Day ArchiveE FUNDIT/ Mediat: Administrata Trump po shqyrton ndalimin e të gjitha dërgesave në Ukrainë

Administrata Trump po shqyrton përfundimin e të gjitha dërgesave të vazhdueshme të ndihmës ushtarake në Ukrainë pas një takimi midis Volodymyr Zelenskyy dhe Donald Trump në Zyrën Ovale, raporton Washington Post.

Vendimi, nëse merret, do të zbatohet për miliarda dollarë radarë, automjete, municione dhe raketa që presin dërgimin në Ukrainë përmes autoritetit presidencial raporton gazeta, duke cituar një zyrtar të lartë amerikan.

Njoftimi vjen si përgjigje ndaj komenteve të Zelenskyy në Shtëpinë e Bardhë dhe “papajtueshmërisë për procesin e paqes”, shkruan gazeta.

Sipas Washington Post, shkruan se sipas burimit të saj, konfrontimi midis Trump dhe zëvendëspresidentit të tij JD Vance me Zelenskyy ishte i paramenduar.

“Faleminderit, faleminderit, faleminderit…”/ Zelensky ironizon zv.presidentin JD vance

Pasi u largua i tensionuar nga Shtëpia e Bardhë, Zelenskiy po qëndron në hotelin aty pranë “Hay Adams”.

Presidenti ukrainas nuk bëri asnjë shfaqje publike pavarësisht një grumbulli të madh gazetarësh që po qëndrojnë në ambjentet e jashtme me shpresën e ndonje reagimi.

Megjithatë, Zelensky ka shprehur falënderimet e tij në rrjetin social X, në më shumë se 20 postime brenda një kohe shumë të shkurtër.

Rrjedha e njëpasnjëshme e mesazheve duket se është një përgjigje ndaj akuzës së Zëvendës Presidentit të SHBA Vance i cili i tha Zelenskyt se nuk ka thënë “Faleminderit” gjatë përplasjes në Zyrën Ovale më herët.

Policia e Kosovës aksion në Veri/ Gjenden armatime të rënda, veshje ushtarake dhe municione

Policia e Kosovës ka bërë të ditur se në paraditen e së premtes ka nisur një aksion në fshatin Rodel të Leposaviqit – pas marrjes së informacioneve nga terreni – i cili ka rezultuar me konfiskim të uniformave ushtarake, armëve dhe municioneve, dhe që mbrapa tyre janë pjesëtarë të organizatës, Mbrojtja Civile – e shpallur terroriste nga autoritetet e Kosovës.

Drejtori i Policisë, Gazmend Hoxha, ka thënë se aksioni është duke vazhduar, ndërsa një person është shoqëruar në stacionin policor për t’u intervistuar.

Si Hoxha, ashtu edhe ministri i Brendshëm i Kosovës, Xhelal Sveçla, kanë thënë se konfiskimet dëshmojnë se pjesëtarë të organizatës Mbrojtja Civile vazhdojnë të jenë aktivë në territorin e Kosovës.

“Serbia vazhdon të strehojë terroristin Millan Radoiçiq, i cili është kupola e gjithë këtij organizimi, i cili po mundohet që mbetjet e grupeve terroriste të vazhdojë t’i mbajë të gjalla, qoftë në Serbi, ashtu edhe në Kosovë”, ka thënë Sveçla.

Ai ka thënë se Policia do të kryejë hetime për të kuptuar se kush janë anëtarët e grupit të angazhuar në atë zonë.

“Policia e Kosovës është e aftë për t’u përballur me këto mbetje, dhe këtë po e dëshmon çdo ditë, nuk jemi të frikësuar, jemi të kujdesshëm që çdo grupacion që vepron në Kosovë, të përballet me policinë, prokurorinë dhe gjyqësorin”, ka thënë Sveçla.

Millan Radoiçiq akuzohet nga autoritetet e Kosovës se qëndron mbrapa organizimit dhe kryerjes së sulmit në Banjskë të Zveçanit, në shtator të vitit 2023. Për pasojë është vrarë një zyrtar i Policisë së Kosovës.

Radoiçiq besohet se është i lirë në Serbi.

Europa i del në krah Zelenskyt: Dinjiteti yt nderon popullin ukrainas, ne jemi me ty

Europa i ka dalë në krah presidentit ukrainas, Volodymir Zelensky në një shfaqje uniteti pas zhvillimeve në Uashington.

Dhjetëra krerë shtetesh të Europës kanë reaguar në mbështetje të liderit ukrainas në më pak se një orë.

Presidentja e Komisionit Evropian Ursula von der Leyen dhe presidenti i Këshillit Evropian Antonio Costa bënë të njëjtin postim në rrjetet sociale.

“Dinjiteti juaj nderon trimërinë e popullit ukrainas. Ji i fortë, trim, ji i patrembur. Ju nuk jeni kurrë vetëm, i dashur President @ZelenskyyUa. Ne do të vazhdojmë të punojmë me ju për një paqe të drejtë dhe të qëndrueshme.”

Reagime të tjera:
Pedro Shancez – Kryeministër i Spanjës
“Ukrainë, Spanja është me ty!”

Donald Tusk – Kryeministër i Polonisë
“I dashur Zelensky, e dashur Ukrainë, nuk jeni vetëm!”

Emmanuel Macron – President i Francës
“Ne duhet t’i respektojmë ata që kanë qenë duke luftuar në prej fillimit!”

Jonas Gahr Støre – Kryeministër i Norvegjisë
“Ne qëndrojmë pranë Ukrainës në luftën e saj të drejtë për një paqe të drejtë dhe të qëndrueshme.”

Ulf Kristersson – Kryeministër i Suedisë
“Suedia qëndron me Ukrainën. Ju nuk po luftoni vetëm për lirinë tuaj, por edhe për të gjithë Evropën. Slava Ukraina!”

Gitanas Nauseda – President i Lituanisë
“Ukrainë, nuk do të ecësh kurrë vetëm.”

Simon Harris – Ministër i Jashtëm i Irlandës
“Ukraina nuk është fajtore për këtë luftë të shkaktuar nga pushtimi i paligjshëm i Rusisë. Ne qëndrojmë me Ukrainën.”

Dick Schoof – Kryeministër i Holandës
“Holanda vazhdon të mbështesë Ukrainën. Sidomos tani. Ne duam paqe të qëndrueshme dhe një fund të luftës së agresionit që ka nisur Rusia. Për Ukrainën, për të gjithë banorët e saj dhe për Evropën.”

Olaf Scholz – Kancelar i Gjermanisë
“Askush nuk dëshiron paqe më shumë se qytetarët e Ukrainës! Kjo është arsyeja pse ne po punojmë së bashku për të gjetur një mënyrë për një paqe të qëndrueshme dhe të drejtë. Ukraina mund të mbështetet te Gjermania – dhe te Evropa.” Zoom.al/

Përplasja e paprecedentë/ Reagojnë Trump e Zelensky, çfarë thonë dy presidentët

Dy presidentët, Trump dhe Zelensky reaguan pas përplasjes së ashpër që ka marrë vëmendjen e gjithë botës.

Zelensky bëri një postim në rrjetet sociale ku falenderoi Shtetet e Bashkuara të Amerikës dhe theksoi se Ukraina ka nevojë për garanci sigurie dhe një paqe të qëndrueshme dhe afat gjatë.

Edhe Trump reagoi në rrjetet sociale ku tha se shumë u folën dhe u kuptuan nga biseda në Shtëpinë e Bardhë. AI tha se Zelensky nuk është i gatshëm për armëpushim nëse Amerika është e përfshirë sepse mendn se përfshirja e SHBA-ve i jep atij avantazhe në negociata.

“Unë nuk dua avantazhe, unë dua PAQE. Ai nuk respektoi Shtetet e Bashkuara të Amerikës në Zyrën Ovale. Ai mund të kthehet kur të jetë gati për paqe.”- tha Trump. Zoom.al/

Përplasja Trump-Zelensky/Nis “festa” në Rusi: Si nuk e goditën në fytyrë?!

Duket se në Rusi ka nisur festa pas përplasjes së ashpër të presidentit ukrainas Volodymir Zelenksy me presidentin amerikan Donald Trump dhe zëvendësin e tij JD Vance në Zyrën Ovale.

Në një reagim të menjëhershëm në rrjetet sociale, zëdhënësi i Ministrisë së Jashtme ruse shkroi: Si u përmbajtën Trump dhe Vance dhe nuk e goditën atë (Zelenksyn) në fytyrë? Kjo ishte një përmbajtje e mrekullueshme!

Ndërsa ish-presidenti rus Dimitry Medvedev bëri një tjetër postim abuziv ku shkruante se Zelensky mori një shuplakë mëse të merituar në Zyrën Ovale.

Të tjerë, e quajtën histroike atë çfarë ndodhi përpara kamerave dhe nuk ishte parë kurrë më parë në Zyrën Ovale. Zoom.al/

“Tërmet” në Uashington/ Zelensky largohet nga Shtëpia e Bardhë pas përplasjeve të forta me Trump

Vizita e presidentit ukrainas Volodymyr Zelenskyy në Shtëpinë e Bardhë është ndërprerë pasi ai pati një bisedë gazi në përplasje të ashpër me presidentin amerikan Donald Trump dhe zëvendëspresidentin JD Vance, të cilët e akuzuan atë për sjellje “mosrespektuese” gjatë bisedimeve të tyre në Zyrën Ovale.

Përmes mediave sociale, Trump tha se Zelenskyy “nuk është gati për paqe nëse përfshihet Amerika, sepse ai mendon se përfshirja jonë i jep atij një avantazh të madh në negociata”, dhe tha se lideri ukrainas “nuk i respektoi Shtetet e Bashkuara të Amerikës në Zyrën e Ovale”. “Ai mund të kthehet kur të jetë gati për paqe”, shtoi ai.

Në bisedimet e tyre të mëparshme, Trump i tha në mënyrë të përsëritur Zelenskyy-t se ai “po luante bixhoz me jetët e miliona njerëzve, me luftën e tretë botërore” dhe i tha atij të ndalonte së kërkuari garanci të mëtejshme sigurie duke thënë se “ti ose do të bësh një marrëveshje ose do të jemi jashtë”.

Trump duket se ka tërhequr ekuivalencë të rreme midis dy palëve të luftës dhe duke u pozicionuar “si për Ukrainën ashtu edhe për Rusinë” ndërsa ndjek një marrëveshje paqeje, në kontrast të plotë me komentet e Zelenskyy për Putinin si një “vrasës” dhe “terrorist” që pushtoi Ukrainën dhe me të cilin ai nuk ishte gati të bënte kompromis në territorin ukrainas.

Dyshja u përplasën vazhdimisht për pikëpamjen e tyre për Rusinë dhe negociatat, si dhe për shtrirjen e mbështetjes evropiane për Ukrainën.
JD Vance gjithashtu akuzoi në mënyrë të rreme Zelenskyy se nuk falënderoi SHBA-në për mbështetjen e saj dhe “fushata për opozitën në tetor”, në vend që të tregojë “fjalë vlerësimi për SHBA-në dhe presidentin që po përpiqet të shpëtojë vendin tuaj”.

Zelenskyy është larguar nga Shtëpia e Bardhë pak çaste më parë, ku është anuluar edhe konferenca për shtyp mes dy liderëve, ku pritej të nënshkruanin një marrëveshje për mineralet.

Meksika i dorëzon autoriteteve amerikane bosët e drogës

Meksika dorëzoi të enjten figura të njohura të botës së krimit tek autoritetet amerikane, pjesë e një ekstradimi të beftë që përfshiu rreth 30 të dënuar me burg apo të tjerë në paraburgim, të akuzuar për lidhje me kartelet e dhunshme të drogës.

Disa janë drejtues të hershëm bandash, që mbretëruan mbi rrjetet ndërkombëtare të trafikut të kokainës dhe heroinës dekada më parë. Të tjerë, drejtues shumë më të rinj, të angazhuar kohët e fundit në trafikimin e sasive të mëdha të fentanilit vdekjeprurës drejt SHBA-ve.

Autoritetet meksikane konfirmuan se zyrtarët i dorëzuan SHBA-ve 29 figura të njohura të karteleve të drogës. Vendimi vjen pas kërcënimeve të vazhdueshme të Presidentit Donald Trump për të vendosur tarifa ndaj gjitha mallrave meksikane, që siç tha ai sot (e enjte) do të hyjnë në fuqi më 4 mars.

Ky është ekstradimi më i pazakontë dhe më i madh ndër vite ndërmarrë nga Meksika.

Prokurorja e Përgjithshme Pamela Bondi, në një deklaratë me shkrim, konfirmoi se Shtetet e Bashkuara kishin marrë në dorëzim 29 figura të botës së krimit.

Të paktën dy prej tyre – përfshirë Rafael Caro Quinteron, i cili dyshohet si një nga përgjegjësit për vrasjen e një agjenti amerikan kundër narkotikëve në vitin 1985 – do të dalë të premten para gjykatës federale në Bruklin, sipas një personi në dijeni të çështjes.

Po kështu u dorëzuan emra të tjerë të trafikut të drogës, si Antonio Oseguera Cervantes – vëllai i bosit më të kërkuar të drogës në Meksikë, Nemesio Oseguera Cervantes, i cili drejton kartelin më të fuqishëm ‘Jalisco New Generation’.

Autoritetet amerikane kishin ofruar një shpërblim prej 15 milionë dollarësh për çdo informacion që çonte në arrestimin e Nemesios, i njohur si “El Mencho”.

Autoritetet amerikane thonë se ‘Jalisco New Generation’ është një nga dy bandat kryesore meksikane të drogës, së bashku me kartelin famëkeq ‘Sinaloa’, përgjegjës për futjen e fentanilit në SHBA gjatë viteve të fundit.

Një figurë e rangut të lartë në krahun e kartelit ‘Sinaloa’ të udhëhequr nga djemtë e Joaquin “El Chapos” Guzman Loera, Jose Angel “El Guerito” Canobbio, ishte gjithashtu në mesin e atyre që u dorëzuan nga autoritetet meksikane.

Ekstradimi masiv shënon një përshkallëzim të ndjeshëm krahasuar me vitet e kaluara.

Mes viteve 2019 dhe 2023, Meksika i ka dorëzuar SHBA-ve mesatarisht rreth 65 të dyshuar për krime në vit, sipas të dhënave të siguruara nga një zyrtar amerikan./ Zëri i Amerikës

VIDEO/ Trump kërcënon Zelenskyn: Ose firmos marrëveshjen, ose…

Takimi mes presidentit të SHBA-së, Donald Trump, presidentit ukrainas, Volodymir Zelensky dhe zëvendëspresidentit amerikan, JD Vance në Shtëpinë e Bardhë u shoqërua me tensione.

Sipas mediave të huaja, gjatë bisedës për marrëveshjen për mineralet në Zyrën Ovale, Zelensky shprehu pakënaqësitë e tij, ndërsa JD Vance i kujtoi se nuk ka treguar mirënjohje.

JD Vance: Ne e pamë Joe Biden dhe fjalët e Presidentit të Shteteve të Bashkuara kishin më shumë rëndësi sesa veprimet e Presidentit të Shteteve të Bashkuara. Ajo që e bën Amerikën një vend të mirë është angazhimi i Amerikës në diplomaci. Kjo është ajo që po bën Presidenti Trump.

Zelensky: Putini theu vazhdimisht marrëveshjet e mëparshme të rëna dakord me vendet e tjera. Pra, për çfarë lloj diplomacie, po flisni, JD?

JD Vance: A keni thënë faleminderit një herë?

Donald Trump: Ju po luani bixhoz me Luftën e Tretë Botërore, duhet të jeni mirënjohës. Ose duhet të bëni një marrëveshje, ose SHBA do të largohet.

Ne po përpiqemi të zgjidhim një problem. Mos na tregoni se çfarë duhet të ndiejmë, sepse nuk jeni në gjendje ta diktoni atë saktësisht. Ju nuk jeni në gjendje të diktoni se çfarë do të ndjejnë ukrainasit.

Tani nuk je në një pozicion shumë të mirë. Nuk keni kartat kundër nesh, do iu fillojnë problemet që tani.

HOLY SHIT! Trump tells President Zelensky he is gambling with World War III and Vance demands thanks.

I’m so ashamed of America— fuck you, Krasnov! pic.twitter.com/vzqfvbB3ft

— Outspoken™️ (@Out5p0ken) February 28, 2025

Mos harroni çadrat në fundjavë! Shi në të gjithë vendin

Paqëndrueshmëria atmosferike do të vijojë edhe për fundjavën.

Moti parashikohet me vranësira mesatare deri të dendura, alternime kthjellimesh, si dhe reshje shiu të herëpashershme.

Për ditën e shtunë, prezencë e reshjeve të herëpashershme të shiut me intensitet të ulët nga orët e mesditës kryesisht përgjatë vijës bregdetare për tu izoluar më pas në zonën e veriperëndimit.

Për sa i përket ditës së diel, reshjet e herëpashershme të shiut me intensitet të ulët parashikohen të jenë prezente që në orët e para të ditës në pjesën më të madhe të territorit.

Në zonën e veriperëndimit reshjet e herëpashershme të shiut parashikohen të jenë me intensitet të ulët e lokalisht mesatar, ndërsa në pjesën tjetër të territorit reshje shiu të herëpashershme me intensitet të ulët të karakterit lokal.

Prezencë të mjegullës së dendur, mjegullinës në zonat luginore në orët e mëngjesit e të mbrëmjes si dhe në momentin e reshjeve.

Era do të fryjë me drejtim juglindje –jugperëndim me shpejtësi mesatare deri në 8m/s, ndërsa përgjatë vijës bregdetare e lugina era fiton shpejtësi deri në 10m/sek.