitjet e saj, ndërsa tregoi edhe detaje të fustanit të saj të nusërisë, i cili u kurua nga Silia Kritharioti dhe ekipi i saj.

Putin: Ka një shans për t’i dhënë fund luftës, kushti

Presidenti rus Vladimir Putin i tha Kievit të mërkurën se ekziston një shans për t’i dhënë fund luftës në Ukrainë nëpërmjet negociatave.

“Nëse mbizotëron arsyeja e shëndoshë”, do të ishte një opsion që ai do ta preferonte, por se ishte gati ta përfundonte atë me forcë nëse kjo ishte e vetmja mënyrë.

Duke folur në Kinë në fund të një vizite atje, Putin tha se kishte vënë re “një dritë të caktuar në fund të tunelit”, duke pasur parasysh ato që ai i quajti përpjekje të sinqerta nga Shtetet e Bashkuara për të gjetur një zgjidhje për luftën më të madhe tokësore të Evropës, që nga Lufta e Dytë Botërore.

“Më duket se nëse mbizotëron arsyeja e shëndoshë, do të jetë e mundur të biem dakord për një zgjidhje të pranueshme për t’i dhënë fund këtij konflikti. Ky është supozimi im”, u tha ai gazetarëve në Pekin.

“Sidomos pasi mund të shohim humorin e administratës aktuale amerikane nën Presidentin Trump, dhe nuk shohim vetëm deklaratat e tyre, por edhe dëshirën e tyre të sinqertë për të gjetur këtë zgjidhje.

“Dhe mendoj se ka një dritë të caktuar në fund të tunelit. Le të shohim se si do të zhvillohet situata. Nëse jo, atëherë do të na duhet t’i zgjidhim të gjitha detyrat që kemi përpara me forcën e armëve.”

Megjithatë, Putini nuk tregoi ndonjë gatishmëri për të zbutur kërkesat e tij të kahershme, që Ukraina të braktisë çdo ide për t’u bashkuar me NATO-n, të ndryshojë atë që Moska e ka përshkruar si diskriminim ndaj rusishtfolësve dhe rusëve etnikë, ose të tërhiqet nga ideja që Moska duhet të ketë kontroll të plotë të paktën mbi zonën e Donbasit në Ukrainën lindore.

Ai tha se ishte gati të zhvillonte bisedime me Volodymyr Zelenskiy nëse presidenti ukrainas do të vinte në Moskë, por se mbetet për t’u parë nëse një takim i tillë do të ishte i vlefshëm.

Ai përsëriti pikëpamjen e tij se Zelenskiy, i cili nuk është përballur me rizgjedhje për shkak të gjendjes së jashtëzakonshme pavarësisht se mandati i tij zyrtar në detyrë po skadon, ishte i paligjshëm. Kievi e hedh poshtë kategorikisht këtë, duke thënë se është e pamundur të mbahen zgjedhje kuptimplote në një kohë lufte.

Zelenskiy ka bërë presion për t’u takuar me Putinin për të diskutuar kushtet e një marrëveshjeje të mundshme, edhe pse të dyja palët mbeten larg njëra-tjetrës, duke i kërkuar Uashingtonit të sanksionojë përsëri Moskën nëse Putini nuk është dakord.

Presidenti i SHBA-së, Donald Trump, i cili është përpjekur të ndërmjetësojë një zgjidhje paqeje, ka thënë gjithashtu se dëshiron që të dy udhëheqësit të takohen dhe të diskutojnë për këtë, por ende nuk ka vendosur sanksione dytësore ndaj Rusisë.

Putin u tha gazetarëve se kishte qenë gjithmonë i hapur për t’u takuar me Zelenskiy-n, por përsëriti qëndrimin e përsëritur shpesh të Kremlinit se një takim i tillë duhej të përgatitej mirë paraprakisht dhe të çonte në rezultate të prekshme.

“Sa i përket një takimi me Zelenskiy-n, unë kurrë nuk e kam përjashtuar mundësinë e një takimi të tillë. Por a ka ndonjë kuptim? Le të shohim”, tha Putin. Zoom.al/

Horoskopi i shtatorit: Çfarë ndodh me dashurinë

Dashi

Dashuria hyn në një fazë më të qartë. Pas muajsh tensioni, Shtatori sjell më shumë stabilitet. Çiftet që kanë kaluar periudha grindjesh do të kenë mundësi të rikuperojnë. Shumë do të ndjejnë nevojën të bëjnë plane serioze, të flasin për të ardhmen, martesën apo bashkëjetesën. Për beqarët, Venusi ofron takime të rëndësishme rreth datës 18. Kujdes vetëm nga xhelozitë e panevojshme.

Demi

Në dashuri kërkoni qetësi dhe siguri. Çiftet e forta do të përforcohen, por ato që kanë probleme të vjetra do të shohin konflikte të rishfaqen pas datës 20. Venusi ju mbështet deri në mesin e muajit, duke nxitur afrimitetin dhe pasionin. Beqarët mund të takojnë dikë interesant përmes punës ose aktiviteteve të përbashkëta. Kujdes nga keqkuptimet për shkak të fjalëve të tepërta.

Binjakët

Shtatori është muaji i qartësimit sentimental. Shumë Binjakë do të vendosin të mbyllin histori të dyshimta për të nisur diçka më të pastër. Komunikimi është arma juaj e fortë, por kini kujdes të mos e përdorni për të krijuar debate. Beqarët kanë mundësi të takojnë dikë interesant pas datës 18, falë pozicionit të favorshëm të Merkurit.

Gaforrja

Marrëdhëniet në çift hyjnë në një fazë më të qëndrueshme. Shumë prej jush do të ndjejnë dëshirën të bëjnë hapa të rëndësishëm – martesë, bashkëjetesë ose një projekt të përbashkët. Beqarët do të kenë shanse të mira të njohin dikë që i bën të ndihen të sigurt dhe të përkëdhelur. Kujdes nga tensionet familjare rreth datës 22–25, që mund të ndikojnë edhe te dashuria.

Luani

Venusi është në anën tuaj deri më 19 shtator, duke ju dhuruar një magnetizëm të pakrahasueshëm. Shumë çifte do të rigjejnë pasionin, ndërsa beqarët do të kenë njohje të papritura, sidomos gjatë udhëtimeve ose daljeve shoqërore. Ata që prej kohësh luhaten mes dy historive do të detyrohen të bëjnë një zgjedhje. Kujdes të mos e përdorni krenarinë për të kontrolluar partnerin.

Virgjëresha

Ky është muaji i dashurisë suaj! Me Merkurin dhe më pas Venusin në shenjë, lidhjet bëhen më të qarta dhe më të forta. Shumë çifte do të zyrtarizojnë marrëdhënien, ndërsa ata që janë vetëm do të kenë takime të papritura që mund të shndërrohen në histori serioze. Për ata që kanë kaluar një ndarje, është koha e duhur për t’u rilindur.

Peshorja

Me hyrjen e Merkurit në shenjë pas datës 18, dashuria merr hov. Çiftet do të gjejnë ekuilibrin dhe do të rikthejnë besimin e humbur. Për beqarët, Shtatori sjell njohje të reja dhe flirtime të këndshme. Kujdes vetëm nga streset e jashtme (punë, para) që mund të ndikojnë tek marrëdhënia. Ky është muaji ideal për të vendosur paqe pas periudhave të tensionuara.

Akrepi

Muaj i trazuar për dashurinë. Venusi është disonant deri më 19, duke sjellë pakënaqësi dhe keqkuptime. Shumë çifte do të duhet të përballen me tensione të vjetra ose dyshime. Beqarët mund të ndihen të pasigurt në takime të reja. Pas datës 20, klima përmirësohet: kush ka një lidhje të fortë, do e rigjejë pasionin, ndërsa të tjerët do të mësojnë të flasin hapur për ndjenjat.

Shigjetari

Dashuria rifiton ngjyrat! Venusi deri më 18 favorizon takimet e reja, sidomos për ata që sapo kanë lënë pas një ndarje. Shumë çifte do të rikthejnë harmoninë duke bërë plane të përbashkëta, udhëtime apo projekte familjare. Kujdes vetëm nga dëshira për të pasur gjithçka menjëherë. Pas datës 20, çiftet e reja do të forcohen ndjeshëm.

Bricjapi

Dashuria kërkon durim dhe qartësi. Shumë prej jush do të ndihen të lodhur nga tensionet e muajve të fundit. Çiftet duhet të gjejnë gjuhën e përbashkët, duke shmangur grindjet për çështje ekonomike apo praktike. Beqarët mund të ndihen të përfshirë nga një person i ri, por duhet të marrin kohë për të ndërtuar besim. Venusi sjell paqe pas datës 20, duke hapur një periudhë më të butë.

Ujori

Dashuria nuk është në kulm. Venusi kundër deri më 19 sjell tensione dhe grindje. Shumë çifte do të duhet të shmangin provokimet, sidomos nëse kanë pasur probleme prej muajsh. Beqarët rrezikojnë të përfshihen në histori të komplikuara. Më mirë të presin fundin e muajit, kur klima bëhet më e lehtë dhe takimet më të qarta. Kujdes nga prirja për të kërkuar gjithmonë liri pa marrë përgjegjësi.

Peshqit

Muaji nis me disa paqartësi, por dashuria rikuperohet ndjeshëm pas datës 19. Çiftet që kanë kaluar periudha të vështira do të kenë mundësi të ndihen sërish më pranë, duke planifikuar të ardhmen me më shumë qetësi. Për beqarët, Shtatori sjell takime të ëmbla dhe romantike, sidomos në ambientet e punës ose përmes miqve. Është koha të lini pas marrëdhëniet e paqarta.