CNN ka renditur çdo kënge finaliste, nga më e dobëta te më e mira, ku Shqipëria surprizon në vend të parë.
26. Armenia – PARG, “Survivor”
Një mashkull i bukur që vrapon pa bluzë mbi një pistë, në ngjyra ose bardhë e zi dramatik, me një këngë që të bën të ndihesh si në një reklamë proteine. Estetika? Si të kishte dizajnuar një inteligjencë artificiale.
25. San Marino – Gabry Ponte, “Tutta L’Italia”
Autori i hitit “Blue (Da Ba Dee)” nga Eiffel 65 është kthyer me një këngë ku përmenden makarona, verë dhe Mona Liza. Kaq. Dhe jo, nuk është meme – është realitet.
24. Mbretëria e Bashkuar – Remember Monday, “What The Hell Just Happened?”
Vajzat dinë të këndojnë, por kënga është si mbetje e një feste të vitit 2013.
23. Portugalia – Napa, “Deslocado”
E butë, relaksuese, por totalisht e harrueshme. Një këngë për në Spotify, jo për në skenën e Eurovision-it.
22. Lituania – Katarsis, “Tavo Akys”
Shumë emocione, por pak festë. Si të jesh bllokuar në një bisedë me dikë që flet vetëm për dhimbjen e brendshme dhe nuk të lë të largohesh.
21. Gjermania – Abor & Tynna, “Baller”
Kënga është surprizë ritmike, por vargjet janë krim më vete.
20. Izraeli – Yuval Raphael, “New Day Will Rise”
Një baladë e mbushur me ngarkesë emocionale dhe politike. Kënga si muzikë mbetet më e dobët krahasuar me vitin e kaluar.
19. Spanja – Melody, “Esa Diva”
Shfaqje dramatike, por kënga është një përzierje e zhurmshme që nuk bind as jurinë, as publikun.
18. Islanda – VÆB, “Róa”
Energjike në kufijtë e lodhjes. I vetmi funksion i tyre: të zgjojnë publikun në mes të baladave të shumta.
17. Norvegjia – Kyle Alessandro, “Lighter”
I ri, energjik, por tekstet janë sikur të jenë përkthyer nga Google Translate nga anglishtja… në anglisht.
16. Polonia – Justyna Steczkowska, “GAJA”
Një kthim pas 30 vitesh, me lëvizje dramatike dhe violinë. Por zëri është pak shumë… operistik për shijet e sotme.
15. Letonia – Tautumeitas, “Bur Man Laimi”
Një grup etno-pop që sjell kulturë dhe gjuhë autentike në skenë. Nuk është për të gjithë, por është 100% Eurovision.
14. Greqia – Klavdia, “Asteromáta”
Baladë prekëse për humbjen dhe emigrimin.
13. Holanda – Claude, “C’est La Vie”
Një përzierje e ëmbël anglisht-frëngjisht që kërkon të fitojë zemrat e jurisë. E kënduar shkëlqyeshëm.
12. Ukraina – Ziferblat, “Bird of Pray”
Një mishërim i gjithçkaje që është Eurovision: guxim befasi. Jo për të gjithë, por absolutisht origjinal.
11. Estonia – Tommy Cash, “Espresso Macchiato”
Një karikaturë absurde e kulturës italiane të kafesë. Ju nuk doni ta pëlqeni këtë këngë – por do ta bëni.
10. Malta – Miriana Conte, “Serving”
Vajza dominon skenën me vetëbesim dhe zë të fortë. Pak e tejkaluar, por funksionon.
9. Danimarka – Sissal, “Hallucination”
Pas pesë vitesh mungesë, Danimarka rikthehet me një baladë magjepsëse. Shumë më mirë live sesa në studio.
8. Suedia – KAJ, “Bara Bada Bastu”
“Do bëjmë sauna, sauna, do djersisim,” thonë këta tre finlandezë që përfaqësojnë Suedinë. Është qesharake, por e paharrueshme.
7. Luksemburgu – Laura Thorn, “La Poupée Monte Le Son”
Një kundërpërgjigje feministike ndaj një fitueseje të vitit 1965. Klasike, argëtuese dhe inteligjente.
6. Italia – Lucio Corsi, “Volevo Essere Un Duro”
Një këngë e ndjerë mbi identitetin dhe burrërinë. Shumë e bukur dhe ende e nënvlerësuar.
5. Franca – Louane, “Maman”
Një baladë personale për nënën e ndjerë të Louane. E sinqertë, e thjeshtë dhe tepër prekëse.
4. Zvicra – Zoë Më, “Voyage”
Delikate dhe e bukur, kjo këngë do të qëndrojë gjatë në kujtesën e publikut, edhe pse nuk pritet të fitojë dy herë radhazi.
3. Finlanda – Erika Vikman, “Ich Komme”
Një himn feminist dhe seksual që nuk ka turp nga asgjë. Mikrofonë gjigantë me flakë dhe tekst që e thotë troç.
2. Austria – JJ, “Wasted Love”
Zë brilant dhe emocione të forta, por… ngjan shumë me këngën fituese të vitit të kaluar. Rrezikon penalizim për ngjashmëri.
1. Shqipëria – Shkodra Elektronike, “Zjerm”
Një duet që nuk e pëlqen Eurovision-in – dhe pikërisht për këtë, ndoshta do ta fitojë. Zjarr, absurditet dhe stil alternativ që nuk fal. Fansat e duan. Dhe me të drejtë.
“Piranjat” kanë sjellë herë pas here raste mashtrimi me pasoja të rënda financiare, por kjo e sotmja është një histori që ndodh brenda familjes.
Enekleda Vesel, një grua 50-vjeçare, ka mashtruar kushëriin e saj, Mariolin, duke i zhvatur 36 mijë euro. Pasi Marioli i kishte shprehur dëshirën vajzës së hallës për të blerë një apartament në Tiranë, kjo e fundit erdhi me një ofertë shumë të mirë. Ajo i tha se shitej një apartament në zonën e “Myslym Shyrit” në Tiranë për 64 mijë euro. Marioli e pranoi ofertën dhe i pagoi si fillim 18 mjë euro kushërirës për të rezervuar shtëpinë.
Më pas, Enkeleda, i tha kushëririt se shitej edhe një dyqan në po të njëjtën zonë për 18 mijë euro. As për dyqanin Marioli nuk ngurroi aspak dhe menjëherë i dërgoi paratë Enekledës, e cila pretendonte se punonte si seksere për dy biznesmene të fuqishme, Vera Karakushi dhe Violeta, të cilat jetonin në Amerikë dhe që shisnin këto prona. Pasi Marioli pagoi çdo gjë që i kishte kërkuar kushërira, kuproi se diçka nuk po shkonte, sepse nuk po merrte asnjë dokument si vërtetim se ku po shkonin paratë e tij.
Pasi ai ia shprehu Enkeledës këtë shqetësim, ajo i dërgoi një certfikatë pronësie për apartamentin, e cila dallohej me shikim të parë se ishte false. Sigurisht kjo gjë nuk ebindi 37-vjeçarin, ndaj i kërkoi kushërirës që t’I kthentë të gjitha paratë mbrapsht.
Për këtë ata nënshkruan edhe një akt notarial, sipas së cilit Enkeleda detyrohej që t’i kthente Mariolit deri në fund të muajit mars gjashtë mijë euro dhe deri në datën 21 prill edhe 30 mijë eurot e tjera. Por, Enkeleda, shleu vetëm 10 mijë euro dhe për pjesën tjetër të parave vazhdoi sërish të mashtronte. Pasi, Mariolit “iu mbush kupa” vendosi t’i drejtohej së bashku me “Piranjat” sektorit të krimit ekonomik në policinë e Tiranës për të bërë denoncim për zonjën Enkelda Vesel. Policia nuk humbi aspak kohë dhe pasi u kryen të gjitha procedurat arrestoi 50-vjeçaren./ Piranja
Pse u largua nga Ferma VIP? Flet për herë të parë AlbaNjë nga momentet më të komentuara të spektaklit Ferma VIP ka qenë largimi i befasishëm i Albës dhe partnerit të saj Limi, duke shkaktuar reagime të shumta në rrjet dhe në publik.
Gjatë mbrëmjes së sotme në spektakël, Alba sqaroi për herë të parë publikisht arsyet e largimit të saj:
“E kam shprehur shumë qartë. Kam disa parime në jetë dhe para tyre nuk vendos asgjë. Edhe çmimi vjen pas parimeve,” – u shpreh Alba, duke lënë të kuptohet se vendimi i saj ishte i menduar dhe i pandikuar nga loja apo dinamika e spektaklit.
Në lidhje me spekulimet për raportin mes saj dhe konkurrentes tjetër, Nenes, dhe “tradhtinë” e dyshuar të Limit me të, Alba u shpreh prerë:
“Nena për mua nuk ka qenë aspak problem dhe nuk i kam kushtuar rëndësi. Për mua, rrënja e problemit është partneri që kam në krah.”
E pyetur nga Luana se cili ishte sekreti i saj me Limin që ka thënë në fermë Alba tha: Besa
“Që ne me Limin e kemi nga ajo që kemi ndjerë për njëri-tjetrin… kjo do mbetet gjithmonë mister për publikun.”
Largimi i çiftit ka lënë pas shumë pikëpyetje.
A do të dorëhiqet Sali Berisha? Flet Jozefina TopalliDrejtuesja e Partisë Demokratike për diasporën, Jozefina Topalli ishte e pranishme në protestën që opozita mbajti këtë të premte në Tiranë.
Duke folur për mediat, Topalli u shpreh se, ndonëse rezultati është i dhimbshëm, nuk duhen marrë vendime të nxituara, duke e krahasuar situatën me zgjedhjet e vitit 2001, të njohura për fenomenin e manipulimeve elektorale.
“Rezultati i këtyre zgjedhjeve më kujton 2001-shin, kur nga një zonë dolën 12 deputetë. Pas asaj kohe, njerëzit ishin shumë të dëshpëruar. E rëndësishme është që të mos merren vendime të nxituara kur je i mërzitur, si në jetë, ashtu edhe në politikë”, tha Topalli.
Sa i takon statutit të PD për dorëheqjen e kryetarit pas humbjes në zgjedhje, Topalli nuk dha një përgjigje të drejtpërdrejtë, por theksoi se vendimet e rëndësishme kërkojnë qetësi dhe maturi:
“Në momente të vështira mërzie, vendimet duhet t’i lësh në një moment kur të jesh më i qetë për të mos gabuar.”
Ditë pas sulmit, zbulohet mesazhi tronditës që Diddy i dërgoi CassieCasandra “Cassie” Ventura ishte në gjendje shoku pasi Sean “Diddy” Combs e goditi, e shqelmoi ndërsa ajo ishte shtrirë përtokë dhe e tërhoqi zvarrë përsëri në dhomën e tyre në sulmin në Hotelin InterContinental në Los Angeles në vitin 2016.
Këngëtarja e R&B jo vetëm që kishte dhimbje nga syri i nxirë dhe lëndime të tjera që Combs i la pas rrahjes së 6 majit 2016, por edhe po e merrte veten nga tërbimi që manjati i hip-hopit shpërtheu mbi të kur doli me vrap nga dhoma.
Megjithatë, vetëm pak ditë pas incidentit shqetësues, Combs i dërgoi asaj një mesazh: “Jam shumë i/e dashuruar me ty!!!’
I habitur, Ventura u përgjigj: “Çfarë të bëri të ndihesh kështu?”
Duke i dërguar një mesazh se “ndihej kështu që nga e premtja”, duke iu referuar të premtes, 6 maj 2016, Combs e pyeti më pas: “Çfarë po bën?”
Ventura, e cila është tetë muajshe shtatzënë me fëmijën e saj të tretë me bashkëshortin Alex Fine, dëshmoi se mendonte se ishte “pak e çuditshme” që Combs do të thoshte se e dëshironte seksualisht pasi e kishte goditur, shkelmuar dhe grushtuar atë ditë.
Duke i dërguar një mesazh duke i thënë se ajo që ndodhi ditën që ai e rrahu “nuk ishte një atmosferë e mirë”, ajo tha, “Na duhet një atmosferë tjetër nga e premtja”.
Combs dukej se ishte dakord. “E premte në mallkim lol,” shkroi ai. “As nuk dua ta bëj përsëri këtë.”
Kjo bisedë tronditëse me mesazhe vjen në ditën e katërt radhazi që Ventura, ka dëshmuar në gjyqin federal të profilit të lartë të Combs për trafikim seksual dhe shantazh.
Berisha në protestë: Zëri ynë për votën e lirë do ushtojë në Europë e botë, Rama do përfundojë në burgNë protestën e zhvilluar më 11 maj kundër asaj që opozita e quan “masakër elektorale”, kreu i Partisë Demokratike, Sali Berisha, mbajti një fjalim të fortë kundër kryeministrit Edi Rama, duke e akuzuar për manipulim të zgjedhjeve dhe për shkelje të vullnetit të lirë të qytetarëve shqiptarë.
Berisha e cilësoi procesin zgjedhor si farsë elektorale, duke kujtuar se kjo është dënuar paraprakisht nga një sërë organizatash ndërkombëtare dhe partish europiane:
“Zgjedhjet e 11 majit ishin botërisht të njohura si farsë elektorale. Këtë e sanksionuan rezolutat e Bashkimit Demokrat Ndërkombëtar, Internacionales së Qendrës Demokratike dhe Partisë Popullore Europiane”, tha ai.
Kreu i opozitës u shpreh se beteja për votën e lirë do të vijojë në çdo zyrë e parlament të Europës, duke theksuar mbështetjen ndërkombëtare për qëndrimet e opozitës:
“Zëri ynë, zëri juaj, zëri i shqiptarëve që luftojnë për votën e lirë, do dëgjohet dhe do ushtojë fuqishëm në Europë dhe botë. Kemi aleatë të shumtë në këtë betejë, dhe do jenë gjithnjë e më të shumtë.”
Duke iu referuar pranisë së liderëve europianë në Tiranë, Berisha ironizoi pritjen që Rama u bëri atyre, duke e krahasuar me figurat e njohura të krimit:
“Edi Rama i priti ata si një hajdut, si një plaçkitës… si El Çapo, si Toto Rina. Ai di vetëm të shkelmojë ligjin për të qëndruar në pushtet sepse e di që vendi i tij është në burg – dhe atje do përfundojë.”
Në përmbyllje të fjalës, Berisha u bëri thirrje qytetarëve shqiptarë që të mos dorëzohen dhe të vazhdojnë betejën kundër “terroristëve elektoralë”, siç i cilësoi ai mbështetësit e pushtetit:
“Të mos pajtohemi kurrë me këtë realitet. Të ngrihemi mbi bandat, mbi ata që kanë vënë një zonë sigurie ndaj protestuesve paqësorë. Vota e lirë është themeli i demokracisë dhe për të do të bëjmë çdo betejë dhe çdo sakrificë.”
Opozita harron protestën për zgjedhjet/ Sherr dhe sulme ndaj gazetarëveOpozita duket se devijoi nga qëllimi i daljes në protestë pasditen e sotme.
Disa anëtarë të Partisë Demokratike u përplasën me gazetarë të mediave duke iu drejtuar këtyre të fundit në gjuhë të papërshtatshme.
Lidhur me ngjarjen ka reaguar edhe Sindikata e Gazetarëve dhe Punonjësve të Medias.
“Dënojmë ashpër sulmet ndaj gazetarëve gjatë protestës së opozitës
Sindikata e Gazetarëve dhe Punonjësve të Medias shpreh indinjatën dhe shqetësimin e thellë për aktet e dhunës dhe sulmet e papranueshme të ndodhura ditën e sotme ndaj gazetarëve, gjatë raportimit të protestës së organizuar nga opozita.
Sulme të tilla përbëjnë një kërcënim të drejtpërdrejtë ndaj lirisë së medias, të drejtës për informim të paanshëm, dhe vetë lirisë së shprehjes në një shoqëri demokratike. Gazetarët, në ushtrimin e misionit të tyre informues, përfaqësojnë një funksion publik në shërbim të qytetarëve. Çdo akt që synon të intimidojë apo dhunojë ata, është një shkelje e rëndë ndaj demokracisë dhe duhet të dënohet pa ekuivok.
I bëjmë thirrje përfaqësuesve të Partisë Demokratike të distancohen publikisht nga çdo akt dhune apo gjuhë nxitëse ndaj punonjësve të medias, si dhe të mbajnë një qasje etike dhe të përgjegjshme në komunikimin me gazetarët.
Diskursi politik nuk mund dhe nuk duhet të drejtohet ndaj mediave të lira. Liria e shtypit është një vlerë themelore që duhet mbrojtur dhe respektuar nga të gjitha palët, pa përjashtim,”– thuhet në reagim.
Më herët, gazetarja Sara Demushi u përpoq t’i merrte një reagim Aldo Bumçit për rezultatin në zgjedhje, por demokrati reagoi keq. Ai tha se nuk u pyet nëse donte të fliste, ndaj nuk pranoi të fliste.
“Ti më kërkove mua intervistë? Unë nuk shmangem. Ti më kërkove mua intervistë? S’më kërkove intervistë. Të shprehem për televizionin tuaj apo jo?”- u shpreh Aldo Bumçi.
“Unë mund të pyes këdo në protestë. Kam të drejtë të pyes çdo qytetar,”- iu përgjigj gazetarja.
“Ma kërko dhe unë ta jap,”- shtoi Aldo Bumçi.
Më pas, në largim, njerëzit e Aldo Bumçit i mbyllën kameran gazetares.
Nga ana tjetër, Klevis Balliu akuzoi gazetarët që po mbulonin protestën e Partisë Demokratike se “kanë prekur protestuesit”, gjatë tubimit te bulevardi “Zogu I”.
Me tone të larta, Balliu u përfshi në një debat po me gazetaren Demushi, si dhe me disa kameramanë që ndodheshin aty pranë.
Debati i tensionuar arriti kulmin kur një i pranishëm i kërkoi Balliut “sqarim tek e tek”. Balliu pretendoi se drejtimi i kamerës nga operatori ishte dhunë ndaj qytetarëve.
Po kështu, numri dy i Partisë Demokratike, Flamur Noka u pyet nga gazetarët nëse Sali Berisha do të japë dorëheqjen nga posti i kryetarit të Partisë Demokratike, pasi opozita humbi sërish zgjedhjet.
Sekretari i Përgjithshëm i Partisë Demokratike akuzoi mediat se marrin instruksione nga qeveria, ndërsa tha: “Për të gjithë ju që merrni instruksione te Fuga, kam një përgjigje: Statuti është zbatuar dhe do të zbatohet nga Partia Demokratike me përpikmërinë më të madhe”./ Zoom.al
Gjatë një konference të përbashkët për shtyp me kryeministren e Danimarkës, kryeministri Edi Rama u përball me pyetje në lidhje me raportin e OSBE/ODIHR dhe kritikat e Bashkimit Europian për zgjedhjet e fundit në Shqipëri.
I pyetur për vërejtjet që flisnin për një “fushë loje të pabarabartë” dhe për probleme me pavarësinë e medias, Rama u shpreh se këto janë pjesë e një deklarate shumë më të gjerë dhe gjithëpërfshirëse, që sipas tij në thelb përshëndet zgjedhjet.
“Ajo çfarë cituat janë pak fjali nga një deklaratë shumë më e gjatë. Zgjedhjet janë shprehja e vullnetit të popullit shqiptar 100%, jo 99. Raportet paraprake hartohen që të kontrollohen më tej dhe të ballafaqohen me prova,”- deklaroi Rama.
Duke e krahasuar procesin zgjedhor në Shqipëri me atë të Danimarkës, kreu i qeverisë pranoi se zgjedhjet shqiptare nuk janë ende në atë nivel, por theksoi se ka një përmirësim të vazhdueshëm.
“Çfarëdo që duhet të përmirësohet, do të trajtohet pa dyshim. Kështu e kemi përmirësuar procesin tonë zgjedhor, i cili është shumë më i mirë se ishte dhe në pajtim me standardet e OSBE/ODIHR për zgjedhje të lira dhe të ndershme,”- shtoi ai./ Zoom.al
KQZ bën bilancet/ Sa votues nga brenda dhe jashtë vendit morën pjesë në zgjedhjeKomisioni Qendror i Zgjedhjeve ka publikuar një bilanc paraprak mbi pjesëmarrjen dhe rezultatet e votimit, bazuar në të dhënat e transmetuara nga operatorët në terren, si brenda vendit, ashtu edhe nga diaspora.
Sipas KQZ-së, nga 3.467.962 zgjedhës të regjistruar në listat zgjedhore, kanë votuar gjithsej 1.462.138 qytetarë brenda territorit të Shqipërisë. Nga këto vota, 1.406.514 janë shpallur të vlefshme, ndërsa 55.514 janë konsideruar të pavlefshme.
Gjithashtu, KZAZ-të kanë identifikuar 12 kuti votimi si të parregullta, të cilat nuk janë përfshirë në procesin e numërimit.
Sa i përket votimit nga diaspora, janë regjistruar 194.889 vota të ardhura përmes shërbimit postar. Nga këto, deri më tani janë numëruar 1.532 vota të pavlefshme.
Ky është një raport paraprak dhe mund të pasqyrojë ndryshime me përfundimin e plotë të procesit të numërimit dhe verifikimit.
VIDEO/ Aldo Bumçin e lënë nervat, i kthehet keq gazetaresNjë incident ndodhi pasditen e sotme mes gazetares së Euronews Albania dhe demokratit Aldo Bumçi.
Gjatë protestës së opozitës, gazetarja Sara Demushi u përpoq t’i merrte një reagim Aldo Bumçit për rezultatin në zgjedhje, por demokrati reagoi keq.
“Ti më kërkove mua intervistë? Unë nuk shmangem. Ti më kërkove mua intervistë? S’më kërkove intervistë. Të shprehem për televizionin tuaj apo jo?”, u shpreh Aldo Bumçi.
“Unë mund të pyes këdo në protestë. Kam të drejtë të pyes çdo qytetar”, i përgjigjet gazetarja.
“Ma kërko dhe unë ta jap”, shton Aldo Bumçi.
Më pas, në largim, njerëzit e Aldo Bumçit i mbyllin kameran gazetares./ Zoom.al
