Day ArchiveEdhe Kanadaja pezullon tarifat me SHBA. Zbulohet pakti Trump-Trudeau

Tarifa e propozuar e Donald Trump për mallrat kanadeze “do të ndalet për të paktën 30 ditë”, shkroi kryeministri kanadez, Justin Trudeau në X.

Njoftimi i tij vjen pas telefonatës së dytë me Trump gjatë ditës së sotme.

Në këmbim të shtyrjes së tarifave, Kanadaja do të investojë në sigurinë kufitare, do të krijojë një “Forcë të Përbashkët Sulmuese Kanada-SHBA për të luftuar krimin e organizuar, kontrabandën e fentanilit dhe pastrimin e parave” dhe do t’i bashkohet SHBA-së në emërimin e karteleve meksikane si grupe terroriste, tha Trudeau.
“Unë kam nënshkruar gjithashtu një urdhër të ri të inteligjencës për krimin e organizuar dhe fentanilin, dhe ne do të investojmë 200 milionë dollarë”, shtoi lideri kanadez.

Një javë shumë e mirë ka nisur për këto shenja të horoskopit

Jini të butë me veten këto ditë.

Merrni hapa të vegjël dhe punoni drejt arritjes së qëllimeve tuaja. Gabimet janë normale, por trajtimi i tyre si fatal vetëm për të shpëtuar krenarinë do t’ju pengojë të kuptoni se çfarë duhet të bëni për t’u bërë më të mirë. Përfitoni nga mundësitë që keni, edhe nëse keni nevojë të kërkoni ndihmë.

Jini të sigurt se ajo që ju nevojitet do të jetë aty për ju. Marrëdhëniet tuaja shkëlqejnë gjatë gjithë javës. Dëgjoni më shumë dhe komunikoni me të tjerët me qetësi dhe durim. Të dëgjuarit është një aftësi që zhvillohet me praktikë. Jini të durueshëm dhe kini besim në veten tuaj.

Bricjapi

Vlera juaj e vërtetë dhe zhvillimi i fuqisë janë në fokus këtë javë. Një mundësi e shkëlqyer mund të vijë direkt në pragun tuaj nga e hëna në të mërkurë, ndaj mos e sabotoni veten me pasiguri. Ju mund të mësoni, të rriteni dhe të lulëzoni nëse besoni në veten tuaj. Në mesjavë, përqendrohuni te marrëdhëniet, veçanërisht nëse keni ngjarje të rëndësishme në jetën tuaj, të tilla si një martesë, baby shower ose ceremoni fejese gjatë fundjavës. Jini më të kujdesshëm dhe të qetë dhe do të shihni se si do të pasuroni kujtimet dhe përvojat tuaja gjatë rrugës.

Ujori

Bëni më të mirën për të arritur qëllimet tuaja dhe besoni veten. Proceset mund të mos apelojnë për të gjithë ose të jenë të panjohura për ju, por mbështetuni në atë që funksionon më mirë për ju. Presioni nga ata përreth jush do të ketë sukses vetëm t’ju mbajë prapa dhe të ngadalësojë përparimin tuaj. Besoni vetes për të fituar respektin dhe admirimin e të tjerëve. Jeni duhet të jeni më të qetë në gjysmën e dytë të javës. Kjo do t’ju lejojë të shmangni lodhjen. Kur është e mundur, kaloni kohë cilësore me miqtë, familjen dhe të dashurit – do t’ju ndihmojë.

Nuk jemi dot as sa Prishtina!

Kryeministri Kurti ka publikuar sot projektin fitues për ndërtimin e Teatrit të Operës dhe Baletit në Prishtinë, i cili dukshëm qëndron shumë larg atij që po ngrihet në qendër të Tiranës.

Pa kulla, pa polemika, pa dëmtuar trashëgiminë dhe pa krijuar skena dhune, kështu do të jetë qendra e re kulturore që do të ndërtohet në zemër të kryeqytetit të Kosovës.

Edhe pse të projektuar nga i njëjti arkitekt me famë botërore, Bjarke Ingels, dy godinat e reja artistike bëjnë një diferencë miliona euroshe në çmim.

Vetëm dy milionë e 400mijë euro do të kushtojë projekti që ka zgjedhur qeveria e kryeministrit Albin Kurti ndërsa i Tiranës plot 30milionë euro.

Kjo besohet që u është përshtatur kërkesave të secilës palë./ Zoom.al

FOTO/ Zbulohet i dashuri misterioz i Danjës

Redin Xheli besohet se është i dashuri mmisteripz i konkurentes së BBV, Danja Koka.

Dyshimet janë ngritur pasi vetë Redin ka nxjerrë në instagram një foto me modelen.

Në imazhin që po qarkullon, Danja dhe Redini shfaqen së bashku në Dubai, duke shijuar pushimet, çka ka shtuar aludimet se ai mund të jetë personi që ajo ka përmendur si partnerin që e pret jashtë.

Danja vetë ka pohuar brenda shtëpisë së “BBVIP” se ka dikë që e pret jashte, por a bëhet fjalë për Redinin apo për një tjetër person? Kjo mbetet ende e paqartë, ndërsa fotoja ka shkaktuar reagime të shumta në rrjet. Tifozët e reality show-t po presin me kureshtje nëse ajo do të japë një shpjegim për këtë pas daljes nga formati.

 

Pas skandalit/ Chiara Ferragni kërkon 1.1milionë euro dëmshpërblim

Blogerja italiane, Chiara Ferragni ka paralajmëruar me pasoja ligjore Fabrizio Corona pas zbulimeve të tij mbi jetën private të saj.

Corona ka shpërthyer në një polemikë të re me influenceren, pasi ka bërë disa deklarata të rënda mbi marrëdhënien e saj me Fedez. Sipas informacioneve, Corona ka zbuluar detaje të jetës së Ferragni që lidhen me marrëdhënien e saj personale, duke i atribuar asaj sjellje jashtëmartesore dhe duke shkelur privatësinë e saj.

Në një postim në Instagram, Corona ka treguar se ka marrë një paralajmërim nga avokatin e Ferragni, Giuseppe Iannacone, i cili i ka kërkuar të ndalojë publikimin e episodit të ri të “Falsissimo” që bazohet në këto zbërthime. Avokati ka theksuar se kjo do të ishte një shkelje e marrëveshjes private të nënshkruar në shtator 2023, e cila ndalon Corona-n të bëjë komente, vlerësime apo deklarata fyese ndaj jetës private të Ferragni.

Marrëveshja parashikon një dëmshpërblim prej 100 mijë euro për çdo shkelje të mundshme, që mund të arrijë deri në 1.1 milionë euro. Nëse Corona vazhdon të shkelë marrëveshjen, Ferragni mund ta çojë çështjen në gjykatë për të kërkuar dëmshpërblim.

Grenell del hapur kundër Kurtit, votuesve: Mos u mashtroni prej tij

I dërguari i shtetteve të bashkuara për Misione të Posaçme Richard Grenell, ka lëshuar një deklaratë kritikuese ndaj kryeministrit të Kosovës Albin Kurti ndërsa, subjektet politike kanë hyrë në javën e fundit të fushatës elektorale.

Përmes një shëimi në rrjetet sociale, Grenell e ka cilësuar kryeministrin Kurti dhe qeverinë e tij një partner jot ë besueshmë për administratën e Presidentit Trump.

“Administrata ‘Trump’ ka punuar dhe do të vazhdojë të punojë drejt paqes për të gjithë në Ballkan. Por ne kemi nevojë për partnerë të besueshëm. Qeveria ‘Kurti’ nuk ishte e besueshme as gjatë mandatit të parë të Trump, as gjatë mandatit të Bidenit. Si republikanët ashtu edhe demokratët e kanë kritikuar vazhdimisht Kurtin për ndërmarrjen e veprimeve të njëanshme që destabilizojnë rajonin.”- tha emisari amerikan.

Grenell shprehet më tej se e gjithë bashkësia ndërkombëtare, përfshirë BAshkimin Europian dhe Naton, janë të bashkuar kundër Albin Kurtit.

“Kompanitë amerikane po zgjerohen në Shqipëri dhe Serbi, por nuk po zgjerohen në Kosovë për shkak të Kurtit. Kurti ka qenë gjithashtu kundër çdo ideje amerikane të ofruar nga presidentët Clinton, Bush, Obama, Biden dhe Trump. Retorika e përdorur nga Kurti tani, duke pretenduar se është i afërt me SHBA-në dhe më mirë se të gjitha qeveritë e tjera të Kosovës, është absolutisht e rreme. Mos u mashtroni.”- thuhej më tej në reagimin e tij.

Qeveria e kryeminstrit ALbin Kurti është kritikuar herë pas here për krisje të marrëdhënieve me partnerët perëndimorë kryesisht për shkak të mosangazhimit në nivelet e kërkuara ndaj procesit të dialogut me Serbinë, por jo vetëm.

Ndërkohë të dielën, qytetarët e Kosovës do të vendosin përmes votës, se kush do të udhëheq vendin për katër vitet e ardhshme.

Vizita e parë jashtë shtetit/ Berisha thirrje shqiptarëve në Gjermani

Kryetari i PD-së Sali Berisha ishte pjesë e konventës zgjedhore të Unionit Kristian Demokrat, CDU më Gjermani në vizitën e parë jashtë vendit qëë nga rikthimi në krye të partisë.

Berisha u takua me kreun e CDU Merz ndërsa shfrytëzoi rastin për ti’i drejtuar një thirrje shqiptarëve.

“E shfrytëzoj këtë rast për të ju bërë thirrje shqiptarëve në Gjermani, që në zgjedhjet e përgjithshme të Shkurtit të votojnë CDU-në dhe kancelarin Merz, si zgjedhjen në interesin më të mirë të vendit ku jetojnë, por edhe të shqiptarëve në Shqipëri dhe kudo në botë. Pas fitores së republikanëve në SHBA, fitorja e CDU-së në Gjermani, do të thotë defakto largimin e të majtës nga skartierja evropiane dhe shqiptare.”- tha Berisha.

Rubio merr kontrollin/ Çfarë do të ndodhë me USAID-in

Sekretari amerikan i Shtetit, Marco Rubio, ka marrë postin e ushtruesit të detyrës të drejtorit të Agjencisë të Shteteve të Bashkuara për Zhvillim Ndërkombëtar (USAID).

“Unë jam ushtruesi i detyrës së drejtorit të USAID-it. Ai kam deleguar atë autoritet dikujt. Unë jam në komunikim me të”, tha Rubio më 3 shkurt gjatë një deklarimi për media gjatë vizitës në El Salvador.

Kryediplomati amerikan nuk tregoi se kujt ia ka deleguar këtë përgjegjësi.

Rubio tha se ka shumë funksione të USAID-it “që do të vazhdojnë” dhe ato, sipas tij, do të jenë pjesë e politikës së jashtme amerikane, por “duhet të jenë në linjë me politikën e jashtme amerikane”.

“E kam thënë shumë qartë gjatë seancave dëgjimore për konfirmimin tim se çdo dollar që shpenzojmë, çdo program që financojmë, ai program do të jetë në linjë me interesat kombëtare të SHBA-së. USAID-i ka një histori të injorimit të kësaj dhe ka vendosur që, disi është një organizatë bamirëse globale, e ndarë nga interesat kombëtare. Këto janë para të taksapaguesve”, deklaroi kryediplomati amerikan.

Mediat në SHBA kanë raportuar ditëve të fundit se administrata e presidentit amerikan, Donald Trump, duket se po mbyll USAID-in, në kuadër të një morie masash për shkurtime të shpenzimeve qeveritare.

Organizatat humanitare ndërkombëtare kanë paralajmëruar se një vendim i tillë mund të ketë pasoja katastrofike.

Në krye të nismës për mbylljen e Agjencisë së Shteteve të Bashkuara për Zhvillim Ndërkombëtar (USAID) është Elon Musk, i emëruari i Trumpit për ulje të shpenzimeve qeveritare.

Musk pretendon se administrata mund t’i ulë shpenzimet për 1 trilion dollarë, dhe gjithë lëvizjen e tij e përshkruan si betejë kundër korrupsionit.

Punëtorët e USAID-it kanë pranuar një njoftim se selia e agjencisë në Uashington do të jetë e mbyllur për personelin, më 3 shkurt, “me vendim të udhëheqjes së agjencisë”, kanë raportuar mediat amerikane, si CNN dhe Associated Press, duke cituar disa burime të veta.

Radio Evropa e Lirë e ka kontaktuar Ambasadën amerikane në Prishtinë për të kuptuar nëse një kërkesë e njëjtë i është bërë edhe stafit të USAID-it në Prishtinë, por nuk ka marrë përgjigjje deri në publikimin e tekstit.

Uebfaqja kryesore e USAID-it, agjenci që sipas të dhënave të Organizatës së Kombeve të Bashkuara ofron më shumë se 40 për qind të të gjithë ndihmës humanitare në botë, ka qenë jashtë funksionit, ndërsa vetë Trump ka pretenduar se agjencia është “udhëhequr prej një grupi të çmendurish radikalë”.

“Jemi duke i larguar ata dhe do të marrim një vendim”, për të ardhmen e USAID-it, u ka thënë ai gazetarëve, më 2 shkurt.

Komentet e Trumpit pasojnë raportimet e mediave, si CNN dhe Reuters, se dy zyrtarë të lartë të sigurisë së USAID-it janë pushuar përkohësisht nga puna, pasi kanë tentuar t’i parandalojnë përfaqësuesit e Departamentit për Efikasitet Qeveritar (DOGE) që të kenë qasje në sistemet kompjuterike të agjencisë.

DOGE është organizatë e themeluar nga Trumpi dhe e udhëhequr nga Musku.

Vetë Musk e ka përshkruar USAID-in si “organizatë kriminale”, dhe ka thënë se është “koha që ajo të shuhet”, ndonëse agjencia menaxhon dhjetëra miliarda dollarë që miraton Kongresi amerikan si ndihmë jashtë kufijve të SHBA-së.

Një grup i demokratëve në Komitetin e Senatit për Marrëdhënie me Jashtë i ka dërguar më 2 shkurt një letër sekretarit amerikan të Shtetit, Marco Rubio, duke shprehur “shqetësim të thellë” lidhur me veprimet e administratës Trump, e cila është duke shënjuar një agjenci që, sipas tyre, është themeluar “për të garantuar që mund të dërgojmë ekspertizë zhvillimore dhe ndihmë përtej kufijve shpejt, sidomos në periudha krizash, për t’i arritur synimet tona për siguri kombëtare”.

Departamenti amerikan i Shtetit, nën udhëheqjen e Rubios, ka marrë vendim, më 24 janar, për t’i ngrirë frondet e reja për pothuajse të gjitha programet për asistencë të huaj, në kuadër të zotimeve të Trumpit për të pasur çdo program në linjë me politikën e tij të jashtme.

Rubio, pasi ka marrë detyrën, muajin e kaluar, ka thënë se “çdo dollar që shpenzojmë, çdo program që financojmë, dhe çdo politikë që ndjekim, duhet të justufikohet me përgjigje ndaj tri pyetjeve të thjeshta: A e bën Amerikën më të sigurt? A e bën Amerikën më të fortë? A e bën Amerikën më të begatë?”.

Në urdhrin ekzekutiv të Trumpit është bërë thirrje për pauzë 90-ditore në gjithë ndihmën, me qëllim të vlerësimit të efikasitetit dhe “konsistencës që ka ndihma me politikën e jashtme amerikane”. Urdhri, megjithatë, i mundëson Rubios që të bëjë përjashtime të vogla për “programe specifike”.

Grupet humanitare dhe organizatat joqeveritare në gjithë botën kanë ngritur shqetësime për fatin e USAID-it, pas urdhrit ekzekutiv të Trumpit.

Sizmiologët japin alarmin: Tërmetet në Santorini do të vazhdojnë për disa ditë

Santorini po përjeton valë sizmike gjatë orëve të fundit, me më shumë se 500 lëkundje të regjistruara.

Në kushtet kur banorët dhe turistët po boshatisin ishullin, sizmiologët kanë paralajmëruar se tërmetet do të vazhdojnë edhe gjatë ditëve në vijim.

Madje, sipas sizmiologëve, lëkundjet sizmike në orët e ardhshme mund të jenë edhe më të fuqishme.

“Aktiviteti sizmik që po zhvillohet tani pranë Amorgos do të zgjasë nga disa ditë në javë, duke ruajtur të njëjtat përmasa. Duhen mijëra vjet për të mbushur përçarjen. Mund të regjistrohen tërmete me magnituda më të mëdha se 5 Rihter. Njerëzit nuk duhet të shqetësohen, pasi nuk do të shohim një tërmet si ai i vitit 1956”, tha profesori i Gjeologjisë në Universitetin e Athinës, Efthymios Lekkas.

Linjat ajrore, mes protestave për rritjen e çmimit të biletave, kanë planifikuar fluturime urgjente, ndërkohë që edhe anijet nisen nga ishulli me kapacitet të plotë.

Si pasojë e radhëve të gjata të makinave, rrugët janë bllokuar për orë të tëra.

PAMJET/ Dhunë brutale ndaj Luiz Ejllit në një klub nate?

Në rrjet po qarkullon një video, ku një person dhunohet brutalisht në njl klub nate.

Sipas mediave, personi që goditet me grushta, shkelma dhe karrige në video është këngëtari Luiz Ejlli.

Ai që dhunohet është i veshur me të bardha dhe me flokë të lyer dhe sulmohet nga disa persona.

Por ky lajm është hedhur poshtë nga Luiz Ejlli.

Ai akuzoi portalet për përhapjen e informacioneve të pavërteta me qëllim njollosjen e tij dhe familjes së tij.

“Kishte dalë një video mbrëmë ku supozohet se unë jam rrahur në një klub. E lashë një herë me qëllim se doja të shihja a kanë dalë portale të reja që kanë qejf të hedhin baltë mbi mua dhe familjen time. Në të vërtetë, ishin shumë. Janë shtuar!”, tha Luiz Ejlli, duke shprehur indinjatën e tij.

Më tej, ai tregoi se edhe nëna e tij ishte shqetësuar nga ky lajm i rremë.

“Më mori nëna në telefon dhe tha: ‘Ka dalë një lajm, çfarë është ai lajm? Por, kur e pashë videon, e pashë që nuk ishe ti. Po çfarë janë këto lajme të pista, mor nënë?’”, tha Luiz Ejlli.