Diaspora shqiptare do të ketë mundësinë të votojë për zgjedhjet parlamentare të 11 Majit duke filluar nga e marta, pasi nesër do të nisë dërgimi i fletëve të votimit për votuesit jashtë vendit. Ky proces historik shënon një hap të rëndësishëm në përfshirjen e diasporës në vendimmarrjen politike të Shqipërisë.
Në Parkun Olimpik, ku po përgatiten materialet zgjedhore, po punohet intensivisht për paketimin e zarfeve me fletë votimi. Deri më tani, janë përgatitur rreth 10 mijë sete zgjedhore, të cilat do të dërgohen nesër për votuesit e regjistruar në diasporë.
Procesi përfshin një zinxhir të organizuar, ku çdo votues do të marrë një zarf të personalizuar që përmban fletën e votimit të qarkut nga ku vjen, e cila është vulosur dhe futur në një zarf të anonimizuar (Zarfi A). Ky zarf më pas vendoset në një zarf më të madh (Zarfi B), që mban të dhënat e koduara të zgjedhësit.
Pasi zarfi B është gati, ai dorëzohet tek kompania postare, e cila e fut në një zarf të verdhë të postës, bashkë me një udhëzues, një listë me kontakte të kompanisë nëpër botë dhe një zarf tjetër postar për kthimin e votës. Kompania postare më pas mbyll zarfin me kodet e adresës dhe i shpërndan ato në 85 shtete të botës.
Ky proces i votimit nga diaspora është një risi për Shqipërinë, pasi për herë të parë qytetarët jashtë vendit mund të votojnë përpara datës zyrtare të zgjedhjeve. Nga e marta e tutje, votuesit e diasporës mund të dërgojnë votën e tyre pa pritur 11 Majin. Ata që nuk janë regjistruar në KQZ ose janë refuzuar, vijojnë ta kenë emrin në listën e zgjedhësve në Shqipëri dhe mund të ushtrojnë të drejtën e votës vetëm nëse vijnë të votojnë fizikisht në vend. /Zoom.al
Krimet zgjedhore/ SPAK në terren, hap zyrat në 12 qarqet e venditSPAK ka zbritur më në fund në terren. Tre ditë pas hapjes zyrtare të fushatës për zgjedhjet e 11 majit, Prokuroria e Posaçme Kundër Krimit të Organizuar dhe Korrupsionit ka hapur zyrat e saj në 12 qarqe të vendit.
Këto zyra do të koordinojnë hetimet për krimet zgjedhore si pjesë e një strategjie të miratuar nga SPAK, e cila synon të sigurojë integritetin e procesit zgjedhor dhe të parandalojë çdo veprim të paligjshëm që mund të ndikojë në rezultatet e zgjedhjeve.
Zyrat e SPAK janë të pajisura me prokurorë, hetues të BKH-së, hetues financiarë dhe staf administrativ mbështetës. Në krye të Task-Forcës që do të drejtojë këtë operacion është kryeprokurori Altin Dumani, i cili do të koordinojë punën e strukturës qendrore në Tiranë dhe grupeve hetimore në terren.
Strategjia e SPAK përfshin disa masa kryesore:
Sipas strategjisë së publikuar nga SPAK, një aspekt i rëndësishëm është verifikimi në terren i indicieve dhe denoncimeve për manipulime zgjedhore, keqpërdorim të burimeve shtetërore ose presion ndaj votuesve. Për këtë arsye, SPAK ka ngritur një Grup Hetimor të Posaçëm (Task-Force), i ndarë në:
Një grup i posaçëm me hetues financiarë dhe ekspertë të tjerë të fushës do të monitorojë përdorimin e buxhetit dhe investimet publike, të cilat nuk lejohen të kryhen gjatë periudhës zgjedhore nga subjektet e posaçme. Për të inkurajuar qytetarët dhe institucionet që të raportojnë shkeljet, SPAK ka krijuar:
Ky operacion pritet të zgjasë deri në fund të majit 2025 dhe synon të sigurojë një proces zgjedhor të drejtë dhe transparent. SPAK e ndërmerr një veprim të tillë për herë të parë, teksa fenomeni i shit-blerjes së votës dhe përdorimi i administratës në zgjedhje janë ngritur si fenomene shqetësuese në zgjedhjet e fundit nga OSBE/ODIHR.
Në zgjedhjet e 4 viteve me parë, dosjet hetimore 339 dhe 184 treguan se si bliheshin votat në Durrës e Dibër. Në përgjimet e prokurorisë, që u publikuan nga gazeta gjermane BILD, shfaqej edhe kryeministri Rama duke komunikuar me personazhe me të shkuar kriminale apo zyrtarë të policisë. Po ashtu, edhe Vangjush Dako, Damian Gjiknuri, Ulsi Manja apo Pjerin Ndreu.
Strategjia e SPAK për të hetuar krimet zgjedhore shkaktoi zemëratën e kryeministrit Edi Rama, i cili e quajti të si lajthitje të prokurorisë dhe presion ndaj administratës. /Zoom.al
ChatGPT mban mend bisedat tuaja: Përdoruesi ka kontroll total mbi memorienOpenAI ka lancuar zyrtarisht një përditësim të fuqishëm të memories për ChatGPT, duke mundësuar që AI të mbajë mend detajet nga bisedat e tua të kaluara, duke bërë ndërveprimet më të personalizuara se kurrë.
Më parë, memoria e ChatGPT duhej të aktivizohej manualisht për elemente të caktuara. Tani, ajo mund të kapë dhe ruajë automatikisht detaje si preferencat e tua, interesat ose madje temat e përsëritura. Për shembull, nëse ke përmendur se je tifoz i baseball-it apo preferon përgjigje të shkurtra, ChatGPT mund të përfshijë këtë kontekst në përgjigjet e ardhshme.
“Kjo është një veçori befasuese e shkëlqyer,” ka postuar CEO i OpenAI, Sam Altman, duke thënë se kjo pasqyron një të ardhme ku AI bëhet “jashtëzakonisht i dobishëm dhe i personalizuar.”
Përdoruesit ende mbajnë kontrollin – memoria mund të fiket në çdo kohë përmes cilësimeve dhe kujtimet e kaluara mund të menaxhohen ose fshihen në seksionin “Menaxho kujtimet.”
Kjo veçori është e disponueshme tani për përdoruesit e ChatGPT Plus dhe Pro (përveç disa shteteve si Mbretëria e Bashkuar, Norvegjia dhe Zvicra). Përdoruesit e Team, Enterprise dhe Edu do të kenë akses në javët e ardhshme.
Me këtë përditësim, OpenAI vazhdon të shtyjë përpara një vizion ku AI nuk është vetëm reagues – por thellësisht i përshtatur me jetën tënde.
Parashikimi/ Çfarë ka rezervuar moti për javën e ardhshmeJava që vjen do të sjellë një përzierje të motit në vend, me temperatura në rritje dhe periudha reshjesh të përkohshme, veçanërisht në mesjavë.
E hëna do të nisë me mot kryesisht të vranët dhe temperatura që do të luhaten nga 13°C në mëngjes deri në 21°C gjatë ditës. Të martën pritet të ketë reshje të përkohshme në orët e para të mëngjesit, por më pas moti do të përmirësohet me kthjellime dhe rritje temperaturash deri në 23°C.
E mërkura do të sjellë një rritje të ndjeshme të temperaturave, deri në 27°C, me mundësi për reshje të izoluara pasditeve. E enjtja do të vijojë me mot të ngrohtë dhe shumë të nxehtë për stinën, me temperatura që do të arrijnë deri në 28°C, shoqëruar me vranësira dhe reshje të mundshme gjatë pasdites.
Të premten moti do të freskohet ndjeshëm, me temperatura maksimale rreth 20°C dhe reshje të shkurtra në mëngjes, ndërsa fundjava do të jetë më stabile. E shtuna dhe e diela parashikohen me diell dhe temperatura të këndshme, duke shkuar deri në 22°C.
Tre çiftet e zodiakut që kanë zënkat më të këqijaDashi dhe Akrepi :
Dashi pasionante dhe Akrepi nervoz ndajnë diçka të përbashkët, ata udhëhiqen nga planeti Mars, sulmi dhe mbrojtja, kështu që luftimet e tyre mund të jenë vërtet shpërthyese. Dashi e humb shpejt durimin, ndërsa Akrepi fillon të ziejë brenda derisa nuk mund të durojë më dhe të shpërthejë si vullkan. Nëse asgjë tjetër, nëse seksi pason pas sherrit, mund të ia vlente sherri.
Demi dhe Shigjetari :
Dy shenja veçanërisht me këmbë në tokë, të cilëve u pëlqen të lëvizin me ritmin e tyre. Megjithatë, ritmet e Shigjetarit të lirë dhe të vrullshëm janë të pandalshëm, ndaj mund të rezultojë jashtëzakonisht i vështirë për t’u koordinuar me Demin, duke e lënë këtë të fundit të pasigurt dhe të rraskapitur, pasi do të preferonin një ritëm më të relaksuar të jetës. Ndërsa Demi është një trup shtëpie, Shigjetari mezi pret për aventurën e radhës, kështu që kjo marrëdhënie është si dy forca të kundërta, si një lojë tërheqjeje e pafund.
Gaforrja dhe Ujori :
Nëse vendosin të bëhen çift, duhet të përgatiten të përballen me shumë pengesa, sepse janë dy shenjat e zodiakut me më shumë ndryshime mes tyre. Nuk ka gjasa që ata të gjejnë një mënyrë për të bashkëjetuar, por kjo mund të nënkuptojë shumë argumente që lindin nga papajtueshmëritë e tyre. Gaforrja është një nga shenjat më të kujdesshme dhe të ndjeshme, duke i konsideruar veçanërisht të rëndësishme marrëdhëniet e ngushta me të dashurit. Ujori, nga ana tjetër, është më i largët dhe mund të ndihet i mbytur nga një Gaforre – i cili nga ana tjetër mund ta përjetojë sjelljen e Ujorit si refuzim. Prandaj, duhet shumë përpjekje nga të dyja palët që kjo marrëdhënie të funksionojë.
LaCivita thirrje shqiptarëve: Votoni për Berishën që ta bëni Shqipërinë të madhe përsëriStrategu i fushatës së “Aleancës për Shqipërinë Madhështore”, Chris LaCivita ishte i pranishëm në Breshia ditën e sotme duke shoqërua kreun e PD sli Berisha gjatë takimit me emigrantët shqiptarë që jetojnë dhe punojnë në Itali.
Gjatë fjalës së tij, La Civita ju bëri thirrje shqiptarëve që të votojnë në shumicë për Sali berishën në mënyrë që Shqiëpria të ringrihet.
“Shqipëria po përballet me një krizë të vërtetë.Po humb më të mirët dhe më të mençurit. Për mundësi dhe oportuniteti që sot Shqipëria nuk i ofron. Nuk ofron mundësi sepse për 12 vitet e fundit, Edi Rama dhe socialistët i kanë bërë këtë të pamundur.
E vetmja rrugë që kjo të ndryshojë është të ngriheni dhe të gjithë të shkoni e të votoni. Shqiptarët që jetojnë jashtë Shqipërisë kanë një mundësi të jashtëzakonshme për të ndryshuar drejtimin e Shqipërisë.
Çdo votë ka rëndësinë e vet, por sidomos ata që jetojnë jashtë Shqipërisë,. Ju jeni këtu për të vendosur për të ardhmen tuaj, por edhe të familjes tuaj. Por tani ju keni mundësi që të ndryshoni edhe të ardhmen e Shqipërisë. Në 2024 Donald Trump u bë president i SHBA-së, sepse solli për të votuar pjesën më të madhe të amerikanëve.
Duke dalë të gjithë, sa më shumë për të votuar në zgjedhjet e 11 majit, për numrin 1 për doktor Sali Berishën, ju do ta bëni Shqipërinë të madhe përsëri”, tha La Civita.
Pamjet e papublikuara/ Fansat e Gjestit zbarkuan në Top Channel, në kërkim të Jozit: Hajde dil!!Pamje të reja kanë dalë nga ngjarja e tensionuar pranë Top Channel, mbrëmë, pas incidentit mes Jozit dhe Gjestit.
Disa mbështetës të këtij të fundit mbërritën me automjete pranë televizionit duke kërkuar Jozin.
Në videon e publikuar nga Zoom.al degjohen zëra burrash që i kërkojnë Jozit të dalë jashtë:
Pas përplasjes fizike, Jozefin Marku u shoqërua nga policia për në komisariat, ku kaloi natën, ndërsa u la në gjendje të lirë sot./ Zoom.al
Skandal me klinikën e Xhensila Myrtezajt/ Klientja bën denoncimin, stafi nuk mban përgjegjësiNjë kliente e klinikës estetike të këngëtares Xhensila Myrtezaj, ka bërë një denoncim publik për shërbimin dhe trajtimet që “Silabel” ofron.
Fjori Jaso, ka publikuar pamjet e fyryrës së saj një muaj pas trajtimit, me shenja të dukshme të gërvishtura prej pajisjeve false, që e reja pretendon se klinika ka në përdorim.
Vajza ka treguar në rrjetet sociale se përveç sjelljes së papërshtatshme të stafit të klinikës estetike “Silabel” është përballur edhe me një tjetër fenomen më të rrezikshëm.
Në kërkim të informacioneve për efektet e shërbimit që pacientja kishte paguar, ka zbuluar se edhe pajisjet që klinika përdor nuk janë origjinale.
Denoncimi i plotë:
Kryeministri Edi Rama, gjatë një takimi me komunitetin shqiptar në Milano, iu përgjigj akuzave të opozitës se “gjysma e qeverisë së tij ndodhet në burg”.
Ai theksoi se një deklaratë e tillë nuk përkon me realitetin dhe se, sipas tij, socialistët duhet të ndihen më krenarë se kurrë për reformat që kanë bërë.
“Ka pasur mbi 60 ministra e qindra kryetarë bashkish e komunash gjatë këtyre viteve qeverisje,” tha Rama, duke shtuar se fakti që disa prej tyre janë hetuar apo ndëshkuar nga drejtësia është një dëshmi se reforma në drejtësi po funksionon – një reformë që, sipas tij, u bë me vullnetin e plotë të mazhorancës.
“Disa janë përballur me drejtësinë, por kjo është një arsye për të mbajtur kokën lart. Ata që flasin për ‘gjysmën në burg’ janë po ata që dikur nuk e linin drejtësinë të merrte frymë,” vijoi ai. Kryeministri nuk i kurseu ironitë ndaj opozitës, duke e quajtur atë një “këneta” që kërkon të kthehet në pushtet vetëm për interesa personale, për ta kthyer vendin pas.
Rama përmendi edhe datën 12 maj si një moment kyç, duke thënë se nuk është thjesht një përballje për vota, por një betejë për të ardhmen e Shqipërisë dhe për të mbrojtur SPAK nga “ofensiva e bufit dhe mushkonjave”.
“Shqiptarët duhet ta marrin këtë mesazh qartë: bëhet fjalë për të mos e ndalur vrapin drejt integrimit europian,” përfundoi ai.
Ylli Limani i del në mbrojtje Gjestit, ja reagimi i papritur (Foto)Pas ngjarjes së bujshme në “Big Brother VIP Albania”, ku Gjesti u qëlluan nga Joz Marku, rrjetet sociale janë mbushur me reagime në mbështetje të tij.
Një ndër figurat publike që ka reaguar së fundmi është këngëtari i njohur Ylli Limani.
Në një postim të publikuar në InstaStory, Ylli ndau një foto të Gjestit brenda shtëpisë së BBVA-së, shoqëruar me një mesazh të qartë solidariteti. Ky veprim u prit pozitivisht nga ndjekësit e tij dhe fansat e formatit.
Ky reagim nuk është thjesht një përkrahje personale, por edhe një qëndrim i fortë kundër dhunës në ekranet televizive dhe promovimit të sjelljeve të papranueshme në publik.
