Day ArchiveVajza e LaCivita emërohet Drejtoreshë në Shtëpinë e Bardhë

Victoria LaCivita, është emëruar në një nga pozicionet kyçe të administratës së presidentit Donald Trump.

Ajo mban postin e Drejtores së Komunikimit në Zyrën e Shkencës dhe Teknologjisë të Shtëpisë së Bardhë, duke sjellë eksperiencën e saj në fushën e komunikimit në një sektor strategjik.

Victoria është vajza e Chris LaCivita, strategut të fushatës presidenciale të Donald Trump.

Përmes këtij emërimi, Victoria LaCivita forcon më tej politikat që lidhen me teknologjinë dhe inovacionin në Shtetet e Bashkuara.

Victoria LaCivita është një profesioniste amerikane e fushës së komunikimit dhe politikës, e njohur për angazhimet e saj në administratën publike dhe fushatat elektorale.

Ajo është vajza e Chris LaCivita, një nga strategët kryesorë të fushatës së Donald Trump në vitin 2024, i cili ka udhëhequr gjithashtu fushatën e Partisë Demokratike të Shqipërisë në zgjedhjet e 11 majit 2025.p

5 shenjat më punëtore të horoskopit!

Nga elasticiteti i tyre tek qasja e tyre e disiplinuar, le të eksplorojmë shenjat e zodiakut që janë të njohura për natyrën e tyre punëtore.

Bricjapi

Bricjapi, një shenjë e tokës, kryeson listën e shenjave të zodiakut punëtorë. Përpjekja e tyre e fortë për sukses dhe ambicie nxit natyrën e tyre të zellshme. Bricjapët zotërojnë një disiplinë të jashtëzakonshme dhe janë të gatshëm të bëjnë përpjekjet e nevojshme për të arritur qëllimet e tyre. Ata vendosin standarde të larta për veten e tyre dhe vazhdimisht punojnë drejt aspiratave të tyre, duke i bërë ata punëtorë të vështirë të lindur nga natyra.

Demi

Individët e Demit janë të njohur për vendosmërinë e tyre të palëkundur dhe qasjen e përpiktë ndaj punës së tyre. Ata kanë një ndjenjë të fortë përgjegjësie dhe krenohen me arritjet e tyre. Individët e Demit janë të gatshëm të investojnë kohë dhe përpjekje në përpjekjet e tyre, duke u siguruar që çdo detaj të merret me kujdes. Përkushtimi dhe këmbëngulja e tyre i bëjnë ata punëtorë të jashtëzakonshëm.

Virgjëresha

Mendësia analitike dhe vëmendja ndaj detajeve të Virgjëreshave i bëjnë ata punëtorë natyralë të vështirë. Ata zotërojnë një etikë të fortë pune dhe përpiqen për përsosmëri në çdo gjë që bëjnë. Virgjëreshat kanë një aftësi të lindur për të organizuar dhe thjeshtuar detyrat, duke siguruar efikasitet në punën e tyre. Natyra e tyre e zellshme dhe përkushtimi ndaj përsosmërisë i veçojnë ata si individë që vazhdimisht bëjnë përpjekje për të arritur rezultatet e tyre të dëshiruara.

Dashi

Individët e Dashit njihen për energjinë dhe entuziazmin e tyre të pakufishëm, gjë që përkthehet në etikën e tyre të punës. Ata u qasen detyrave me një ndjenjë urgjence dhe vendosmërie, duke i bërë ata individë shumë produktivë. Individët e Dashit lulëzojnë në mjedise me ritme të shpejta dhe nuk kanë frikë të përballojnë sfidat kokë më kokë. Natyra e tyre punëtore dhe nxitja e pamëshirshme i shtyn ata drejt qëllimeve të tyre.

Akrepi

Përqendrimi intensiv dhe përkushtimi i palëkundur i Akrepëve i bëjnë ata punëtorë të jashtëzakonshëm. Pasi vendosin objektivin e tyre, ata investojnë kohën dhe energjinë e tyre me gjithë zemër për ta arritur atë. Akrepat zotërojnë një ndjenjë të thellë vendosmërie dhe nuk pengohen lehtësisht nga pengesat. Kërkimi i tyre i pamëshirshëm i suksesit i veçon ata si individë që janë të gatshëm të bëjnë përpjekjet e nevojshme për të përmbushur objektivat e tyre.

Irani shfaq ambicie të reja bërthamore

Menjëherë pas luftës me Izraelin dhe bombardimit amerikan të uzinave të pasurimit të uraniumit, Irani po shfaq ambicie të reja bërthamore.

Tensionet janë rritur me Agjencinë Ndërkombëtare të Energjisë Atomike, të cilën disa zyrtarë iranianë e akuzojnë se e ndihmoi Izraelin të justifikojë sulmet.

Parlamenti i Iranit, i dominuar nga ekstremistët, votoi të mërkurën për të “pezulluar” bashkëpunimin me agjencinë dhe për të ndaluar inspektorët të hyjnë në vend. Megjithëse masa deri më tani është vetëm simbolike, legjislacioni duhet të miratohet nga një autoritet më i lartë përpara hyrjes në fuqi.

Ndërsa mund të jetë një sinjal se Irani do të rinovojë ambiciet bërthamore pavarësisht sulmeve të ShBA-së dhe Izraelit, votimi gjithashtu mund të jetë thjesht një taktikë në çdo negociatë të re me administratën Trump mbi programin bërthamor.

Erdogan flet për Kosovën në NATO: Sa të jetë KFOR-i turk në Veri…

Presidenti i Turqisë, Recep Taip Erdogan, gjatë konferencës në Samitin e NATO-s ka folur edhe për veriun e Kosovës, ku janë të stacionuara forca të KFOR të kryesuara nga komandant turk.

Në përgjigjen e tij për gazetarin kosovar, Urall Boshnjaku, Erdogan tha se përderisa KFOR-i turk gjendet aty, shpreson (duke përdorur shprehjen inshallah), nuk do të ketë asnjë problem.

“KFOR-i i Turqisë ndodhet në atë zonë, pse ndodhet aty? Për paqe, për qetësi dhe derisa KFOR-i turk gjendet ty, shpresoj që aty nuk mundet dhe nuk do të ketë asnjë problem”, – ka thënë Erdogan.

Aksident i rëndë në aksin Peqin–Elbasan,automjeti bie nga ura

Një aksident i rëndë ka ndodhur në orët e vona të pasdites në segmentin rrugor kombëtar Peqin–Elbasan.

Sipas informacioneve paraprake, një automjet, i cili dyshohet se po lëvizte me shpejtësi të lartë, ka humbur kontrollin mbi një urë dhe ka rënë poshtë saj.

Ende nuk ka të dhëna të konfirmuara mbi pasojat e këtij aksidenti, ndërsa autoritetet janë në vendngjarje dhe po punojnë për të zbardhur rrethanat.

Zërat për një romancë me Xhensilën, reagon Ledri

Gjatë një interviste për emisionin “Pushime on Top”, reperi Ledri Vula ka ndarë jo vetëm planet e tij të ardhshme në muzikë, por ka komentuar edhe mbi thashethemet që shpesh qarkullojnë për jetën e tij personale.

I intervistuar në kuadër të koncertit të Alban Skënderajt në Milano, Ledri është përballur me pyetje të drejtpërdrejta dhe pa filtra. Një nga to kishte të bënte me mundësinë e një lidhjeje të mundshme me këngëtaren Xhensila Myrtezaj, për të cilën është përfolur shpesh në rrjete sociale.

“Jo, nuk funksionon kështu… Duhet të ekzistojë kimi, dashuri. Nuk mund të lidhem me dikë vetëm për ‘zhurmë mediatike’ apo për t’u dukur. Pa ndjenja, nuk shkon… nuk jemi kukulla,” u shpreh ai.

Zelensky heq uniformën pas tre vitesh/ Shfaqet me kostum të zi në Samitin e NATO-s

Presidenti ukrainas, Volodymyr Zelensky mori pjesë sot në samitin e NATO-s në Hagë.

Ajo që ra në sy ishte veshja e tij. Këtë herë presidenti ukrainas u pa i veshur me rroba më formale.

Që prej nisjes së luftës, Zelensky në takimet e tij formale paraqitej i veshur me uniformë luftarake, por këtë herë Zelensky ka lënë mënjanë uniformën, duke veshur një kostum të zi (një xhaketë megjithëse me nuanca ushtarake, pantallona klasik dhe një këmishë elegante, por pa kollare).

Mediat gjermane: Kullat e Tiranës fasadë për pastrim parash

Gazeta gjermane “Die Zeit” i ka kushtuar së fundmi një artikull festivalit të parë ndërkombëtar të arkitekturës, i cili u zhvillua para pak ditësh në Tiranë dhe ku morën pjesë rreth 150 arkitektë nga e gjithë bota.

Një prej temave kryesore të trajtuara në artikull janë ndërtimet e shumta që po zhvillohen në kryeqytet, veçanërisht ndërtimi masiv i kullave shumëkatëshe që po rrethojnë qendrën e Tiranës.

Sipas “Die Zeit”, arkitektët e ftuar shprehën shqetësime të thella lidhur me destinacionin e këtyre ndërtesave dhe identitetin e blerësve të mundshëm, duke ngritur dyshime nëse këto projekte mund të shërbejnë si mjete për pastrim parash.

Në artikull theksohet se, ndërsa kryeministri Edi Rama promovon idenë se “e ardhmja e Evropës po ndërtohet në Tiranë”, disa pjesëmarrës e perceptojnë këtë vizion si një fasadë që fsheh pastrim parash, ku ndërtimet shfaqen tërheqëse në aspektin estetik, por lënë hapësirë për shqetësime serioze në lidhje me burimin e financimit.

“Atmosfera gjatë festivalit ‘Bread-and-Heart’ ishte një përzierje entuziazmi dhe shqetësimi. Një prej paqartësive kryesore ishte pyetja: kush do të jetojë në të gjitha këto ndërtesa? Po ashtu, u ngritën dyshime për natyrën e financimeve, me pretendime se kemi të bëjmë me pastrim parash në një nivel të lartë estetik. Megjithatë, ekziston shpresa që investimet e bëra do të përmirësojnë cilësinë e jetës në qytet, në një formë apo një tjetër,”  shkruhet në artikull.

Gjithashtu, artikulli thekson se në Shqipëri mbi 10% taksa mbi vlerën totale të ndërtimit duhet të paguhet që në fazën fillestare të projekteve, një shkallë më e lartë taksimi krahasuar me shumë vende evropiane. Këto fonde përfundojnë në arkën e shtetit, por pyetjet mbeten: A përbën kjo një mënyrë të mirë për të zgjeruar burimet financiare të shtetit, apo përkundrazi, një mundësi për legjitimimin e pastrimit të parave?

“Qëllimi i ndërtuesve është të ndërtojnë një qytet që bazohet në përzgjedhje të kujdesshme, jo thjesht në rregullime sipërfaqësore; ata synojnë të krijojnë bukuri, dizajn dhe teknologji për njerëzit. Shqipëria ka aktualisht rreth 2.5 milionë banorë, prej të cilëve 600 mijë jetojnë në Tiranë. Vendi përballet me një shkallë të lartë emigrimi, ndërsa kryeqyteti përjeton rritje banorësh. Diaspora shqiptare numëron deri në dhjetë milionë anëtarë jashtë vendit. Një shpresë tjetër është që përmes këtij bumit ndërtimor do të futen investime që do të nxisin zhvillimin ekonomik të Shqipërisë,” vijon artikulli.

Megjithatë, kjo shpresë ngre edhe debate dhe dyshime gjatë festivalit. “Në Shqipëri, taksa mbi vlerën totale të ndërtimit është mbi 10%, ndjeshëm më e lartë se në vende të tjera evropiane. Këto fonde përfundojnë në arkën e shtetit, por pyetjet mbeten nëse kjo qasje zgjeron mundësitë financiare të qeverisë apo në të kundërt, shërben si një rrugë për pastrimin e parave,” theksohet më tej, duke përmendur edhe qëndrimet e opozitës, e cila e konsideron këtë problematikë si të thellë, sidomos pas arrestimit në shkurt të kryetarit të Bashkisë së Tiranës, Erion Veliaj, nën akuza për korrupsion dhe lidhje të afërta me Edi Ramën.

Në fund, gazeta përshkruan një panoramë të ndërlikuar në Tiranë, ku ngrihen pyetje të rëndësishme mbi ekonominë politike, demokracinë dhe traditat, ndërsa arkitektë të njohur perëndimorë diskutojnë se si projektet e mëdha ndërtimore mund të nxisin avancimin e një vendi që ende përballet me sfida të mëdha.

“Pra, në Tiranë dhe pjesë të tjera të Shqipërisë, veçanërisht përgjatë bregdetit të lakmuar bashkëjetojnë pyetje të thella mbi zhvillimin politik dhe social, ndërsa arkitektë ndërkombëtarë debatojnë mbi rolin e projektit urbanistik në kalimin drejt shekullit 21. Edi Rama ka zgjedhur një rrugë kontradiktore, por e ndjek me vendosmëri. Vitin tjetër arkitektët do të kthehen në festival, ndërsa ndërtime të shumta do të vazhdojnë të ngrihen  shpejtësia është një nga premtimet kryesore të Shqipërisë sot. Godinat do të qëndrojnë, por mbetet për t’u parë se cilat do të jenë pasojat reale dhe nëse premtimet e tjera do të plotësohen,” përfundon artikulli.

Atletet e Bardha të Ramës në NATO s’janë më lajm, por gafë

Në skenën e diplomacisë ndërkombëtare, ku çdo detaj ka peshë, nga fjalët deri te ngjyra e kravatës, zgjedhjet personale nuk janë kurrë thjesht personale.

Në samitin e fundit të NATO-s, ndërsa liderët botërorë qëndronin në rresht, të veshur në mënyrë të njëtrajtshme, kryeministri shqiptar Edi Rama doli në pah edhe njëherë, siç ndodh rëndom, për atletet e bardha.

Ka nga ata që vazhdojnë ta lexojnë këtë si një shenjë origjinalitetit, një akt të një njeriu jashtë formaliteteve të burokracisë, të një njeriu që është kudo vetvetja.

Por në realitetin e sotëm, në një samit ushtarak të një aleance që është thuajse në luftë, me nje konflikt të hapur me Rusinë dhe me SHBA që sapo sulmoi Iranin, kjo zgjedhje është më shumë një gafë avdalli sesa një rebelizëm i zgjuar ndaj formales.

Sepse aty Edi Rama nuk përfaqëson më veten, as stilin personal, por një shtet dhe veshja është pjesë e seriozitetit që ai përçon.

Kur ndodhesh mes liderëve të aleancës më të fuqishme ushtarake të botës, nuk je artist në skenë, as skulptor në studion te Piazza, por përfaqësues i një kombi në tryezën e sigurisë globale. Në këtë kontekst, atletet e bardha nuk flasin për thyerje të skemave, por për moskuptim të momentit dhe një mungesë respekti për të tjerët në samit dhe për vendin.

Në një samit të këtij niveli, në kontekstin ku ai zhvillohet, protagonizmi është fare i pavend.

Sepse aty liderët e vendeve të NATO-s janë mbledhur për të treguar mençuri, jo për spektakël anadollak mode./ Zoom.al

“SHBA kërcënoi Khamenei-n, i dërgoi koordinatat e vendndodhjes së tij”

Sipas një raportimi të publikuar nga Corriere della Sera, një burim i brendshëm i regjimit iranian ka treguar se lideri suprem i Iranit, Ayatollah Ali Khamenei, ka pranuar të tërhiqet dhe të pranojë një armëpushim pas një paralajmërimi të drejtpërdrejtë nga inteligjenca amerikane.

Sipas burimit, Uashingtoni i ka dërguar Khameneit një mesazh të qartë dhe kërcënues: “Ose brenda 24 orëve pranon armëpushimin, ose ne do të vijmë të të marrim”,duke përfshirë edhe koordinatat e vendndodhjes së tij të fshehur.

Khamenei, i njohur për kujdesin ekstrem për mbijetesën e tij dhe të regjimit islamik, thuhet se ka zgjedhur të tërhiqet – jo vetëm sepse nuk kishte zgjedhje, por edhe sepse “i duhej një moment për të marrë frymë”, thotë burimi.

Që nga mëngjesi i së djeshmes, televizioni shtetëror iranian IRIB dhe mjetet e tjera të propagandës së regjimit janë mobilizuar për të treguar versionin e tyre të asaj që po quhet tashmë “Lufta 12-ditore”.

Në emisione televizive, komentatorët pro-regjim deklarojnë fitoren: “Ne i fituam, askush nuk mundi të na mposhtte”, ndërsa pretendojnë se edhe SHBA ka lutur Iranin të ndalojë bombardimet ndaj bazave amerikane dhe Izraelit.

Sipas këtij narrativi, ishte mëshirueshëm që forcat iraniane pranuan armëpushimin e kërkuar nga administrata Trump.

Një profesor nga Teherani, cituar nga Corriere, e komenton kështu situatën: “E njëjta histori gjithmonë – ata e shpallin fitoren edhe kur humbin. Manipulojnë narrativën për të shpëtuar fytyrën dhe na ftojnë të ‘festojmë’ në sheshin Enghelab.”

Pavarësisht se ende fshihet në një bunker për shkak të frikës nga atentatet – pas vrasjes së disa gjeneralëve të tij – Ayatollah Khamenei ka qenë i pari që ka shpallur “triumfin”.

Në një postim në X, ai shkroi: “Kush e njeh popullin iranian dhe historinë e tij, e di që ky popull nuk dorëzohet.”

Pas tij, edhe figura të tjera të regjimit u rreshtuan me deklarata bombastike. Deputeti konservator Mahmoud Nabavian deklaroi se “para kësaj lufte, Irani ishte një fuqi rajonale, tani po bëhet një perandori islamike.”

Ish-presidenti Hassan Rouhani paralajmëroi se “armëpushimi nuk duhet parë si fund i rrezikut”, por si një mundësi për mashtrim që kërkon vigjilencë të plotë.

Ndërsa pjesa më e madhe e komunitetit ndërkombëtar po përpiqet të kuptojë nëse palët do të rikthehen në tryezën e negociatave për çështjen bërthamore, sinjalet nga Teherani janë të përziera.

Zëdhënësi i Organizatës për Energjinë Atomike të Iranit, Behrouz Kamalvandi, deklaroi se “industria bërthamore nuk do të ndalet” dhe se “rrënjët e saj nuk mund të shkulen”.

Ekspertët perëndimorë e cilësojnë këtë situatë si një humbje të qartë për Iranin, duke e përshkruar si poshtërimin më të madh ushtarak në historinë moderne të Republikës Islamike.

Sipas Corriere, e vetmja “fitore” reale për regjimin është fakti që Khamenei është ende gjallë – dhe me të, edhe sistemi shtypës që ai përfaqëson.

Një vajzë iraniane e quajtur Mina, e intervistuar nga gazeta në fillim të konfliktit, përmbyll me fjalë tronditëse: “U realizua skenari më i keq i mundshëm për ne – na bombarduan dhe na lanë nën sundimin e një regjimi të plagosur, por më të rrezikshëm se kurrë.”