Day ArchiveBitcoin kalon sërish çmimin e 100 mijë dollarëve

Bitcoin ka kaluar sërish nivelin e 100 mijë dollarëve, disa javë pas fitores së Donald Trump.

Kriptomonedha më e madhe në botë u rrit me 2% brenda pak orëve dhe u tregtua me 102.6 mijë dollarë.

Lëvizjet pasojnë një raport të Bloomberg të enjten vonë se Trump mund të krijojë këshillin këshillues të kriptove që ai premtoi më parë, duke i dhënë industrisë një zë brenda administratës së tij. Një rezervë e Bitcoin është pjesë e diskutimeve rreth një urdhri të mundshëm ekzekutiv që do të mbulonte disa fusha të politikës së kriptove, raportoi ‘New York Times’ të njëjtën ditë.

Bitcoin është tregtuar ngushtë me aksionet deri më tani këtë vit. Ka qenë në modalitetin e konsolidimit që nga fundi i dhjetorit, kur kryetari i Rezervës Federale, Jerome Powell dha një alarm inflacioni që u qetësua këtë javë pas dy raporteve të lezetshme të inflacionit të dhjetorit. ETF-të e Bitcoin kanë parë më shumë se 1 miliard dollarë hyrje në dy ditët e fundit.

Investitorët presin që çdo njoftim nga administrata e ardhshme javën e ardhshme të dërgojë Bitcoin më të lartë – potencialisht në një rekord të ri. Pritshmëritë e rritura vijnë pas paralajmërimeve nga Wall Street këtë muaj se megjithëse një Kongres pro-kriptove dhe Shtëpia e Bardhë në vitin 2025 është e sigurtë se do të jetë mbështetëse për inovacionin në industri dhe klasën e aseteve, mund të duhet pak kohë përpara se tregu të ndjejë ndikimin.

“Administrata e re dhe një kryetar i ri i SEC hapin derën për mundësi të reja në inovacionin e kriptomonedhave”, tha analisti i JPMorgan Kenneth Worthington në një shënim këtë javë.

Megjithatë, shtoi ai, “ne nuk e shohim një valë tjetër të lançimit të kriptomonedhave si produkt i tregtuar bursë, si kuptimplotë për ekosistemin e kriptove duke pasur parasysh kapitalizimin shumë më të vogël të tregut të argumenteve të tjerë dhe interesin shumë më të ulët të investitorëve”.

Rekordi i Bitcoin është 108 mijë dollarë, nga 17 dhjetori. Është rritur 9% në 2025./CNBC

Zv. kryeministri kroat qëllon me armë nga makina dhe nis të këndojë, nisin hetimet pas videos Egli “vë me shpatulla pas murit” Gjestin: Çfarë ndjen për mua? Këngëtari: Nuk gënjej dot…

Ditën e djeshme Gjesti dhe Egli Tako sqaruan raportin mes tyre.

Ishte Egli ajo e cila donte të dinte se nëse Gjesti kishte pëlqim për të, por mesa duket sqarimi e la pak të hidhur situatën mes tyre.

Gjesti i tha se nuk ka pëlqim, por e respekton shumë.

Biseda mes tyre:

Egli: Çfarë ndjen ti për mua?

Gjesti: Kurrgjë

Egli: Asgjë

Gjesti: Jo, thjesht më respekton shumë dhe kam qef të rri me ty. Me ndje ndonjë gjë nuk ndjej, ndihem mirë me ty, mi kupton fjalët.

Egli: E kuptoj, po janë folur disa gjëra, ku qëndron ti? Ke qenë në ndonjë moment serioz në ato gjëra që ke thënë, apo ke qenë duke bërë shaka. Njeriu kur bisedon me dikë, percepton. Ta kam thënë, nëse perceptoj dicka gabim, ma thuaj. Tani të pyes hapur. Kush jam unë në sytë e mi, çfarë ndjen? Nuk po them dashuri, po çfarë ndjen?

Gjesti: Nuk rrej dot, nuk ndjej

Egli: Asnjëri prej nesh nuk ndjen. Të gjithë të tjerët kanë perceptuar dicka tjetër. Që ti më ke qejf mua

Gjesti: Të kam qef, po në senet e tjera…

Egli: Si motër? Më ke thënë që të ngjaj si motra, më sheh si një motër

Gjesti:Me gjestet që i bën, ngjan me motrën time.

Egli: A është e mundur që ta nisim dhe njëherë nga e para momentin që tik e hyrë këtu?

Gjesti: Po nise moj, nuk është problem, nuk është më asgjë si në fillim

EMRI/ Kjo është e reja që vdiq në Berat. La pas fëmijën 2-vjeç

Lavia Gjata është 30-vjeçarja që u përplas për vdekje nga një mjet me drejtues 25-vjeçarin A.Tafa, teksa ishte duke ecur me fëmijën e saj.

Nga aksidenti, fëmija 2-vjeçar shpëtoi pa lëndime. Drejtuesi i automjetit ndodhet i shoqëruar në ambientet e Policisë për veprime të mëtejshme procedurale.

Njoftimi i policisë:

Grupi hetimor ndodhet në vendin e ngjarjes dhe vazhdon veprimet hetimore për zbardhjen.

Rreth orës 18:35, në aksin rrugor “Berat-Dimal”, në Moravë, shtetasi A. T., 25 vjeç, duke drejtuar automjetin e tij ka aksidentuar shtetasen L. Gj., 30 vjeçe dhe fëmijën e saj 2 vjeç, (këmbësorë).

Shtetasja L. Gj., si pasojë e plagëve të marra ka ndërruar jetë, ndërsa fëmija i saj nuk ka probleme për jetën.

Drejtuesi i automjetit ndodhet i shoqëruar në ambientet e Policisë për veprime të mëtejshme procedurale.

Grupi hetimor ndodhet në vendin e ngjarjes dhe vazhdon veprimet hetimore për zbardhjen

A ndikon stresi te dëshira seksuale?! Ja si ta menaxhoni

Stresi është një ndër sfidat më të zakonshme të jetës moderne dhe mund të ndikojë ndjeshëm në shumë aspekte të jetës, përfshirë edhe jetën seksuale. Shumë njerëz e ndiejnë që pas një dite të ngarkuar dhe stresuese, dëshira seksuale bie ndjeshëm. Por si ndikon konkretisht stresi dhe çfarë mund të bëni për ta menaxhuar?

Si ndikon stresi te dëshira seksuale?

Hormonet e stresit: Kur jeni të stresuar, trupi çliron hormonin kortizol dhe adrenalinë, të cilat mund të ulin nivelet e hormoneve seksuale si testosteroni, duke reduktuar dëshirën seksuale.

Përqendrimi në problemet: Mendja e fokusuar te shqetësimet e përditshme e ka të vështirë të angazhohet në momente intime.

Pagjumësia dhe lodhja: Stresi shpesh ndikon në cilësinë e gjumit, duke e bërë trupin të lodhur dhe të paaftë për t’u angazhuar në intimitet.

Ndikimi emocional: Ndjenjat e ankthit dhe depresionit, që shpesh lidhen me stresin, mund të ndikojnë drejtpërdrejt në dëshirën për intimitet.

Si të menaxhoni stresin dhe të përmirësoni jetën seksuale?

1. Prioritizoni relaksimin

Gjeni kohë për t’u çlodhur çdo ditë. Praktikat si joga, meditimi dhe frymëmarrja e thellë mund të ndihmojnë në uljen e niveleve të stresit dhe rritjen e mirëqenies emocionale.

2. Flisni hapur me partnerin

Komunikimi është jetik. Ndarja e shqetësimeve dhe mbështetja nga partneri krijojnë një ambient të ngrohtë emocional, duke forcuar lidhjen dhe duke rikthyer intimitetin.

3. Mbani një stil jetese të shëndetshëm

Ushtrimet e rregullta fizike jo vetëm që ndihmojnë në uljen e stresit, por rrisin qarkullimin e gjakut dhe përmirësojnë humorin. Ushqimi i shëndetshëm dhe gjumi cilësor janë gjithashtu të rëndësishëm për energjinë dhe dëshirën seksuale.

4. Shmangni vetëkritikën

Stresi mund të shkaktojë pasiguri rreth performancës seksuale. Kujtojini vetes që është normale të përballeni me ulje të dëshirës dhe përqendrohuni në përmirësimin gradual të situatës.

5. Planifikoni kohë për intimitet

Nëse rutina e përditshme ju pengon, përpiquni të planifikoni momente intime. Një darkë romantike ose një pushim i shkurtër së bashku mund të jetë një mënyrë e shkëlqyer për t’u rilidhur.

6. Kërkoni ndihmë profesionale

Nëse stresi po ndikon rëndë në jetën tuaj seksuale dhe marrëdhënien me partnerin, mos hezitoni të kërkoni ndihmë nga një psikolog ose terapist seksual.

Stresi mund të jetë një pengesë e përkohshme për jetën seksuale, por nuk duhet të bëhet një problem afatgjatë. Me kujdesin dhe qasjen e duhur, mund të riktheni ekuilibrin emocional dhe intimitetin që keni me partnerin. Kujdesuni për veten dhe mos harroni që të bëni jetën seksuale një përparësi, edhe kur jeta bëhet e zënë.

Demokracia me cen

Nga Ilir Kalemaj

Nga demokracia hibride gjasat janë që një pjesë e vendeve të Ballkanit Perëndimor të rrëshqasin më tej drejt autoritarizmit konkurrues. Lëvizja e këtyre vendeve drejt këtij trendi ku dukshëm përfshihet dhe Shqipëria ka qenë në përpjesëtim të drejtë me propagandën mbi një formë bashkimi ballkanik, qoftë ky i quajtur fillimisht mini-Shengen apo Ballkan i Hapur, sinonime që në rastin më të mirë janë mbivendosje e CEFTA-s apo Procesit të Berlinit, në rastin më të keq përpjekje për të rikrijuar Jugosllavizmin e Ri nën hegjemoninë e Beogradit. Jo më kot, qysh prej ngjizjes, këto projekte u përballën me skepticizmin e Malit të Zi dhe Bosnje-Hervegovinës që kanë vite që ndjejnë mbi kurriz përpjekjet ruso-serbe për minim të sovranitetit të tyre në cdo formë dhe mënyrë, për mos të përmendur Kosovën, qëndrimi i klasës politike të së cilës është unanim në lidhje me këto projekte që duket se rivalizojnë perspektivën europiane të klubit të vendeve të Ballkanit Perëndimor.

Ka gjithashtu përkufizime të tjera që i referohen kufizimeve të imponuara nga politikat që janë miratuar (ose propozuar) nga partitë politike në qeveri me qëllim të qëndrimit në pushtet pafundësisht duke mbajtur zgjedhje konkurruese. Ky trend vijon të ndeshet në shumicën e këtyre republikave të kësaj mëhalle ballkanike, ku dukshëm bën përjashtim Kosova e cila ka realizuar zgjedhje të lira, me rezultat të pakontestuar dhe ka ditur të formojë si qeveri koalicioni, ashtu dhe qeveri një-ngjyrëshe si kjo e Kurtit katër vitet e fundit, duke ruajtur stabilitetin politik por pa kërcënuar demokracinë dhe shtetin e së drejtës. Një shembull dukshëm pozitiv krahasuar me Serbinë, Shqipërinë, Bosnje-Hercegovinën dhe vitet e fundit edhe Malin e Zi.

Forcimi i demokracisë hibride apo rrëshqitjes dhe më tej drejt një forme autoritarizmi që studiues të ndryshëm i janë referuar dhe me terma të ngjashëm, si “autoritarizëm elektoral” (Schedler 2013), “autoritarizëm konkurrues” (Levitsky and Way 2010) apo “demokraci me cen” (Merkel 2004) në fakt tregon se si duke përdorur teknika të ndryshme elektorale, autokratët e kësaj qosheje të Europës Juglindore kanë mundur të rezistojnë për dekada të tëra në pushtet. Manifestime të kësaj janë qëndrimi për mbi dy dekada në pushtet i Gjukanoviqit në Mal të Zi (por i zëvendësuar së fundmi nga një koalicion i përbërë me parti pro-serbe dhe afilacione pro-ruse), i Vuçiqit në Serbi, apo Edi Rama në Shqipëri që në total i bëhen rreth njëzet e katër vjet në pushtet (lokal dhe qendror) etj.

Shembuj empirikë të politikës iliberale që synojnë përbërësin elektoral të demokracisë, të identifikuar në vendet e Evropës Juglindore, përfshijnë ndër të tjera: kufizime ligjore ose fizike, të miratuara në pjesë të popullatës, të cilat kufizojnë të drejtën e tyre për të votuar ose për të kandiduar për detyra; ndryshime në rregullat elektorale në mënyrë që ata favorizojnë detyra; pengimi i regjistrimit të votuesve dhe shkelja e listave zgjedhore; zonat elektorale të rregulluara në mënyrë të tillë që prodhojnë një rezultat elektoral që qartazi favorizon njërën palë; kontrolli i partive politike i komisioneve zgjedhore; frikësimi dhe kufizimi i partive opozitare dhe kandidatëve të pavarur, qoftë ligjërisht, financiarisht ose fizikisht, dhe mbajtja e tyre nga votimi; ligje ose rregullore që penalizojnë kritikën e qeverisë publike ose diskutojnë tema të caktuara; ndalimet ose kufizimet e asamblesë dhe shoqatave publike dhe kufizime të tjera për lirinë e shprehjes; politikat dhe veprimet që synojnë pavarësinë editoriale, financiare dhe të personelit të mediave dhe gazetarëve dhe që censurojnë median ose çojnë në vetë-censurim; përdorimi i fondeve qeveritare për qëllime partizane dhe fushata; dhe preferencat e alokimit buxhetor që përputhen ngushtë me qëllimet partizane dhe strukturat e partisë, siç ka argumentuar për shembull Damir Kapidzić në një artikull shkencor që analizon vendet e rajonit.

Ndërsa këto janë vënë re nga matjet sasiore dhe cilësore në terren në vende si Serbia, Mal i Zi, Maqedonia e Veriut, Bosnja-Hercegovina apo Mali i Zi, në rastin e Shqipërisë e cila bashkë-ndan shumëçka u nënvizua më sipër, mund të shtojmë dhe përdorimin masiv të administratës së politizuar publike që është shtuar me rreth 12 mijë punësime nepotike dhe militanteske bash në prag fushatë zgjedhore, forma të shitblerjes së hapur të votave apo infiltrim të parave të pista dhe të trafiqeve për tjetërsim të rezultatit të votimit. Kulmi madje u arrit ku krimi i organizuar arrin të imponojë dhe renditjen e listës zgjedhore që qarqe të veçanta sic ishte Durrësi me rastin Çyrbja.

Mungesa e vendim-marrjeve si rezultat i vonesave të përligjura ose jo të gjykatave kushtetuese dhe të lartë, mungesa ose mangësia e institucioneve të tjera të rëndësishme ligjzbatuese, mungesa e pavarësisë reale të institucioneve të pavarura, atrofia e një pjese të madhe të së ashtuquajturës shoqëri civile dhe fragmentarizimi mediatik, krijojnë gjithashtu kushtet për shpërpjesëtimin iliberal të demokracisë shqiptare ende në pelena. Pa pushtet të tretë dhe pushtet të katërt të dobët, pushteti ekzekutiv kalëron omnipotent mbi një legjislativ sa formal aq edhe fiktiv dhe jo vetëm që nuk mund të flasim për kontroll dhe balancë pushtetesh por as për një ndarje formale mes tyre. Aq më pak që jemi në kushtet kur pushteti qendror dhe lokal janë ende njëngjyrësh. Në këto kushte, të bërit gjasme sikur garohet është garancia e vetme se gara do jetë e paracaktuar të prodhojnë një rezultat të caktuar. Pa qenë nevoja të bëjmë Kasandrën.

Nga Meloni tek Farage, kush mori ftesë nga Donald Trump për ceremoninë e betimit

Nga Xi Jinping te Javier Milei, nga Jeff Bezos te Mark Zuckerberg.

Për ceremoninë e tij të inaugurimit, Donald Trump nuk i kushtoi vëmendje aleancave strategjike apo miqësive historike të Shteteve të Bashkuara, por, si gjithmonë bëri me kokën e tij, duke thirrur rreth 200 të ftuar, mes të cilëve 10 krerë shtetesh dhe qeverish.

Por kush do të jetë në të vërtetë më 20 janar në Capitol Hill? Është konfirmuar prania masive nga Silicon Valley, me të njëjtët miliarderë të teknologjisë që, pas fitores në nëntor, nxituan në Mar-a-Lago për t’u takuar me presidentin e zgjedhur.

Të mëdhenjtë e teknologjisë

Do të jetë në ceremoni CEO i TikTok Chew Shou Zi, që pavarësisht mosmarrëveshjes me qeverinë amerikane do të ulet në skenën e nderit, tradicionalisht e rezervuar për ish-presidentët, anëtarët e familjes dhe të ftuar të tjerë të rëndësishëm. Atij do t’i bashkohen kreu i Meta, Zuckerberg, Bezos i Amazon, CEO i OpenAI, Sam Altman, Tim Cook i Apple dhe CEO i Google, Sundar Pichai, të cilët dhuruan 1 milion dollarë për të ndihmuar në organizimin e ditës së inaugurimit.

Brenda temës së teknologjisë, do të jetë edhe Elon Musk, “shoku i ngushtë” i Donald Trump dhe sekretari i ri i Departamentit të Efikasitetit të Qeverisë.

Sa i përket paraardhësve të manjatit dhe grave të tyre, është konfirmuar prania e Joe dhe Jill Biden, Hillary dhe Bill Clinton, George W. dhe Laura Bush. Ndërsa, Barack Obama nuk do të shoqërohet nga Michelle. Një zgjedhje kontroverse, që vetëm Donald dhe Melani e kanë bërë para saj, kur kundërshtuan inaugurimin e Joe Biden katër vjet më parë.

Krerët e shteteve dhe qeverive

Mes të ftuarve që do të mbërrijnë nga jashtë, janë edhe presidenti argjentinas Milei, ish-presidenti brazilian Jair Bolsonaro, kryeministri hungarez Viktor Orbán, i cili nuk e ka konfirmuar zyrtarisht pjesëmarrjen e tij, por sipas disa mediave amerikane, ai do të jetë në ceremoni.

Prania e Giorgia Melonit është ende e pasigurt, edhe pse ajo tashmë është takuar me manjatin në Florida dy javë më parë. Lista e të ftuarve përfshin gjithashtu presidentin e El Salvadorit Nayib Bukele, i cili e quan veten “diktatori më i lezetshëm në botë” dhe Xi Jinping, i cili megjithatë do të dërgojë një përfaqësues të rangut të lartë.

Nuk pati ftesë për kryeministrin britanik Keir Starmer, pavarësisht marrëdhënieve të veçanta mes dy vendeve. Në vend të tij do të jetë lideri populist anti-BE, Nigel Farage.

As Presidentja e Komisionit Evropian, Ursula von der Leyen, nuk është ftuar: në vend të saj, do të jetë lideri i partisë franceze të ekstremit të djathtë Reconquête, Éric Zemmour dhe ish-kryeministri polak i zgjedhur së fundmi Mateusz Morawiecki lider i konservatorëve të ECR.

E ftuar ishte edhe kryetarja e ekstremit të djathtë gjerman AfD, Alice Weidel, e cila njoftoi se nuk mund të merrte pjesë për shkak të orarit të ngjeshur përpara votimit gjerman më 23 shkurt, por se do të dërgonte bashkëliderin e partisë, Tino Chrupalla.

Renzi: Nuk kishim informacion për marrëveshjen e energjisë, Melonit do t’i kërkojmë llogari

Ish-kryeministri italian, Matteo Renzi, ka dhënë një intervistë për Syri TV, ku ka komentuar marrëveshjen e bërë publike së fundmi mes Emirateve , Shqipërisë dhe Italisë për energjine e ripërtëritshme, për të cilën ai tha se nuk ishte informuar në asnjë moment nga qeveria.

Renzi theksoi se si deputet i opozitës, ai dhe qytetarët italianë ishin informuar për marrëveshjen vetëm përmes mediave, njësoj si dhe për çështjen e emigrantëve. Ai shprehu shqetësimin për marrëdhëniet personale që shpesh prodhojnë marrëveshje prej miliarda eurosh, për të cilat askush nuk ka informacion të qartë.

Renzi kërkoi transparencë nga qeveria për këtë marrëveshje dhe u shpreh se në parlamentin italian do të kërkojnë një debat të thelluar për të kuptuar se kush do të mbajë barrën financiare të këtyre marrëveshjeve. Ai shtoi se me rritjen e faturave të gazit, kjo çështje është veçanërisht e rëndësishme për qytetarët, të cilët janë të prekura direkt nga këto vendime.

Renzi:

Askush prej nesh nuk ka diskutuar ndonjëherë për këtë marrëveshje. Ndoshta është një marrëveshje e mirë, unë nuk mund ta di këtë sepse unë jam një parlamentar, deputet i opozitës, dhe e kam marrë vesh këtë marrëveshje njësoj si ju, nga gazetat, njëlloj si dhe për emigrantët.
E rëndësishme në një demokraci është të informosh njerëzit, se njeriu mund të thotë se është një ide e mirë, dakord për energjinë, ose mund të thotë nuk jam dakord.
Ajo që është e çuditshme është se këto marrëdhënie personale, prodhojnë marrëveshje prej miliarda eurosh, si ajo e emigrantëve si ajo e energjisë ku askush nuk di asgjë.
Kërkojmë që kryeministrja të na shpjegojë se çfarë është kjo marrëveshje. Në Itali, fatura e gazit është duke u rritur gjithmonë e më shumë. Në 2025 parashikohet rritje prej 15% dhe për një familje që mezi mbyll muajin, kjo është një goditje e fortë.
Unë mendoj se mediat janë shumë të rëndësishme që qytetarët të krijojnë një ide.
Unë po marr një angazhim. Në parlamentin italian do të kërkojmë një debat mbi këtë marrëveshje, të kuptojmë se kush paguan, si financohet, kush po punon për këtë. Pra do të bëjmë një punë transparence që qeveria duket se nuk do ta bëjë.
Nëse nuk është qeveria juaj ata që do të ju japin informacione, do të jetë kënaqësi që nga parlamenti italian të merrni informacione se si do të shpenzohen këta para, të italianëve dhe shqiptarëve. Nuk janë paratë e tyre personale, me to mund të bëjnë gjithçka, por janë paratë e qytetarëve për këtë duhet dhënë llogari.

© SYRI.net

Policia aksion blic në Krujë, kontrolle mjeteve luksoze dhe atyre me xhama të zinj

Policia e Krujës ka ngritur disa pika kontrolli në akset kryesore të këtij rrethi veçanërisht në akset që lidhin veriun me pjesën tjetër të vendit dhe anasjelltas.

Objekt i kontrollit janë automjetet me xhama të errësuar, parandalimi i ngjarjeve kriminale dhe ndalimi i personave në kërkim.

Ende nuk dihet nëse ka persona të shoqëruar apo të arrestuar, ndërsa aksioni vazhdon.

“Do të ketë një tërmet shkatërrues”, pastori që parashikoi atentatin e Trump: Mijëra të vdekur

Një pastor i cili tha se kishte parashikuar atentatin ndaj Donald Trump, ka bërë një tjetër parashikim të frikshëm.

Brandon Dale Biggs, pastor në Oklahoma, tha se Zoti i ka treguar atij një vizion të një tërmeti me magnitudë 10 që do të vrasë mijëra njerëz në të gjithë SHBA-në.

Ai pretendon se tërmeti do të godasë New Madridin, e do të shtrihet nëpër Missouri, Arkansas, Tennessee, Kentucky dhe Illinois, shkruajnë mediat e huaja.

Duke përshkruar vizionin e tij, Biggs tha: “Ishte kaq i madh, kishte 1800 njerëz që vdiqën përgjatë asaj shtrirjeje”.
“Të gjitha shtëpitë u tronditën plotësisht deri në themel, ato thjesht ranë”, shtoi ai.

“Tërmeti i New Madrid ishte kaq i madh sa kur do të ndodhë, edhe lumi Mississippi do ta ndryshojë drejtimin”, vazhdoi pastori.

Ai këmbëngul se e kishte parashikuar atentatin ndaj Trumpit dhe madje postoi një video tre muaj para incidentit.
Biggs tha gjithashtu se ai pa Michigan dhe Oklahoma duke votuar republikanët në zgjedhjet e vitit 2024 në SHBA, gjë që përfundimisht ndodhi.

Në tetor ai tha se kishte parë vizione të sulmeve në Las Vegas dhe Bourbon Street në New Orleans, të cilat ishin vendet e dy sulmeve të Vitit të Ri.

E nëse një tërmet me magnitudë 10 do të ndodhte siç ka parashikuar Biggs, ai do të çonte në qindra mijëra vdekje.

Ndryshe, tërmeti më i fortë i regjistruar ndonjëherë ishte tërmeti Valdivia i vitit 1960 në Kili, me magnitudë 9.5 të shkallës Rihter.